Amos 2:10 - Uwumbɔr aagbaŋ

¹⁰ Min le nyan ni nimi Ijipt aatiŋ ni, ki di nimi dii nteersakpiin ni, ŋibin imonko ilee, le ki di Amor yaab aatiŋ tii nimi, le ki kpaln nimi aatiŋ.

Amos 2:10 ပူးပေါင်းရင်းမြစ်များ

Nehemia 9:21

Aa nan tii bi baah ban pu na nteersakpiin ni, ki ti saa ŋibin imonko ilee. Baawanpeenkaan aa nan kpo, le bitaa mu aa nan duun, kaa wu mu.

Ilahn 95:10

Nlaasaab nan nyan binib ngbaan ni, ŋibin imonko ilee ponn ni. Le m bui ke, ‘Baa si mpuwɔb kpala. Bi yii, kaa joo maakaal.’

Nnyam 12:51

Liyaadaal ngbaan le Uwumbɔr nan nyan Israel aanibol Ijipt aatiŋ ni.

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Jeremia 2:6

Bitafal aa nan bi m ni, hali maah nan nyan ni bi Ijipt aatiŋ ni, ki di bi bɔ dii kipɔɔk ni, kitiŋ ki ye nteersakpiin, ni litambol, ki kuur ki kpa tiwanbir aan ubaa aa koo nima na; aan ubaa mu aa chuun nima chee na, bitafal aa nan bi m ni.

Esekiel 20:10

“Kina pu na, m nan di bi nyan Ijipt aatiŋ ni ki di bi koo nteersakpiin ni.

Amos 3:1

Israel yaab, linibomɔln li Uwumbɔr nyan li Ijipt aatiŋ ni na, li pel man nimi aabɔr ti u len na.

Amos 9:7

Uwumbɔr len ke, “Israel aanib, m gee Kus aanib ke maah gee nimi pu na la. Maah nan nyan ni nimi Ijipt aatiŋ ni pu na, kina le m nan di Filistia yaab nyan ni Krete aatiŋ ni, ki nyan Siria yaab mu Kir aatiŋ ni.

Maika 6:4

M nyan ni nimi Ijipt aatiŋ ni; m nyan ni nimi tinaagbiir ni; m nan tun Moses, ni Aaronn, ni Miriam ke bi nan loln ni pu nsan.

Nkahm 13:32

Nima pu na, bi nan di inyamɔn aabɔr yaa gaa Israel yaab chee, baah buen kitiŋ ngbaan ni ki ti kan pu na. Bi nan ki bui ke, “Kitiŋ ngbaan ni aakpaatan aa nyuun, le binib ngbaan aa kpa tijikaar bi ji bab. Taah kan binib bi mɔmɔk koo nima na fɔk sakpen a.

Nkahm 21:25

Israel yaab nan jenn gaa Amor yaab aatim mɔmɔk, ki kpee Hesbonn, ni kaatingbaan mɔmɔk, le ki kal mu ni.

Nkahm 32:13

Uwumbɔr nan gee bi gur na pu liŋuul, le ki cha bi chuun manni nteersakpiin ni, ki ti saa ŋibin imonko ilee, le binib bi nan bii usui na kpoi doo.

Lituln 13:18

Ŋibin imonko ilee le Uwumbɔr kpiin tiyaajatiib timoor ni,

Lituln 7:42

Le Uwumbɔr daak bi chee, le ki siir cha bi, le bi dooni ŋiŋmabil ŋi bi kitaapaak na. Uwumbɔr aabɔnabr nan ŋmee tibɔr ngbaan Uwumbɔr Aagbaŋ ponn ni, ke Uwumbɔr len ke, ‘Israel yaab, ni nan kɔr tiwakor ki toor kitork ŋibin imonko ilee timoor ni. Naah toor kitork na, ni toor tii min aa? Aayii.

Ikaal 1:39

“Le Uwumbɔr ki bui timi, ke timi aabim, bi laa diin, kaa nyi ni ŋan na, ni ni kaa ŋan na, mbim bi ni nan bui ke nimi aadim ga gaa bi ni chee na, bima le ga koo kitiŋ ngbaan ni. M ga di kitiŋ ngbaan tii bi, le bi gaa ki kookoo.

Ikaal 2:7

“Ni teer man Nidindaan Uwumbɔr aah ŋa tinyoor ŋa ni pu nimi aatuln mɔmɔk ponn ni pu na. Naah nan chuun yiini nteersakpiin ponn ni pu na, le u kii nimi, ki joo nimi mbamɔm. Ŋibin imonko ilee ŋimina ponn ni, uma le joo nimi, le ni kan tiwan nimɔk ni ban na.

Josua 13:4

Kanaann yaab aatim laa beenin bi ke ni gaa mu, ni Meara, ki ye Saidonn yaab aatiŋ na, ki ti ker Afek aatiŋ ki bi Amor yaab aatiŋ aanaanmɔk na,

Josua 24:8

Le m nan joo ni nimi Amor yaab aatiŋ ni, Jɔɔdann Aamɔɔl aawipuul wɔb. Bi nan ton nimi butɔb, le m cha ni nyaŋ bi. Ni nan gaa baatim, le naah tur koo bi ni na, m ku bi.