Amos 1:4 - Uwumbɔr aagbaŋ

⁴ Kina pu na, m ga cha mmii wu ubɔrkpaan Hasael aabɔrdichal, ki see ubɔrkpaan Ben‑Hadad aadichal ŋi fɔk ki pɔɔ na mɔmɔk mmii.

Amos 1:4 ပူးပေါင်းရင်းမြစ်များ

1 Bibɔrb 19:15

Le Uwumbɔr bui u ke, “Gir buen nteersakpiin ki bi Damaskus chee na ni, ki koo kitiŋ ngbaan ni, ki di Hasael kaan Siria aatiŋ aanaan;

2 Bibɔrb 13:25

N‑yoonn ngbaan le Israel yaab aabɔr Jehoas nyaŋ Ben‑Hadad nfum mutaa butɔb ni, le ki ki gaa ntim mu Ben‑Hadad nan gaa, Jehoas aate Jehoahas aah nan ye ubɔr pu na.

2 Bibɔrb 13:3

Kina pu le Uwumbɔr aaŋuul nan fii Israel aanib pu, le u cha Siria aatiŋ aabɔr Hasael ni ujapɔɔn Ben‑Hadad nan nyaŋni Israel yaab n‑yoonn mu mɔk bi di biyil kpaa tɔb na.

2 Bibɔrb 6:24

Ni nan bi kina le ki cha, le Siria aatiŋ aabɔr Ben‑Hadad di waatɔb aajab mɔmɔk buen ti tak Israel yaab, ki ti maa maa ŋibimbin tam tam Samaria aatiŋ aagon.

2 Bibɔrb Aabɔr 16:2

Kina pu le Asa nan nyan tikunabr ni salmaa Uwumbɔr Aadichal, ni libɔrdichal ni, ki di tun Damaskus ni, Siria Aabɔr Ben‑Hadad chee ke:

Jeremia 17:27

See bi kii maamɔb, ki joo Likpaakool daal ke mu ye nwinyaan daal. Bi taa tu lituln libaa ki di dii Jerusalem aabisamɔi nwiin ngbaan daal; bi yaa ŋa kina kan, m ga see Jerusalem aabisamɔi mmii. Le mmii wu Jerusalem aabɔrchiln, le ubaa aan ŋmaa junn mu.”

Jeremia 49:27

M ga see Damaskus aatiŋ aagon mmii, ki see Ubɔr Ben‑Hadad aabɔrdichal lii. Min Uwumbɔr Mpɔɔnsakpiindaan le len kina.”

Esekiel 30:8

M yaa moo mmii see Ijipt aatiŋ lii, aan bi ku kaakikiib mɔmɔk kan, bi ga bee ke min le ye Uwumbɔr.

Esekiel 39:6

M ga piin ki see Magog aatiŋ mmii ki di dii nnyusakpem aagbaan nin chee binib koo kaa kpa limukl libaa na, le unii mɔmɔk ga bee ke min le ye Uwumbɔr.

Hosea 8:14

“Israel aanib maa ŋibɔrdichal, le ki tee suln Uwumbɔr u naan bi na bɔr. Juda aanib maa ntim mu kpa tijawan aan bi maa ŋigon gob mu na. Le m ga cha mmii wu baabɔrdichal ni ntim ngbaan.”

Amos 1:10

Kina pu na, m ga cha mmii wu Taya aatiŋ aagon, ni kaadichal ŋi fɔk ki pɔɔ aan bi maa kiir bibaa na mɔmɔk.”

Amos 1:12

Kina pu na, m ga cha mmii wu baatiŋ Temann aagon, ni baatiŋ Bosra aadichal ŋi fɔk ki pɔɔ aan bi maa kiir bibaa na mɔmɔk.”

Amos 1:14

Kina pu na, m ga cha mmii wu baatiyil Raba aagon, ni baah maa ŋidichal ŋi fɔk ki pɔɔ kiir bibaa na mɔmɔk. Le bundaal butɔb ga fii na, iwiil ga li bi liyaadaal ngbaan, le kijaak ngbaan ga li pɔɔ ke kitaabuŋ na.

Amos 1:7

Kina pu na, m ga cha mmii wu Gasa aatiŋ aagon, ni kaadichal ŋi fɔk ki pɔɔ aan bi maa kiir bibaa na mɔmɔk.

Amos 2:2

M ga cha mmii wu Moab aatiŋ, ki see baatiŋ Keriof aadichal ŋi fɔk ki pɔɔ aan bi maa kiir bibaa na mɔmɔk. Buyoonn butɔb aajab ga li tar aan kakaan tiib wii ki kpa kifuuk na, le Moab aanib ga kpoi.

Amos 2:5

Kina pu na, m ga cha mmii wu Juda ki wu Jerusalem yaab aah maa ŋidichal ŋi fɔk ki pɔɔ kiir bibaa na mɔmɔk.”

Bibɔjirb 9:57

Gideonn aajapɔɔn Jotam aah nan puun lii Sekem aatiŋ aajab pu ki len ke bi ga ji falaa pu na, Uwumbɔr nan cha bi mu jin kina aafalaa.