Amos 2:8 - Uwumbɔr aagbaŋ

⁸ Bijab doo kitork aabimbin mɔmɔk ponn ni, tiwanpeenkaan ni bi gaa bigiim chee ki joo teeni baah jin ŋipɔln ŋi pu na la. Maadichal ni, bi nyu ndaan mu bi gaa baapɔlndam chee na la.

Amos 2:8 ပူးပေါင်းရင်းမြစ်များ

Nnyam 22:25

“Ni yaa pinn ŋimombil tii maanib ngbaan ponn ni u ye ugiin na kan, ni taa li bi ke binib bi pinni ŋimombil ki ban tinyoor na.

Aisaya 57:7

Ni chaa ŋijoo paab ti toor kitork le ki doo bipiib chee nima.

Esekiel 18:12

U ji bigiim pem pem, ki su kinaayuk; unii yaa pinn u chee ŋimombil ki di waawan nibaa siin lipɔln ngbaan pu kan, waa joo giini. U chaa tiwaachur ni, ki dooni ŋiwaa ŋi sukr ponn ni na,

Esekiel 18:7

Waan ji ubaa pem pem, ki mu aan su ubaa kinaayuk. Unii yaa nan pinn u chee tiwan ki di waawan nibaa siin lipɔln ngbaan pu kan, u giini tiwan ngbaan tii uwandaan la; u kpiini binib bi kaa kpa tijikaar na, le ki tii binib bi chuun biŋmeen na tiwanpeenkaan.

Esekiel 23:41

Bi ga kal ŋiyikukul aajanyaan ŋi fɔk na pu, le ki di teebul u aapaacham gbii tiwanyaan, ni tulalee aayon, ni olif aakpan ni mɔmɔk m tii bi na siin binimbiin ni.

Hosea 4:8

Maanib aatunwanbir pu le ni moo kani titunwanbir aatork aawangol, le ki ban ke bi li moo tun titunwanbir.

Hosea 7:14

Baa joo bisui mɔmɔk mee mi, le ki labr lir kitiŋ le ki kaani ke binib bi kaa dii maasan na aah ŋani pu na. Bi yaa bi mee ban njikaabim ni ndaan kan, bi joo njum le geei bibaa ke binib bi kaa dii maasan na aah ŋani pu na. Bi ye binib bi kaa keei min Uwumbɔr aamɔb na la.

Amos 3:14

ke bundaal m ga daa Israel yaab aatafal baatunwanbir pu na kan, m ga gbaa wii ŋiwaabimbin ŋi bi Betel aatiŋ ni na mɔmɔk. Ŋibimbin ngbaan mɔmɔk aamɔju ga wii ki lir kitiŋ.

Amos 4:1

Samaria aapiib, li pel man tibɔr timina, nimi bi filk ke Basann aanaa i jin ki bab na, nimi bi muk binib bi kaa kpa mpɔɔn, ni bigiim na, nimi bi muk nichatiib ke bi li tii nimi ndaan n‑yoonn mɔmɔk na, li pel man.

Amos 6:4

Nimi bi dɔ nimi aawandookaan ni diin ki ŋan na pu, ki ji n‑yaan ni nkpan na, naa ga nan li ŋan tii nimi kpala.

Amos 6:6

Ni nyu ndaan tiyikur ti wiir na ponn ni, ki ŋani tulalee tiib bi nu mɔ sakpen na, kaa tee wii Israel aah ga bii pu na aakpowiil.

1 Korenti 10:21

Naan ŋmaa yoor Tidindaan aayinyook ki nyu, ki gir ki ti nyu kinimbɔŋ aayinyook ni. Naan ŋmaa ŋmɔ Tidindaan aaboroboro, ki gir ti ŋmɔ kinimbɔŋ aanann mu.

1 Korenti 10:7

Ni mu taa dii ŋiwaa, ke bi ponn ni bibaa aah nan dii pu na; ni ŋmee Uwumbɔr Aagbaŋ ni ke, “Binib ngbaan nan kal ki ŋman kitork aanann, ki nyu ndaan gbii, le ki fii ki tun kininsuŋ aatun.”

1 Korenti 8:10

Unii u kaa nyi Uwumbɔr aasan mbamɔm na yaa kan si, u kpa nnyim na, ji tijikaar ŋiwaa aadichal ni kan, u mu ga li kpa lipobil ki ŋmɔ kitork aanann, ki lir.

Bibɔjirb 9:27

Bi mɔmɔk nan nyan buen baasubil aasui aasar ni ki ti ker ŋisubil, le ki di ŋa ndaan, le ki ŋa njim. Bi nan koo baawaal aadiik ni, le ki ti jin ki nyun ndaan nima ki seei Abimelek.