Amos 2:4 - Uwumbɔr aagbaŋ

⁴ Uwumbɔr ki len ke, “Juda yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi lik maamɔkm fam, kaa kii maamɔb. Biyaajatiib aah nan dii inyamɔn aawaa ŋi na le ŋmann bi koon timoor ni.

Amos 2:4 ပူးပေါင်းရင်းမြစ်များ

2 Bibɔrb 17:19

Tɔ, Juda aanib mu aa nan kpaan kii Bidindaan Uwumbɔr aakaal; bi mu nan gaa Israel aanib aah nan naan ikaal i na la.

2 Bibɔrb Aabɔr 25:14

Amasia aah ti nyaŋ Edom ki gir choo kun ni na, le u yoor baawaa ki nan baan ŋi, ki dooni ŋi, ki seer nnyɔknii tii ŋi.

2 Bibɔrb Aabɔr 30:7

Ni taa li bi ke niyaajatiib ni niŋeen aatɔtiib Israel yaab bi nan yii kaa kii tii Bidindaan Uwumbɔr na. Ni kan ke u nan daa bitafal sakpen.

Nehemia 1:7

Ti ŋa si mbiin sakpen ki yii kaa ŋa saah bui timi pu na. Taa joo ikaal i aa nan di tii saatutunn Moses ke u di nabr tii timi na.

Nehemia 9:26

Le saanib nan yii saamɔb, kaa kii tii si; bi nan fenn bipuwɔb tii saakaal, ki nan ku saabɔnabtiib bi nan sak bi ki bui bi ke bi gir ni aa chee na. N‑yoonn n‑yoonn bi nan seei si;

Aisaya 28:15

Ni bui ke nimi ni nkun ŋa tɔb kijɔtiik aan ni ni kitekpiitiŋ kpaan a. Ni dii inyamɔn ki dak ke ŋŋmann pu le ni ga ŋmar, ki tii naadii ke tibɔbir yaa fuu ni kan, ni ga nya ti ni.

Aisaya 44:20

Nimina ni unii aah ga moo nfatan pu na ye tiwan nibaa la. Waajɔrk aalandak ngbaan ŋmann u sakpen le ubaa aan ki ŋmaa sur u. Waan kii ke liwaal li u joo uŋaal ponn ni na aa ye Uwumbɔr kpala.

Jeremia 16:11

Le aa ga bui bi ke Uwumbɔr bui ke, ‘Niyaajatiib nan fenn bipuwɔb tii mi, le ki dooni ki tun tii ŋiwaa. Bi nan yii mi, kaa kii maamɔkm.

Jeremia 16:12

Le nimi ŋa tiwan ni bir jer niyaajatiib yaan na. Ni mɔmɔk kpa tafalaaŋun le ki tun titunwanbir, kaa kii maamɔb.

Jeremia 17:27

See bi kii maamɔb, ki joo Likpaakool daal ke mu ye nwinyaan daal. Bi taa tu lituln libaa ki di dii Jerusalem aabisamɔi nwiin ngbaan daal; bi yaa ŋa kina kan, m ga see Jerusalem aabisamɔi mmii. Le mmii wu Jerusalem aabɔrchiln, le ubaa aan ŋmaa junn mu.”

Jeremia 6:19

Kitiŋ, li pel. Maanib aabeebee aatuln pu le m ban m joo ni libiil nan lii bi pu, ba pu? bi yii maamɔkm kaa tii maabɔr naadii.

Jeremia 8:2

Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Jeremia 8:9

Nimi aalandam jin inimɔɔn a; bilan ŋmal le bi koo sil sisik ni. Bi yii maamɔboln; ba aalan aan bi ki kpa?

Jeremia 9:14

Bi tee yii le ki kpa tafalaaŋun ki dooni Baal aawaa ke biyaajatiib aah tuk bi pu na.

Esekiel 13:22

“Ni joo nimi aanyamɔn le yɔl bininyaam bi maa kpa nlandak ke m tii bi titotonn na aataakpab. Ni kii titunwanbirdam le baan ŋmaa di cha titunwanbir ki nya nkun ni.

Esekiel 20:13

Tɔ, nteersakpiin ni, nima chee le bi kpaan yii maamɔb. Bi bii maakaal, le ki yii maamɔkm mu tii unii umɔk gaa mu ki kii na limɔfal na. Bi nan bii Likpaakool daal aajoom pel pel. M nan gor nteersakpiin ni nima ke m cha bi bee maaŋuul aah pɔɔ pu na ki kuln bi.

Esekiel 20:16

Baah yii maamɔkm, ki bii maakaal, ki koor Likpaakool daal aajoom, ki tee gee baawaa aadoon na pu le m nan puu kina.

Esekiel 20:18

M nan tee sak binib bi nan laa diin ki bi bi ponn ni na ke: Taa li joo ikaal i niyaajatiib ŋa na; taa dii baakaal man, ki taa di baawaa bii nibaa.

Esekiel 20:24

Baah yii maamɔkm, ki bii maakaal, ki koor Likpaakool daal aajoom, ki dooni ŋiwaabaan ŋi biyaajatiib nan dooni na pu le m nan ŋa kina.

Esekiel 20:30

Tɔ, tuk Israel yaab ngbaan min Bidindaan Uwumbɔr aah len pu na ke: Ba ŋa ni san dii ŋiwaa ŋi nitetiib nan dii na, ki tun titunwanbir baan ti bi nan tun na?

Esekiel 22:28

Maabɔnabr di titunwanbir timina bɔr ke binib aah joo nfatan booni ligoln pu na la. Bi kani tibɔkpiirkaan ti kaa gbii na, le ki geei inyamɔn ke tiwan nee ga ŋa. Bi geei inyamɔn le ke bi nabr Bidindaan Uwumbɔr aamɔboln la, min Uwumbɔr mu aa len bi chee tibɔr.

Esekiel 22:8

Saa pak ŋibuu ŋi ye chain na, kaa joo Likpaakool daal aakaal.

Hosea 12:2

Uwumbɔr kpa Juda aanib pu ngalm, le ki ga daa Israel aatiŋ aatafal, kaanib aatuln pu. U ga giin baah tun pu na le pa bi.

Hosea 12:3

Biyaaja Jakob ni ujaantɔ Esɔ nan mɔn, bi mɔmɔk bilee aah nan laa bi bina aaponn ni pu na; le Jakob aah nan chikr na, le u ni Uwumbɔr mɔn,

Hosea 6:11

“Le nimi Juda aanib ma, m siin n‑yoonn mu m ga di daa ni mu aatafal na.

Amos 1:3

Uwumbɔr len ke, “Damaskus yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi ŋa Gilead yaab mbiin sakpen.

Amos 3:2

“Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Maika 6:12

Nimi aawankpadam ji bigiim pem pem la, le ni mɔmɔk ye binyamɔndam.

Habakuk 2:18

Liwaal kpa ba aanyoor? Unibɔn le naan li, le li joo inyamɔn baanja tuk si. Unii u naan li na tii li naadii, le li mu aa tee ŋmaa len tibɔr.

Rom Yaab 1:25

Bi dooni tiwan ni Uwumbɔr naan ni na, ki dii ni, kaa dooni Uwumbɔr u naan tiwan mɔmɔk na, kaa dii u. Uma Uwumbɔr le yeh mpakm n‑yoonn mu kaa kpa ndoon na. Amii.

1 Tesalonika 4:8

Unii umɔk yii mmɔkm ngbaan na, naa ye binib aamɔkm le u yii, u yii Uwumbɔr u tii nimi Waafuur Nyaan na aamɔkm la.

1 Piita 1:18

Niyaajatiib nan bi mbimbin yɔl yɔl ponn ni. Ni nyi ke u gaa nimi lii ki nyan nimi mbimbin ngbaan ponn ni. Naa ye tiwan ni ga bii ke ŋimombil na, le u di pan ki gaa nimi lii.

Bibɔjirb 10:6

Israel aanib nan ki piin ki dooni ŋiwaa Baal, ni Astaate, le ki tun Uwumbɔr titunwanbir. Bi nan ki dooni Siria yaab, ni Saidonn yaab, ni Moab yaab, ni Amonn yaab, ni Filistia yaab aawaa mu. Bi nan suln Uwumbɔr bɔr, kaa ki dooni u.