Amos 1:10 - Uwumbɔr aagbaŋ

¹⁰ Kina pu na, m ga cha mmii wu Taya aatiŋ aagon, ni kaadichal ŋi fɔk ki pɔɔ aan bi maa kiir bibaa na mɔmɔk.”

Amos 1:10 ပူးပေါင်းရင်းမြစ်များ

Jeremia 47:4

N‑yoonn fuu ni ke Filistia kuln, n‑yoonn fuu ni ke ki taa ki kan Taya ni Saidonn aaterm mu gur na. Min Uwumbɔr le ga kuln Filistia yaab, bi mɔmɔk nyan ni Krete aanyun aagbaan ni na.

Esekiel 26:12

Saadim ga di saawangol, ni tiwankookaan ŋa baawan. Bi ga tur saagon lir, ki ber saadichal ŋi ŋan sakpen na. Bi ga yoor ŋaatakpal, ni idɔ, ni tibir ngbaan mɔmɔk ti ŋa nnyusakpem ni.

Esekiel 26:4

Ŋi ga ber saatiŋ aagon, ki tur saadifɔfɔŋ na lir. Le m ga ŋar tibir ngbaan mɔmɔk ŋŋaan ki cha litakpal ŋmeen.

Esekiel 28:18

Aa nan di liwandaal ni liwankooh tun titunwanbir, le ki cha saameen aabuu ni kpaln njinjin aabuu ni. Kina pu le m see kitiŋ ngbaan mmii lii, ki cha ki wun ti kpaln nfatan. Unii umɔk yaar lik si na waa si ke aa gur ye nfatan la.

Joel 3:4

“Taya, ni Saidonn, ni ntim mumɔk bi Filistia aatingbaan na, ba le ni ban ke ni ŋa mi? Ni pɔɔni nibaa ke ni pa mi lipɔln la aa? Kina le yaa ye nimi aalandak kan, m ga giin pa nimi mala.

Amos 1:4

Kina pu na, m ga cha mmii wu ubɔrkpaan Hasael aabɔrdichal, ki see ubɔrkpaan Ben‑Hadad aadichal ŋi fɔk ki pɔɔ na mɔmɔk mmii.

Amos 1:7

Kina pu na, m ga cha mmii wu Gasa aatiŋ aagon, ni kaadichal ŋi fɔk ki pɔɔ aan bi maa kiir bibaa na mɔmɔk.

Sekaria 9:4

Tɔ, Uwumbɔr ga yoor kaah kpa pu na mɔmɔk buen. U ga di kaawangol mee ŋa nnyusakpem ni, le ki see kitiŋ ngbaan mmii lii.