Amos 1:5 - Uwumbɔr aagbaŋ

⁵ M ga gbaa wii Damaskus aatiŋ aabisamɔi mɔmɔk, le ki jenn nyan Afenn Aafataŋ ni aanib ni Bef Edenn aayidaan. Le bi ga chur Siria aanib mɔmɔk tinaagbiir ki di bi buen Kir aatiŋ ni.”

Amos 1:5 ပူးပေါင်းရင်းမြစ်များ

2 Bibɔrb 14:28

Jeroboam aah nan ki tun ŋitun ŋi mɔmɔk na, ni waajakaan i u di mɔk butɔb ni na, ni waah nan ki gaa Damaskus ni Hamaf aatim koon Israel aatim ni pu na mɔmɔk bi Israel Aabɔrb Aatun Aagbaŋ ni la.

2 Bibɔrb 16:9

Ahas aagaŋ ngbaan pu, le Tiglaf Pileser nan di waajab buen Damaskus aatiŋ pu, le ki ti nyaŋ ki, le ki ku Ubɔr Resinn, le ki chur kaanib tinaagbiir buen Kir aatiŋ ni.

Aisaya 22:6

Elam aatiŋ aatɔb aajab jak itaan ki fuu ni a, ki gor ki joo itɔi ni ipiin. Kir aatiŋ ni butɔb aajab gor baapen ki kii.

Aisaya 43:14

Israel yaab Aadindaan Uwumbɔr u bi chain ki gaal nimi lir na bui ke, “Waahr aan m gaa nimi lii na, m ga tun bijab bi ti tak Babiloŋ aatiŋ; m ga gbaa wii kitiŋ ngbaan aabisamɔi aajaaleŋ tiib, le kaanib aafuuk ga kpaln iwiil.

Aisaya 8:4

Waahr aan u ti ŋa nlan ki ŋmaa len ke ‘Nna’ ni ‘Nte’ na, Asiria aabɔrkpaan ga gaa Damaskus aawangol ni Samaria yaab aah jenn gaa tiwan ni mɔmɔk na.”

Jeremia 50:36

Nkun li bi bibɔnabr bi ye binyamɔndam na pu, bi ye bijɔrb la. Nkun li bi kaajab pu, ijawaan chuu bi a.

Jeremia 51:30

Babiloŋ aajab di cha kijaak le ki gaar baajawan aadir ni. Baa ki kpa lipobil, le ki gur bi ke bipiib na. Bidim gbaa wɔi kitiŋ ngbaan aabisamɔi aajaaleŋ mam, le ki see ŋidichal lii.

Inandalahn 2:9

Ibisamɔi gur dɔ sub tibir ni, le yaakudɔ kool yuk yuk. Ubɔr ni bininyuum na gur bi tinaagbiir ni la. Ubaa aa ki mɔk binib Uwumbɔr Aakaal Aagbaŋ, le Uwumbɔr aa ki kpiir tibɔr tuk waabɔnabtiib.

Esekiel 27:23

Harann, ni Kane, ni Edenn aatim, ni Seba aawantiirb, ni Asur, ni Kilmad aatim mɔmɔk nan kooh ki daa tiwan aa chee.

Esekiel 30:17

Heliopolis ni Bubastis aatim aanachipɔm ga bee butɔb ni; le bi ga chur binib bi gur na tinaagbiir.

Hosea 10:8

Afenn aagongon pu aawaa ŋi Israel aanib dooni ŋi na ga ber. Ikokon ni timoor le ga gaa kitork aabimbin ngbaan. Binib ga bui ŋijoo ke, “Bɔr timi man,” le ki bui ŋigongon ke, “Biin ti pu man.”

Amos 5:5

Taa ki buen Beerseba ke ni ti mee limeel. Taa buen Betel, ke ni ban mi. Betel aatiŋ ga nan doo fam la. Taa buen man Gilgal aatiŋ ni mu, bi ga di nima yaab buen tinaagbiir ni.”

Amos 9:7

Uwumbɔr len ke, “Israel aanib, m gee Kus aanib ke maah gee nimi pu na la. Maah nan nyan ni nimi Ijipt aatiŋ ni pu na, kina le m nan di Filistia yaab nyan ni Krete aatiŋ ni, ki nyan Siria yaab mu Kir aatiŋ ni.

Nahum 3:13

Saajab naahn bipiib la, le ubaa aa kii saatiŋ ke saadim taa nyaŋ ki. Mmii le ga wu idɔ i aa di laŋ saabisamɔi na.