Amos 3:7 - Uwumbɔr aagbaŋ

⁷ Tidindaan Uwumbɔr aa ŋani waawan nibaa kaa puen di ni kpiir mɔk waatutum bi ye waabɔnabtiib na.

Amos 3:7 ပူးပေါင်းရင်းမြစ်များ

Mpiin 18:17

Le Uwumbɔr dakl usui ni ke, “Maah ban m ŋa pu na, maan di tibɔr ngbaan bɔr Abraham.

Mpiin 6:13

Uwumbɔr nan bui Nowa ke, “M ga kuln unibɔn. M ga bii tiwan mɔmɔk doo, ba pu? baatunwanbir le gbii dulnyaa mɔmɔk ni.

2 Bibɔrb 22:13

“Li cha man ki ti baa Uwumbɔr chee, min ni binib bi gur Israel ni Juda aatim ni na pu. Baa ki bee man kigbaŋ kimina aamɔkm aah ye pu na. Tiyaajatiib aah yii Uwumbɔr aamɔboln, kaa ŋa kigbaŋ kimina aah bui ke bi ŋa tiwan ni na pu, le u gee ti pu liŋuul.”

2 Bibɔrb 22:20

le kaan ki cha ntafadaan mu ba choo Jerusalem pu na dan see saakun aapuwɔb. M ga cha aa kpo nsuudoon ni la.’” Le bijab ngbaan nan di tibɔr ngbaan nan tuk Ubɔr Josia.

2 Bibɔrb 6:12

Le bi ponn ni ubaa gar u ke, “Mpɔɔndaan, ubaa aa bi. Uwumbɔr aabɔnabr Elaisa le tuk u saah len pu na. Hali aa yaa bi saadiik ni le ki loon len ti kan, u ga ŋun.”

Ilahn 25:14

Uwumbɔr aajɔtiib le ye binib bi keei waamɔb na, le u mɔk bi waah puu tipuur ti na aatataa.

Aisaya 18:4

Uwumbɔr bui mi ke, “M ga li bi kitaapaak ki lik ni suuna ke lijikaacheel yoonn aamaln aah naani kinyeek pu na, ki lik chimm ke nwiin aah wiin nwiin pu pu na.

Jeremia 23:22

Bi yaa nan ba nyi maalandak i bɔr na kan, bi ba ga di maabɔr tuk maanib, le bi ba di cha titunwanbir, ni mbiin aabimbin mu ponn ni bi bi na.

Esekiel 29:21

“Kina yaa nan ŋa kan, m ga cha Israel aanib pɔɔk, ki cha sin Esekiel sil unii mɔmɔk aah ga ŋun aa pu nin chee na ki len tibɔr, ki cha bi bee ke min le ye Uwumbɔr.”

Daniel 11:2

Maah ban m bui si pu na ye ibamɔn la.” Uwumbɔr aatuun ngbaan nan ki bui mi ke, “Bibɔrb bitaa ga ki ji nnaan Pesia aatiŋ ni, ki paan tɔb pu, le unanar mu ga paan ni bi pu, uma ga li kpa liwangol ki jer bitaa na. Buyoonn waapɔɔn ni waawangol ngbaan ga ti moo nyaŋ na, le u ga buen ti kpak Griis aanaan.

Daniel 2:47

Ubɔrkpaan nan ki bui ke, “Saawumbɔr le ye Uwumbɔrkpaan ki jer ŋiwaa mɔmɔk, u ye bibɔrb Aadindaan, ki ye u kpiir iwaan aawan mɔk binib na. Saah kpiir iwaan aawan nimina mɔk mi na le cha m bee kina.”

Jɔnn 15:15

Maan ki yin nimi ke bitutum; m yin nimi ke njɔtiib la. Ututunn aa nyi udindaan aabɔr mɔmɔk; m tuk nimi tibɔr timɔk m ŋun Nte Uwumbɔr chee na.

Tibɔkpiirkaan 1:1

Tibɔr tee le Uwumbɔr nan tuk Yesu Kristo ke u nan kpiir tuk waatutum. Ti ye tibɔr ti ga ŋa woween na la. Le Yesu nan tun waatuun ke u buen waatutunn Jɔnn chee ki ti tuk u tibɔr ngbaan.

Tibɔkpiirkaan 1:19

Nima pu na, ŋmee saah kan pu na, ki ŋmee naah bi pu dandana wee na, ki ŋmee naah ga nan ŋa pu n‑yoonn mu choo na na.

Tibɔkpiirkaan 10:7

Buyoonn Uwumbɔr aatuun lolole ga pii waakakaan na, n‑yoonn ngbaan le Uwumbɔr ga tun waatunyaan li bɔr na ki doo, waah nan tuk waabɔnabr bi ye waatutum na ke u ga tun pu na.

Tibɔkpiirkaan 4:1

Waah len ti doo na, le m kan Uwumbɔr do aabisamɔb piir. Le nneel mu naahn kakaan ki len m chee njan na le len ke, “Dan paacham do, le m ga mɔk si budabu ga sil ŋa n‑yoonn mue aapuwɔb na.”

1 Samuel 9:15

Ki nin woln bundaal aan Sɔɔl kan Samuel na, Uwumbɔr nan bui Samuel ke,