Amos 2:2 - Uwumbɔr aagbaŋ

² M ga cha mmii wu Moab aatiŋ, ki see baatiŋ Keriof aadichal ŋi fɔk ki pɔɔ aan bi maa kiir bibaa na mɔmɔk. Buyoonn butɔb aajab ga li tar aan kakaan tiib wii ki kpa kifuuk na, le Moab aanib ga kpoi.

Amos 2:2 ပူးပေါင်းရင်းမြစ်များ

Aisaya 9:5

Mmii le ga wu bijab ngbaan aajaak aanaatak ni baabɔkul ŋi gur ye nsin ŋmeen na.

Jeremia 48:24

ni Keriof, ni Bosra aatim pu. Libɔjil fuu ni Moab aatim mɔmɔk mu bi ni daa na, ni mu bi duun na pu a.

Jeremia 48:34

“Hesbonn ni Eleale aanib wii la, le baawiil di ti fuu Jahas aatiŋ ni; Soar aanib ŋun i pu la; le Horonaim, ni Eglaf Selisiya aanib mu ti ŋun i pu. Hali Nimrim aabukpiik na aanyun foor a.

Jeremia 48:41

le ki nyaŋ kaatim, ni ntim mu bi maa ŋigon gob mu na. Liyaadaal ngbaan kan, Moab aajab ga san ijawaan ke imalween aah joo upii u na.

Jeremia 48:45

Bikusam bi kaa kpa nterm na pɔɔni bibaa ke bi ti kan nterm Hesbonn aatiŋ ki Ubɔr Sihonn nan joo ki na ni, tɔ, ki mu gaa mmii a. Mmii wun Moab aanib bi gee butɔb sakpen na aanaanmɔk ni kaajoo paab.

Esekiel 25:8

Tidindaan Uwumbɔr bui ke, “Moab yaab aah len ke Juda aatimbol bi ke ŋitimbol ŋiken na,

Amos 1:14

Kina pu na, m ga cha mmii wu baatiyil Raba aagon, ni baah maa ŋidichal ŋi fɔk ki pɔɔ kiir bibaa na mɔmɔk. Le bundaal butɔb ga fii na, iwiil ga li bi liyaadaal ngbaan, le kijaak ngbaan ga li pɔɔ ke kitaabuŋ na.

Amos 1:4

Kina pu na, m ga cha mmii wu ubɔrkpaan Hasael aabɔrdichal, ki see ubɔrkpaan Ben‑Hadad aadichal ŋi fɔk ki pɔɔ na mɔmɔk mmii.