Amos 3:8 - Uwumbɔr aagbaŋ

⁸ Uchinn yaa ŋuun kan, ijawaan chur binib mɔmɔk la. Tidindaan Uwumbɔr yaa len tibɔr kan, ŋma bi kaan nabr ti tii biken?

Amos 3:8 ပူးပေါင်းရင်းမြစ်များ

Aisaya 21:10

Maanib Israel yaab, bi poi nimi ke idi na la, le dandana m ban m moon ki bui nimi tibɔnyaan ti m ŋun Uwumbɔr Mpɔɔnsakpiindaan chee na; uma le ye nimi Israel yaab Aawumbɔr.

Aisaya 31:4

Uwumbɔr bui mi ke, “Uchinn yaa chuu kiwakork, aan bipihkpaab po gee bi li tar mpɔɔn pu sakpen pu na, waan san cha ki; ni mu ga li bi kina le Uwumbɔr Mpɔɔnsakpiindaan chee, nibaa aan ŋmaa kiir u, aan u taa li kii Sionn aajool.

Jeremia 20:9

Le m yaa tee bui ke, “M ga suln Uwumbɔr bɔr, kaan ki len tibɔr waayimbil pu” kan, le saabɔr bi ke mmii na ki wu nsui ni. M pɔɔni mbaa ke m taa len ti, le kaa ti ki ŋmaa joo ti.

Jeremia 26:12

Le m bui ke, “Uwumbɔr le tun ni mi ke m nan di tibɔr ti mɔmɔk ni ŋun m joo mooni len Waadichal ni kitiŋ pu na len.

Esekiel 29:21

“Kina yaa nan ŋa kan, m ga cha Israel aanib pɔɔk, ki cha sin Esekiel sil unii mɔmɔk aah ga ŋun aa pu nin chee na ki len tibɔr, ki cha bi bee ke min le ye Uwumbɔr.”

Amos 1:2

Le Amos len ke, “Uwumbɔr ŋuun ni Sionn Aajool paab ke uchinn na; uneel tar mpɔɔn pu ke utaal le aah gbeer na, ki nyan ni Jerusalem aatiŋ ni. Inaa aah ŋmɔ timoor nin chee na mɔmɔk kuur a, le Kamel Aajool paab kuur ki mann ke lipeel aamoor na.”

Amos 2:12

Le ni cha maatutum ngbaan nyu ndaan, ki bui maabɔnabtiib na ke bi taa nabr maabɔr.

Amos 3:4

Uchinn yaa kaa kee kan tinann kan, waan teen kipɔɔk ni. Uchinn u laa diin na yaa kaa chuu nibaa waabuu ni kan, waa ŋuuni.

Lituln 4:20

Ti ga li beenin tuk binib taah kan pu na, ni taah ŋun pu na. Taan ŋmaa yii.”

Lituln 5:20

“Li cha ti sil Uwumbɔr Aadichal ni, ki tuk binib limɔfal ngbaan aabɔr mɔmɔk.”

Lituln 5:29

Le Piita ni Yesu aakpambalb biken na bui bi, “Ni ye ke ti kii Uwumbɔr aamɔb la, naa ye binib aamɔb.

1 Korenti 9:16

M yaa tuk binib tibɔnyaan tee kan, maan ŋmaa li kpa kipupuk ti pu. Ni muk mi ke m tuk bi. M yaa kaa tuk binib tibɔnyaan tee kan, tibɔbir ga li bi m pu.

Tibɔkpiirkaan 5:5

Le bininkpiib na ponn ni ubaa bui mi ke, “Taa ki wii. Lik, Yesu u pɔɔ ke uchinn, ki ye Juda aanibol ni aanii ubaa, ki ye Ubɔr David aayaabil na le nyaŋ, ki ga ŋmaa dabr kigbaŋ ki bi dab ki nfum mulole na, ki kpar ki.”