Amos 4:13 - Uwumbɔr aagbaŋ

¹³ Uma Uwumbɔr le naan ŋijoo sakpiin, ki naan libuln mu. U joo waakaal kpiir tuk unibɔn; u kpeln nwiin pu ŋani kinyeek. U chuun dulnyaa wee ni, nin chee fɔk sakpen na. Waayimbil sɔ: Tidindaan Uwumbɔr Mpɔɔnsakpiindaan.

Amos 4:13 ပူးပေါင်းရင်းမြစ်များ

Job Aagbaŋ 9:7

U ga ŋmaa chuu nwiin ke mu taa ki puu, ki ga ŋmaa chuu iŋmabi ke i taa li wiin kinyeek.

Ilahn 135:7

U cha kitaabuŋ nyani kitiŋ aanaanmɔk; ki tii kitaabuŋ mmii mu moor lak lak na, uma le ki cha libuln nyan ni waah siini waawan nin chee na.

Ilahn 139:2

Aa nyi maah ŋani tiwan nimɔk na; aa bi dandar le ki nyi maah dak pu na.

Ilahn 147:18

le u tii limɔboln, le ŋitaanal donn, u tun ni libuln, le nnyun puu cha.

Ilahn 65:6

Saapɔɔn pu le aa di ŋijoo siin ŋaabuu ni, ki mɔk saapɔɔn sakpiin.

Nnyam 10:22

Moses nan yoor uŋaal ki di mɔk paacham, le mbɔmbɔɔn lir ki biin Ijipt aatiŋ ponn ni, iwiin itaa.

Nnyam 14:20

Ntaalangbam ngbaan nan cha ni bɔnn Ijipt yaab chee, le ki tee ye nwiihn Israel yaab wɔb, nima pu na, kinyeek ngbaan, ŋitimbol ŋilee ngbaan aa nan ŋmaa ŋɔŋ tɔb pu le kitaak ti woln.

Aisaya 40:12

Ŋma ga ŋmaa di uŋaapɔtan ŋaŋ nnyusakpem aanyun ki ti bee mu aaŋaŋ, bee u di uŋaal ŋaŋ kitaapaak? Ubaa ga ŋmaa di kitiŋ kee aatan mɔmɔk ŋa kiyinyook kibaa ni ii? Ubaa mu ga ŋmaa di tiwan ni bi joo ŋaŋni tiwan aah nyuun pu na ki di ŋaŋ ŋijoo ni ŋigongon aanyunyuun aa?

Aisaya 45:7

Min le naan nwiihn ni mbɔmbɔɔn mu; min le joo ni tinyoor ni tibɔbir mu. Min Uwumbɔr le ŋani nimina mɔmɔk.

Aisaya 47:4

Israel yaab Aawumbɔr u bi chain na le gaal timi lir. Waayimbil le ye ke Uwumbɔr Mpɔɔnsakpiindaan.

Aisaya 48:2

Le ni tee mak ke ni ye Uwumbɔr aatisakpeŋ aanib la, le ki tii Israel yaab Aawumbɔr naadii; waayimbil le ye Uwumbɔr Mpɔɔnsakpiindaan.

Aisaya 5:30

Nwiin ngbaan daal yaa nan fuu ni kan, bi ga nan ŋuun labr Israel aatiŋ pu ke nnyusakpem aah fu pu na. Lik man litimbol limina. Ni ye mbɔmbɔɔn ni nsuubiin ŋmeen la. Mbɔmbɔɔn di nwiihn mɔmɔk mu nan bi nima na di nab a.

Jeremia 10:13

U yaa len kan, le nnyun mu bi kitaapaak na ŋuuni ke uchinn na; u nyani ntaalangbam kitiŋ aanaanmɔk. Utaal yaa nu kan, u cha u moor ki cha libuln nyani waah siin li nin chee na.

Jeremia 10:16

Uma Uwumbɔr u tiyaaja Jakob mu dii u na aa bi ke ŋima na; uma Uwumbɔr le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Jeremia 13:16

Nyuŋ Nidindaan Uwumbɔr man waahr aan u nin joo ni mbɔmbɔɔn, mu ga cha ni li gbeer ŋijoo paab ki cha nwiihn mu ni mak mu pu na kpaln mbɔmbɔɔn na.

Jeremia 46:18

Min Uwumbɔr Mpɔɔnsakpiindaan le ye ubɔr. Min le ye Uwumbɔr u bi n‑yoonn mɔmɔk na. Unii u ga tak si na ga li kpa mpɔɔn ke Tabor Aajool aah paa jer ŋijoo mɔmɔk pu, ki mu ga li kpa mpɔɔn ke Kamel Aajool aah paa jer nnyusakpem pu na la.

Jeremia 51:16

Uma le len, le nnyun mu bi kitaapaak na ŋuuni; u cha ntaalangbam nyani kitiŋ aanaanmɔk ki choo. Utaal yaa nu kan, u cha u moor, le ki nyani libuln waah di li siin nin chee na.

Jeremia 51:19

Uma Uwumbɔr u tiyaaja Jakob nan dii u na aa bi kina; uma le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Daniel 2:28

Tɔ, Uwumbɔr ubaa u bi paacham, ki ŋmaa kpiir iwaan aawan mɔk na baanja le ga ŋmaa ŋa kina. Uma le tuk mpɔɔndaan tiwan ni ga ŋa n‑yoonn mu choo na. M ga tuk si tidaŋ ti aa nan dɔ geen ki daŋ na.

Daniel 2:30

Tɔ, Uwumbɔr le kpiir iwaan aawan ngbaan mɔk mi, naa ye ke m kpa nlan jer biken la, ni ŋa kina ke sin mpɔɔndaan bee saadaŋ ngbaan aatataa, ki bee ilandak i dan aa chee na.

Hosea 12:6

Kina pu na, Jakob aayaabitiib, kii tii nimi Aawumbɔr, ki fenn gir ni u chee. Li si uchaŋ ni ki li bi mbamɔm, ki li kii nimi Aawumbɔr aah ga nan tun pu na.

Joel 2:2

Nwiin ngbaan daal ga li bɔɔn ki bi timm, mu ga li bɔɔn ki kpa ntaalangbam pam. Kitoonpaak ngbaan choo ki naahn mbɔmbɔɔn sakpiin mubaa le aah biini ŋijoo paab na. Tiwan nimina aaboln aa kee ŋa, kaan ki ŋa daalbaadaal.

Amos 3:13

Tidindaan Uwumbɔr Mpɔɔnsakpiindaan ki len ke, “Li pel man, ki sur Jakob aayaabitiib

Amos 5:27

le m ga di nimi buen tinaagbiir ni, kitiŋ ki bi Damaskus aatiŋ aapuwɔb na ni,” Tidindaan u aayimbil ye Uwumbɔr Mpɔɔnsakpiindaan na le len kina.

Amos 5:8

Uwumbɔr le naan iŋmabi, ni paacham aawan mɔmɔk. U kpeln mbɔmbɔɔn ki di ŋa nwiihn, ki di nwiin pu mu kpeln ŋa kinyeek. Uma le yin nnyusakpem aanyun, ki joo kpir kitiŋ pu. Waayimbil le ye Uwumbɔr.

Amos 6:8

Tidindaan Uwumbɔr Mpɔɔnsakpiindaan le tii nsurm mumina: “M nan Israel yaab aagaak, kaa neen baadichasakpiin ŋi kpa kinyaan ni tiwan mɔmɔk na. M ga di baatiyil ni tiwan ni mɔmɔk bi ki ponn ni na di tii baadim.”

Amos 8:9

N‑yoonn choo le nwiin ga lir liwinjakal pu, le dulnyaa bɔnn liwiyil pu. Min Nidindaan Uwumbɔr le len kina.

Amos 9:6

Uwumbɔr maa waadichal paacham la, le ki cha kitaapaak bi kitiŋ aapaacham, le ki joo nnyusakpem aanyun kpir kitiŋ pu. Waayimbil le ye Uwumbɔr.

Maika 1:3

Uwumbɔr ga nya ni waabuul li bi chain na ni le ki dan; u ga sunn ni ki nan chuun ŋijoo paab.

Habakuk 3:19

Ndindaan Uwumbɔr le ye maapɔɔn; u ŋa maataafar ke upeeman aataabuseen na la, le ki kii mi ŋijoo paab.

Sekaria 12:1

Uwumbɔr aah nan len Israel aabɔr ti na sɔ. Uma le ye Uwumbɔr u taln kitaapaak na. Uma le naan kitiŋ, le ki tii unibɔn limɔfal. U len ke,

Matiu 9:4

Le Yesu bee baalandak, le ki baa bi, “Ba ŋa ni dak ilandak i kaa ŋan na nisui ni?

Jɔnn 2:25

ba pu? u nyi binib mɔmɔk aabimbin. Waa ban ke ubaa nyaa u binib aabɔr. Uma ubaa nyi binib aasui ni aabɔr.

Jɔnn 3:8

Libuln daar cha laah ban nin chee na, le aa ŋun laah kpa kifuuk pu na, kaa nyi laah nyan ni nin chee na, ki mu aa nyi laah cha nin chee na. Ni bi kina le ki tii unii umɔk Uwumbɔr Aafuur Nyaan ma u na.”

Ikaal 32:13

Uma le cha bi joo ŋijoo aatim, le ki cha bi ji kipɔɔk ni aasubil. U nan di tisiir ti bi titakpalunn ni na le kpiin bi, le baakpan aasui nan ŋani ntakpateer pu.

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.