Amos 3:2 - Uwumbɔr aagbaŋ

² “Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Amos 3:2 ပူးပေါင်းရင်းမြစ်များ

Mpiin 10:32

Binib bimina mɔmɔk nan ye Nowa aayaabitiib la, bi mɔmɔk ni baanibol. Nnyun aah jin dulnyaa wee ki jer na, ŋinibol ŋimɔk bi dulnyaa wee ni dandana na mɔk ye Nowa aayaabitiib la.

Mpiin 18:19

M lee u ke u di maakaal mɔk waabim, ni uyaabitiib, aan bi kii tii mi ki li ŋani ni ŋan na mbamɔm. Bi yaa kii kina kan, m ga ŋa tinyoor ŋa bi pu ke maah nan puu pu tii Abraham na.”

Ilahn 147:19

U joo waamɔboln tii waanib Israel yaab, u tii bi waakaal ni waamɔkm.

Nnyam 32:34

Tɔ, siir ki li cha, ki ti loln binib ngbaan pu nsan, ki buen nin chee m bui si na. Teer ke maatuun ga loln ni pu nsan; tɔ, n‑yoonn choo le m ga daa binib ngbaan aatafal, baatunwanbir pu.”

Aisaya 63:19

Aa ŋani timi ke sin le aah kaa nan joo timi n‑yoonn mubaa na, le ni naahn ke taah kaa nan ye saanib n‑yoonn mubaa le na.

Jeremia 1:15

ba pu? m bi yin ŋitimbol ŋi bi ŋŋangan wɔb na ke ŋi dan la. Ŋaabɔrb ga di baabɔrjal siin Jerusalem aabisamɔi chee, ki siin mann goln kaagon, ki siin mann goln Juda aatim muken na mu.

Jeremia 10:25

Di saaŋuul toŋ ŋitimbol ŋi kaa dooni si na, ni binib bi yii si na wɔb. Bi ku saanib, bi kuln timi pel pel, le ki cha timi aatiŋ kpaln ŋilangben.

Jeremia 11:22

Le Uwumbɔr Mpɔɔnsakpiindaan bui ke, “M ga daa bitafal. Baanachipɔm ga kpoi butɔb ni, le nkon mu ku baabim.

Jeremia 13:21

Binib bi aa nan dak ke bi ye aajɔtiib na yaa nan nyaŋ si ki joo si kan, aa ga len kinye? Aa ga nan li bi iween ni, ke upii u ban u maa na la.

Jeremia 14:10

Uwumbɔr len binib bee aabɔr ke, “Bi gee ke bi fenn bipuwɔb tii mi, le kaan chuu bibaa. Kina pu le nsui aa piin bi pu. M ga teer taani u bi tun na, ki daa bitafal baatunwanbir pu.”

Jeremia 9:25

Uwumbɔr nan ki bui ke, “N‑yoonn choo, le m ga nan daa Ijipt, ni Juda, ni Edom, ni Amonn, ni Moab, ni nteersakpiin ni aanib bi chee biyigbeer pu aayikpir na aatafal. Ba pu? Bi kaa ye Juda aanib binib bimina ponn ni na gii ŋichakpan, le kaa dii mi. Juda aanib ma kan, bi gii ŋichakpan, kaa tee joo lichakpangeei aakaal aah mɔk pu na.”

Esekiel 5:9

Jerusalem aanib aah tun lituln li sukr ponn ni na pu, le m ga daa kitafal sakpen, ke maah kaa kee daa bitafal pu na, le kaan ki ŋa kina.

Esekiel 9:6

Ku bijaninkpiib, ni binachipɔm, ni bipiisapɔm, ni bipiib bi joo mbim na, ni mbim man. Ni taa meeh unii umɔk kpa kidaan uyigbeer pu na. Piin Maadichal ni do man.” Kina pu na, bi nan di bisalolm bi si Uwumbɔr Aadichal ni nima chee na le piin.

Daniel 9:12

Aa nan ŋa saah nan bui ke aa ga ŋa timi, ni binib bi joo timi na mɔmɔk pu na. Kitiŋ kibaa aa ki bi taab do ki kan ntafadaan mu aa nan di tii Jerusalem na.

Hosea 2:13

N‑yoonn mu mɔmɔk u nan sulni mbɔr ki seer tulalee aayon tii liwaal Baal ki peeni nleenyaan ki san dii ubɔtiib na pu le m ga daa utafal. Uwumbɔr le len kina.

Hosea 5:3

M nyi Israel aah bi pu na, waan ŋmaa bɔr mi. U nyan mpuwɔb, le waanib aa ŋeer ke bi li dooni mi.”

Hosea 8:13

Bi toor kitork tii mi, le ki ŋmɔ kaanann. Le min Uwumbɔr aasui aa piin bi pu, le m ga teer baatunwanbir n‑yoonn mumina ki daa bitafal ti pu; m ga giin bi Ijipt aatiŋ ni.

Hosea 9:9

Baatuln mɔmɔk ponn ni ye titunwanbir le kaa kpa ŋitataa, ke baah nan bi Gibea aatiŋ ni pu na. Uwumbɔr ga teer baatunwanbir le ki daa bitafal ti pu.

Amos 2:4

Uwumbɔr ki len ke, “Juda yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi lik maamɔkm fam, kaa kii maamɔb. Biyaajatiib aah nan dii inyamɔn aawaa ŋi na le ŋmann bi koon timoor ni.

Amos 3:3

Bijab bilee aan ŋmaa kpaan piin lisachuln kaa puen kpokl waahr.

Amos 6:1

Nimi bi bi dafir Sionn aatiŋ ni, ni nimi bi dak ke ni kan limɔfal Samaria aatiŋ ni na, naan nan li ŋan ni pu, nimi bi ye linibokpaan Israel na aaninkpiib, nimi bi binib biken chaa ni chee ki ti ban nterm na,

Maika 2:3

Kina pu le Uwumbɔr bui ke, “M bi dakl ke m joo ni tibɔbir nan lii ni pu la, le naan ŋmaa nya ti ponn ni. Ni ga kan ke ni bi tibɔr ni la, le naan ki chuun kigaak aasachuln.

Nahum 3:4

Uwumbɔr daa pateer Ninefa aatiŋ aatafal la. Ki nan ŋan sakpen, le ki kpa ibɔnyɔk i bir na, ki nan ŋmal ŋitimbol ŋiken ibɔnyɔk, ki di mu ŋa tinaagbiir ni.

Lituln 17:26

Njan u nan naan uja ubaa, uma le ye ŋinibol mɔmɔk aayaaja. Uma Uwumbɔr le cha ŋinibol mɔmɔk bi dulnyaa wee mɔmɔk ponn ni. U nan siin n‑yoonn mu binib mɔmɔk ga li bi na, ki siin nin chee bi mɔmɔk ga li bi na.

Rom Yaab 2:9

Binib bimɔk tun titunwanbir na ga kan falaa ni limukl. Njan, Juu yaab ga kan, le binib bi kaa ye Juu yaab na mu ga kan.

1 Korenti 8:3

Unii mu yaa gee Uwumbɔr kan, Uwumbɔr beer udaan ngbaan.

Ikaal 10:15

Uwumbɔr aah gee niyaajatiib sakpen pu na, le u nyan nimi baanja ŋinibol mɔmɔk ni, le ni beenin ye waanib ki nan saa din.

Ikaal 26:18

Din wee na, Uwumbɔr mu gaa nimi ki di ŋa ubaa aanib, ke waah nan puu tipuur pu na, ki bui ke ni li joo waakaal mɔmɔk mbamɔm.

Ikaal 32:9

le ki nyan Jakob aamaal ke bi li ye waanib.

Ikaal 4:32

“Ni baa n‑yoonn mu jer na aabɔr, n‑yoonn mu jer aan bi nin ma nimi na, buyoonn Uwumbɔr nan naan unibɔn dulnyaa wee ni na ki ti saa dandana na aabɔr. Ni baa dulnyaa aapepel mɔmɔk ni. Tiwansakpenn kina aaboln kee ŋa aa? Unii ubaa kee ŋun tiwan kina aaboln pu uu?

Ikaal 7:6

Naah ye Nidindaan Uwumbɔr aanib pu na, ni ŋa kina. Nimi le u nyan dulnyaa aanib mɔmɔk ni, ke ni li ye uma ubaa aanib.

1 Piita 4:17

Ni ŋeer Uwumbɔr piin ki ji binib tibɔr. U ga puen ji waanib le tibɔr, le ki nin ji biken tibɔr. U yaa puen ji timi waanib tibɔr kan, binib bi kaa kii waabɔnyaan na aabɔr ga doo kinye?