Amos 3:13 - Uwumbɔr aagbaŋ

¹³ Tidindaan Uwumbɔr Mpɔɔnsakpiindaan ki len ke, “Li pel man, ki sur Jakob aayaabitiib

Amos 3:13 ပူးပေါင်းရင်းမြစ်များ

2 Bibɔrb 17:13

Uwumbɔr nan tun ni waatuun, ni waabɔnabr ke bi nan sak Israel ni Juda aanib ke: “Di cha man nimi aatunwanbir aasan, ki kii maakaal i bi ikaal i m nan di tii niyaajatiib na, ni maah di i tii ni maatutum bi ye maabɔnabr na.”

2 Bibɔrb 17:15

Bi nan yii kaa kii waamɔkm, baa nan joo tipuur ti u nan puu tii biyaajatiib na, le kaa di waah nan sak bi pu na yin nibaa. Bi nan dooni waafam tiib, le ki mu ŋa fam bibaa, le ki nan dii ŋitimbol ŋi mann goln bi na aakaal ki yiil Uwumbɔr aah bui ke bi taa li ŋani ŋitimbol ngbaan aah ŋani pu na.

2 Bibɔrb Aabɔr 24:19

Uwumbɔr nan tun bibɔnabr ke bi ti sak bi ki cha bi gir ni u chee, le binib ngbaan yii, kaan ŋun tii u.

Aisaya 1:24

Kina pu na, li pel man Uwumbɔr Mpɔɔnsakpiindaan, Israel yaab Aadindaan u kaa kpa ŋeen aatɔ na aah len pu na: “M ga teen nimi maadim, aan naan ki ŋa mi tibɔbir tibaa.

Esekiel 2:7

Aa ga bui bi maah tuk si ke aa len pu na mɔmɔk, hali bi yaa kaan pel aa chee kan, aa len ti mɔmɔk. Li nyi baah ye bimɔyiib bi na.

Amos 3:14

ke bundaal m ga daa Israel yaab aatafal baatunwanbir pu na kan, m ga gbaa wii ŋiwaabimbin ŋi bi Betel aatiŋ ni na mɔmɔk. Ŋibimbin ngbaan mɔmɔk aamɔju ga wii ki lir kitiŋ.

Amos 5:27

le m ga di nimi buen tinaagbiir ni, kitiŋ ki bi Damaskus aatiŋ aapuwɔb na ni,” Tidindaan u aayimbil ye Uwumbɔr Mpɔɔnsakpiindaan na le len kina.

Lituln 2:40

Le Piita di tibɔr ti wiir na tuk bi Yesu aabɔr, le ki sur bi ki bui bi, “Pɔɔn nibaa man ki ŋmar, ki nya ntafadaan mu ga pii titunwanbirdam ngbaan na ni.”

Lituln 20:21

M sur Juu yaab ni binib bi kaa ye Juu yaab na mu, ke bi kpeln baabimbin ki dii Uwumbɔr aasan ki gaa Tidindaan Yesu ki kii.

Efesusi 4:17

Ni taa li dii ke binib bi kaa nyi Uwumbɔr na aah dii pu na. Tidindaan aayimbil pu, le m len tibɔr timina. Baalandak mɔmɔk ye ilandak yɔli la.

Ikaal 8:19

Ni taa suln Nidindaan Uwumbɔr bɔr aan ki fenn dii ŋiwaa, ki dooni ŋi, ki tun tii ŋi. Mbamɔn le m tuk nimi din wee na, ni yaa ŋa kina kan, u ga kuln nimi.

1 Tesalonika 4:6

Uja ubaa taa li ban una aabo aapuu ki tun titunwanbir timina. Ti nan tuk nimi ki sur nimi mbamɔm ke Tidindaan dar binib aatafal titunwanbir ngbaan mɔmɔk pu.

Josua 22:22

“Uwumbɔr le ye Mpɔɔndaan. Uma le ye Uwumbɔr. Uwumbɔr le ye Mpɔɔndaan. Uma le ye Uwumbɔr. Uma le nyi tiwan ni pu ti ŋa kina na, le ti ban ni mu bee ni. Ni yaa ye ke ti tun titunwanbir Uwumbɔr chee, kaa kii waamɔb kan, ku timi man, ki taa cha ti ki li bi man.