Amos 1:9 - Uwumbɔr aagbaŋ

⁹ Uwumbɔr ki len ke, “Taya aatiŋ aanib aah tun titunwanbir n‑yoonn mɔmɔk pu na, kina le ga cha m sil daa bitafal. Bi ŋa ntimɔln aanib mbiin ki di bi kooh tii Edom yaab, kaa joo limaantɔl aajɔtiik ki bi nan puu tii tɔb na.

Amos 1:9 ပူးပေါင်းရင်းမြစ်များ

2 Samuel 5:11

Taya aatiŋ aabɔr Hiram nan tun ni kitiirk aatun David chee, ki nan tii ni u santina aadɔ, ni bikpikpiib, ni binib bi kpir ŋitakpal na, ke bi nan maa libɔrdichal tii u.

Ilahn 83:7

le Gebel yaab, ni Amonn yaab, ni Amalek yaab kpaan, le Filistia ni Taya yaab mu kpaan.

Jeremia 47:4

N‑yoonn fuu ni ke Filistia kuln, n‑yoonn fuu ni ke ki taa ki kan Taya ni Saidonn aaterm mu gur na. Min Uwumbɔr le ga kuln Filistia yaab, bi mɔmɔk nyan ni Krete aanyun aagbaan ni na.

Esekiel 27:1

Uwumbɔr nan bui mi ke,

Esekiel 27:27

Saawankookaan, ni saawangol na, ni saaŋɔŋaab, ni binib bi ter bi na mɔmɔk, ni saaŋɔb aakpikpiib, ni biwankoob, ni butɔb aajab mɔmɔk nan bee nnyusakpem ni buyoonn saaŋɔb nan bee nnyun ni na.

Esekiel 28:1

Uwumbɔr nan len m chee tibɔr ki bui ke,

Esekiel 28:18

Aa nan di liwandaal ni liwankooh tun titunwanbir, le ki cha saameen aabuu ni kpaln njinjin aabuu ni. Kina pu le m see kitiŋ ngbaan mmii lii, ki cha ki wun ti kpaln nfatan. Unii umɔk yaar lik si na waa si ke aa gur ye nfatan la.

Amos 1:11

Uwumbɔr ki len ke, “Edom yaab aah tun titunwanbir n‑yoonn mɔmɔk pu na, le ga cha m sil daa bitafal. Bi tee mban ki ban bi ŋa binaabitiib Israel yaab mbiin ki ku bi, kaa san bi kinimbaak. Baaŋuul pɔɔ kaa sɔŋni kpala.

Amos 1:6

Uwumbɔr ki len ke, “Filistia yaab Gasa aatiŋ aah tun titunwanbir n‑yoonn mɔmɔk pu na, kina le ga cha m sil daa bitafal. Bi ŋa litimbol mɔln aanib mbiin ki di bi kooh tii Edom yaab.

Obadia 1:11

Nwiin mundaal aan baadim nan koo ni baatiŋ ni ki bii baawan na, ni nan si nima kaa gar tibaa. Ni bir ke biwɔwɔm bi nan yoor Jerusalem aatiŋ aawangol di buen ki ti yakr na la.

Sekaria 9:1

Uwumbɔr aanaŋ sɔ: U siin Hadrak aapepel ni Damaskus aatiŋ aatafadaan. Israel aanibol ni Siria aatiyil Damaskus mɔmɔk ye Uwumbɔr yaan la.

Matiu 11:21

U nan len ke, “Korasinn aatiŋ aanib, tibɔbir bi ni pu. Betseda aatiŋ aanib, tibɔbir bi ni mu pu; ba pu? m yaa ba nan tun lijinjiir aatun Taya aatiŋ ponn ni, ni Saidonn aatiŋ ponn ni ke maah tun ni ponn ni pu na kan, bi ba ga kpeln baabimbin ni yunn a, ki li pee tiwanpeenkaan ni saak kuub na, ki di nfatan puk biyil, aan ki mɔk ke bisui bii baatunwanbir pu.

Matiu 11:22

M tuk nimi la, bundaln Uwumbɔr ga ji binib tibɔr na, nimi aatafadaan ga jer Taya ni Saidonn aatim aanib aatafadaan.

Tibɔnyaan ti Luk ŋmee ti na 10:13

“Korasinn aatiŋ aanib, tibɔbir bi ni pu. Betseda aatiŋ aanib, tibɔbir bi ni mu pu; ba pu? m yaa ba nan tun lijinjiir aatun Taya ni Saidonn aatim aanib aakaasisik ni ke maah tun lijinjiir aatun nikaasisik ni pu na kan, bi ba ga kpeln baabimbin ni yunn, ki li pee tiwanpeenkaan ni saak kuub na, ki di nfatan puŋ biyil, aan ki mɔk ke bisui bii baatunwanbir pu.

Tibɔnyaan ti Luk ŋmee ti na 10:14

Bundaln Uwumbɔr ga ji binib tibɔr na, nimi aatafadaan ga jer Taya aatiŋ aanib ni Saidonn aatiŋ aanib aatafadaan.