Amos 2:11 - Uwumbɔr aagbaŋ

¹¹ Min le nan lee nijapɔtiib bibaa bi li ye maabɔnabtiib, le ki lee biken mu bi li ye maatutum bi puu ke baan nyu ndaan kpala na. Israel yaab, m gii la aa? Min Uwumbɔr le len kina.

Amos 2:11 ပူးပေါင်းရင်းမြစ်များ

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

1 Bibɔrb 18:4

le n‑yoonn mu Jesebel nan bi ku Uwumbɔr aabɔnabtiib na, Obadia nan di bi ponn ni nkub ti bɔr titakpalunn tilee ponn ni. Piiŋmu piiŋmu le nan bi kitakpaluŋ ni, le u tii bi tijikaar ni nnyun.

1 Bibɔrb 19:16

ki di Nimsi aajapɔɔn Jehu kaan Israel aatiŋ aanaan, ki di Safat, u nyan ni Abel Mehola aatiŋ ni na aajapɔɔn Elaisa ŋa ubɔnabr aan u gaa si.

1 Bibɔrb 20:13

N‑yoonn ngbaan na, Uwumbɔr aabɔnabr ubaa nan buen Ubɔr Ahab chee ki ti bui u ke, “Uwumbɔr bui ke, ‘Taa san butɔb sakpem ngbaan ijawaan. M ga tii si linyaŋ bi pu din wee, le aa ga bee ke min le ye Uwumbɔr.’”

1 Bibɔrb 20:35

Uwumbɔr aamɔboln pu le waabɔnabr ubaa nan bui uŋeen aatɔtiib ponn ni uken ke u faa u. Le uma ngbaan yii,

1 Bibɔrb 20:41

Le Uwumbɔr aabɔnabr ngbaan chuu daa poor litaln na unimbil wɔb, le ubɔr kpaan bee u ke u ye Uwumbɔr aabɔnabr ubaa la.

1 Bibɔrb 22:8

Le Ahab gar u ke, “Ubaa ki bi, Imla aajapɔɔn Mikaya. M tee nan u la, waa kee nabr tibɔnyaan tibaa tii mi; uma yaan ye tibɔbir ŋmeen la.” Jehosafat nan ki gar u ke, “Taa len kina.”

2 Bibɔrb 17:13

Uwumbɔr nan tun ni waatuun, ni waabɔnabr ke bi nan sak Israel ni Juda aanib ke: “Di cha man nimi aatunwanbir aasan, ki kii maakaal i bi ikaal i m nan di tii niyaajatiib na, ni maah di i tii ni maatutum bi ye maabɔnabr na.”

2 Bibɔrb 6:1

Daalbaadaal le Elaisa aah nan ye Uwumbɔr aabɔnabtiib bi aaninkpel na dan nan bui u ke, “Taah koo nin chee na par timi a.

2 Bibɔrb Aabɔr 36:15

Uma Uwumbɔr u ye biyaajatiib Aadindaan Uwumbɔr na nan beenin tun waabɔnabr ke bi nan sak waanib. U nan ŋani kina ke u cha bi ni Waadichal ŋmar la.

Jeremia 11:21

Maatiŋ Anatof aajab bibaa nan ban ke bi ku mi, le ki bui mi ke m yaa beenin mooni Uwumbɔr aabɔr kan, bi ga ku mi.

Jeremia 2:31

Israel aanib, li pel maah len pu na man. M bi ke nteersakpiin mu bɔɔn ki kpa tiwanbir na le ni chee ee? Tɔ, ni ŋa kinye aan ni bui ke ni ga ŋa naah gee pu na, ke naan ki gir ni m chee kpala?

Jeremia 2:5

Uwumbɔr bui ke: “Ngalm mulamu aan niyaajatiib nan di galn mi? Ba nan cha bi fenn bipuwɔb tii mi? Bi nan dooni ŋiwaa ŋi kaa bi tibaa ni na le ki mu kpaln maabitibaanidam bibaa.

Jeremia 26:11

Le bitotoorb ni bibɔnabr nan bui biyidam ni binib ngbaan ke, “Uja wee ŋeer ke ti ku u, waah len tibɔr ti kitiŋ kee pu na pu. Nimi nibaa aatafal ŋun waah len pu na.”

Jeremia 7:25

Ki nya bundaal niyaajatiib nan nyan Ijipt aatiŋ ni ki nan saa din wee na, m tun ni maatutum bi ye maabɔnabr na, ni chee.

Inandalahn 4:7

Timi aayidam nan ye binib bi kaa kpa tijɔŋ ki piin chain ke nkokoyon na la, bi nan kpa mpɔɔn, ki kpa laafee.

Maika 2:6

Binib mooni m pu ki len ke, “Taa mooni ti chee. Taa mooni tima ngbaan mɔmɔk man. Uwumbɔr aan jinn timi inimɔɔn.

Lituln 4:18

Le bi yin bi ke bi gir koo ni, le ki nan kpaa bi pu ke bi taa ki tuk binib Yesu aabɔr, ki taa ki pur waayimbil.

Lituln 5:28

“Ti tuk nimi ke ni taa ki tuk binib Yesu aabɔr, ki taa ki pur waayimbil. Le ni beenin mooni waabɔr Jerusalem mɔmɔk ni, ki len ke waasin bi tiŋaal ni la.”

Lituln 7:51

Tɔ, Stiifen nan ki len ke, “Nitafal pɔɔ, naa dii Uwumbɔr aasan nisui ni, kaa pel waaliin. N‑yoonn mɔmɔk ni ban ni yii Uwumbɔr Aafuur Nyaan, ke niyaajatiib aah nan yii mu pu na.

Ikaal 18:18

M ga tun ni maabɔnabr ke saah bi pu na. U ga li ye binaabitiib ponn ni ubaa la. M ga bui u waah ga len pu na, le u ga tuk nimi tiwan nimɔk m ban na.

1 Samuel 19:20

Le u tun ke bi ti chuu ni u. Bi nan ti fuu nima, ki kan Uwumbɔr aabɔnabtiib bi Samuel nan ye baayidaan na bi pak Uwumbɔr, Waafuur Nyaan aapɔɔn pu. Le Uwumbɔr Aafuur Nyaan gbiin Sɔɔl aajab ngbaan, le bi mu piin ki pak Uwumbɔr, Waafuur Nyaan aapɔɔn pu.

1 Samuel 3:20

Kina pu le Israel aanib mɔmɔk, bi bi Israel aatiŋ ŋipepel mɔmɔk ni na bee ke Samuel nan sil ye Uwumbɔr aabɔnabr la.