Aisaya 9:9 - Uwumbɔr aagbaŋ

⁹ Israel yaab bimɔk bi Samaria aatiŋ ni na ga bee ke u sil ga ŋa kina. Bi kpa kigaak ni inimpoo. Bi len ke,

Aisaya 9:9 ပူးပေါင်းရင်းမြစ်များ

1 Bibɔrb 22:25

Le Mikaya bui u ke, “Buyoonn aa ti koo linambakol aadiik kibaa ni ke aa ti bɔr na le aa ga bee.”

Ŋiyataŋak 16:18

Kipupuk joo ni libiil la, le kigaak joo ni nkun.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Aisaya 28:1

Tibɔbir bi Israel aanaan pu. Kipak ki nnaan ngbaan aaninkpiib nan kpa na bi gbaar lir ke nsupuun mu bi di tuun baabɔryikpupur pu na la; ba pu? bi ye bidagbiib la. Bi di tulalee di gbaa biyil ŋi bi tu ŋi paacham na pu, le ki mu aa ŋmaa buen nibaa chee, bi nyun gbii ki dɔ gbara nima chee.

Aisaya 28:3

Bi ga taa taa bininkpiib bi ye bidagbiib ngbaan na aagaak ŋmal titan ni.

Aisaya 46:12

Nimi binib bi aatafal pɔɔ aan ni dak ke linyaŋ chee daa na, li pel ni m chee man.

Aisaya 48:4

M nan nyi ke nitafal ga li pɔɔ ke kikurk na, kaan li kool ke tikumann aakur na.

Aisaya 7:2

Juda aabɔrkpaan ngbaan aah ŋun ke Siria yaab aajab koo ni Israel yaab aatingbaan ni na, le ijawaan chuu u ni waanib, le biwon gbaa tɔtɔk ke libuln yaa daar kan tisufar gbaa pu na.

Aisaya 9:8

Uwumbɔr bui ke u ga daa Jakob aayaabitiib Israel yaab aatafal.

Jeremia 32:24

“Babiloŋ yaab maa ŋikɔl ŋikɔl kitiŋ kimina aagon aataab ke bi nyaŋ ki, le ki bi tak ki. Butɔb, ni nkon, ni iween ga cha bi nyaŋ kitiŋ kimina. Sin aabaa kan ke saah nan len pu na mɔmɔk gbiin a.

Esekiel 30:19

M yaa daa Ijipt aatiŋ aanib aatafal kina kan, bi ga bee ke min le ye Uwumbɔr.”

Esekiel 33:33

Tɔ, saamɔbon mɔmɔk ngbaan sil ga gbiin. Ŋi mɔmɔk yaa nan gbiin kan, n‑yoonn ngbaan le bi ga bee ke Uwumbɔr aabɔnabr nan sil bi bikaasisik ni.”

Esekiel 7:27

Ubɔr ga wii ikpowiil, le kitiŋ aayidaan aamakl ga wɔŋ, le binib aawon ga li gbaa ijawaan pu. M ga daa nitafal naah tun pu na pu, le ki ji nimi tibɔr naah ji biken tibɔr pu na. Nimina le ga mɔk nimi ke min le ye Uwumbɔr.”

Esekiel 7:9

Maan san nimi kinimbaak, kaan di cha nimi. M ga daa nitafal, nimi aatun ŋi sukr ponn ni na pu, le ni bee ke min le ye Uwumbɔr, ki bee ke min le dar nitafal.”

Hosea 8:14

“Israel aanib maa ŋibɔrdichal, le ki tee suln Uwumbɔr u naan bi na bɔr. Juda aanib maa ntim mu kpa tijawan aan bi maa ŋigon gob mu na. Le m ga cha mmii wu baabɔrdichal ni ntim ngbaan.”

Malakai 1:4

Esɔ aayaabitiib, bi ye Edom aanib na, yaa bui ke, “Bi ber timi aatim a, tɔ, ti mu ga ki gir maa mu” kan, le Uwumbɔr ga gar ke, “Cha bi ki maa mu, m ga ki gir ber mu. Binib ga yin ki ke, ‘Titunwanbir aatiŋ,’ ni ‘Litimbol li Uwumbɔr aaŋuul fii li pu kaan sɔŋ na.’”

Malakai 3:13

Uwumbɔr ki bui ke, “Ni len tibɔbir pam m pu. Le ni baa ke, ‘Ti len ba aabɔbir aa pu?’

Malakai 4:1

Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”