Amos 3:9 - Uwumbɔr aagbaŋ

⁹ Moon ki tuk binib bi mɔmɔk bi Ijipt ni Asdod aabɔrdichal ni na ke, “Kuun man ki buen ŋijoo ŋi mann goln Samaria aatiŋ na, ki ti lik tiwan yɔl yɔl ni titunwanbir ti bi ŋani nima chee na.”

Amos 3:9 ပူးပေါင်းရင်းမြစ်များ

2 Samuel 1:20

Taa mooni ti Gaf aatiŋ ni. Taa tuk Askelonn aatiŋ aanib. Taa cha Filistia aapiib aasui piir; taa cha binib bi kaa dii Uwumbɔr na aabisatiib kan mpopiin.

Ŋiyataŋak 1:13

Ti ga kan liwankpal mɔmɔk aabɔŋ, ki gbiin timi aadichal.

Ŋiyataŋak 11:16

Upii u aabimbin ŋan na kpa kipak binib chee, le binib bi aabimbin pɔɔ na kan liwankpal.

Ulandaan 4:1

Le m ki fenn lik beebee aatuln li tun dulnyaa wee ni na. Baah muk binib bi na nan wii la, le ubaa aa ter bi. Binib bi muk bi na nan kpa mpɔɔn la, le ubaa aa nan ter bi.

Jeremia 31:5

Ni ga ki gir naan ŋisubil aasar Samaria aagongon pu, le binib bi naan ti na ga ji tisar ngbaan aah ga ŋa tijikaar ti na.

Jeremia 46:14

“Moon Ijipt aatim ni, moon Migdol ni, ni Memfis ni, ni Tapanes ni ke, ‘Gor ki kiir nibaa man; naah kpa tiwan ni mɔmɔk na ga bii butɔb ni.

Jeremia 50:2

“Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Esekiel 36:8

Tɔ, isui i bi Israel aajoo pu na ga toŋ tifar ki lu ŋisubil tii nimi maanib Israel yaab. Ni ga kun ni linampal dandana.

Esekiel 37:22

M ga cha bi ŋa unibaan Israel aajoo pu, kitiŋ ngbaan ni. Ubɔrbaan le ga li joo bi, le baan ki yakr ki li ye ŋitimbol ŋilee, kaan ki yakr nnaan mulee pu.

Hosea 7:1

“M yaa ti ban ke m tii maanib Israel yaab laafee, ki ki tii bi nkam kan, m kani baatunwanbir ni mbiin mu bi tun na baanja la. Bi ji tɔb la; bi koo biken aadichal ni le ki su kinaayuk; ki su binib kinaayuk kitiŋ ponn ni.

Amos 1:8

M ga chuu nyan Filistia yaab aatim Asdod ni Askelonn aayidam. M ga daa baatiŋ Ekronn aanib aatafal, le Filistia yaab bi mɔmɔk gur na ga kpoi.”

Amos 4:1

Samaria aapiib, li pel man tibɔr timina, nimi bi filk ke Basann aanaa i jin ki bab na, nimi bi muk binib bi kaa kpa mpɔɔn, ni bigiim na, nimi bi muk nichatiib ke bi li tii nimi ndaan n‑yoonn mɔmɔk na, li pel man.

Amos 5:11

Ni muk bigiim le ki gaal baah kpa tijikaar ni tiwan siib ni na. Kina pu na, naan koo ŋitakpal aadichanyaan ŋi ni maa siin na ni, kaan nyu naah ŋum ŋisubil aasui i na aadaan mu.

Amos 6:1

Nimi bi bi dafir Sionn aatiŋ ni, ni nimi bi dak ke ni kan limɔfal Samaria aatiŋ ni na, naan nan li ŋan ni pu, nimi bi ye linibokpaan Israel na aaninkpiib, nimi bi binib biken chaa ni chee ki ti ban nterm na,

Amos 6:3

Nimi, ni yii kaa kii ke nwiin mundaal tiwan mɔmɔk ga bii na choo, le naah tee ŋani pu na le moo joo nwiin ngbaan duuni nimi.

Amos 8:6

Ti ga ŋmaa di tigbengbir kooh kidaak ki pɔɔ na. Ti ga kan ugiin u kaan ŋmaa pa waapɔln na, hali kaan ŋmaa pa ŋinaatak pu na ki daa u, ki di u ŋa unaagbiija.”

Maika 6:10

Titunwanbirdam aadichal ni gbii liwangol li bi di titunwanbir kan na la. Baah joo tiwan ni ŋaŋni baawan na aa ye nibamɔnn. Maa gee kina kpala.

1 Samuel 5:1

Filistia yaab aah jan ki gaa Uwumbɔr Aakaal Aadakaa na, bi nan yoor u nyan Ebeneser aatiŋ ponn ni, ki di buen baatiŋ Asdod ni,