Amos 1:13 - Uwumbɔr aagbaŋ

¹³ Uwumbɔr ki len ke, “Amonn yaab aah tun titunwanbir n‑yoonn mɔmɔk pu na, kina le ga cha m sil daa bitafal. Baah nan jaa kijaak ki ban ntim bi kpee baatiŋ pu na, bi nan ŋa Gilead yaab mbiin pam ki saa gber baapudam aapuu ki nyan mbipɔm.

Amos 1:13 ပူးပေါင်းရင်းမြစ်များ

2 Samuel 12:31

ki cha kaanib joo tikur aakuu, ni nchɔkm, ni kpaacha mam tun lituln, ki muk bi aan bi li tun ŋitambil aatuln. U nan ŋa Amonn aatim muken mɔmɔk kina la. Le u ni waajab gir kun Jerusalem aatiŋ ni.

2 Bibɔrb 15:16

Menahem aah nan nyan Tirsa ki cha na, Tapua aatiŋ aanib aa nan tii u nsan ke u jer, kina pu na, u nan kuln ki ni kaanib, ni lipepel li mann goln ki na. U nan kpaan saa gbir bipiipudam mɔmɔk aapuu.

2 Bibɔrb 24:2

Uwumbɔr nan cha Babiloŋ aajab, ni Siria aajab, ni Moab aajab, ni Amonn aajab dan ki nan tak Jehoyakim le ki kuln Juda aatiŋ. Ni nan ŋa ke Uwumbɔr aah nan cha waatutum bi ye waabɔnabtiib na len ke u ga ŋa pu na la.

2 Bibɔrb 8:12

Le Hasael baa u ke, “Uninkpel, ba ŋa aa wii?” Le Elaisa gar u ke, “Saah ga ŋa Israel yaab ijawaan sakpen aawan ni na pu le m wii. Aa ga see baatim mu pɔɔ aan bi maa ŋigon gob mu na mmii, ki suŋ baanachipɔm bi ŋan sakpen na, ki loe ku baabim, ki saa gbir baapiipudam aapuu.”

2 Bibɔrb Aabɔr 20:1

Ni nan joo cha le Moab ni Amonn yaab, ki di kpee bimaantɔtiib bi ye Meunn yaab na aajab buen ti koo Juda aatiŋ ni.

2 Bibɔrb Aabɔr 20:10

“Tɔ, Amonn, ni Moab, ni Edom yaab nan tak timi a. Tiyaajatiib aah nan nyan ni Ijipt aatiŋ ni na, saa nan cha bi koo ntim ngbaan ni, kina pu na, tiyaajatiib nan gɔnn bi, le kaa kuln bi.

Nehemia 2:19

Le Sanbalat, ni Tobia, ni Arab aanii u bi yin u ke Gesem na aah ŋun taah bi kpokl ke ti ŋa pu na, bi nan laa timi, le ki bui ke, “Ni dak ke ni bi ŋani ba na? Ni ban ni fii sil ubɔrkpaan pu la aa?”

Ilahn 83:7

le Gebel yaab, ni Amonn yaab, ni Amalek yaab kpaan, le Filistia ni Taya yaab mu kpaan.

Aisaya 5:8

Nimi aamɔfal doo a. Ni moo daa ŋidichal ni ikpaakon ki kpei naah puen kpa i na pu. Naan yunn le unii aan ki kan mpaan ki koo nima chee, le nimi baanja le ga gur kitiŋ ngbaan pu.

Esekiel 21:28

“Unibɔn, nabr maabɔr. Moon min Aadindaan Uwumbɔr aah bi tuk Amonn yaab bi bi seei Israel aatiŋ na. Bui bi ke: ‘Kijaak aajuk gor ke ki kuln nimi; Bi duun ki chain ke ki ku la, le ki moor lak lak.

Esekiel 25:1

Uwumbɔr nan len m chee tibɔr, ki bui ke,

Esekiel 35:10

“Aa bui ke ŋitimbol ŋilee, Juda ni Israel, ki kpee ŋaatim mɔmɔk ye sin yaan le aa ga li joo ŋi, ki nyi gbin gbin ke min Uwumbɔr le ye Baawumbɔr.

Hosea 13:16

Samaria aatiŋ aanib aah yii maamɔb na, bi ŋeer ntafadaan. Bi ga kpoi butɔb ni, le bidim di baabipɔm yur ku, ki saa gber bipudam aapuu.”

Hosea 14:1

Nimi Israel aanib, gir ni Nidindaan Uwumbɔr chee. Nimi aatunwanbir le cha ni gbeer ki lir.

Amos 1:3

Uwumbɔr len ke, “Damaskus yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi ŋa Gilead yaab mbiin sakpen.

Ikaal 2:19

Naan li daa Lot aayaabitiib, Amonn yaab aatiŋ. Ni taa muk bi, ki taa tak bi, ba pu? maah di kitiŋ ki tii bi na, maan ki di ki nibaa chee tii ni mu.’”