Aisaya 9:6 - Uwumbɔr aagbaŋ

⁶ Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Aisaya 9:6 ပူးပေါင်းရင်းမြစ်များ

2 Samuel 7:13

Uma le ga nan maa lidichal tii mi, le m ga cha waanaanjirb aan doo.

2 Samuel 7:16

Aa ga li kpa yaabitiib n‑yoonn mɔmɔk, le m ga cha saanaan li bi n‑yoonn mɔmɔk. Saanib bi ga li ji nnaan na aan doo.’”

1 Bibɔrb 10:9

Li pak Aadindaan Uwumbɔr. U mɔk si waah gee si sakpen pu na le ki di si ŋa Israel yaab aabɔr. Waah gee Israel yaab n‑yoonn mɔmɔk pu na, le u di si ŋa ubɔr ke aa cha waakaal ni ibamɔn li bi.”

1 Bibɔrb 2:33

Baakun aatafadaan ga lir Joab ni uyaabitiib aayil pu, ki cha n‑yoonn mu kaa kpa ndoon na. Uwumbɔr ga tii David aayaabitiib bi kal waabɔrjal pu na linyaŋ n‑yoonn mɔmɔk.”

1 Bibɔrb 2:45

le ki ga tee ŋa waanyoor ŋa m pu, ki cha David aanaan nyal sil ki cha n‑yoonn mɔmɔk.”

Nehemia 9:32

Uwumbɔr, timi Aawumbɔr, saapɔɔn wiir sakpen; Unii mɔk san si ijawaan, le saapɔɔn ti nyaŋ. Aa joo saah nan puu tipuur ti na mbamɔm. Ki nyan buyoonn Asiria aatiŋ aabɔrb nan muk timi na, hali ki nan saa din, taah jin falaa u na nyaŋ a. Timi aabɔrb, ni timi aayidam, ni timi aatotoorb, ni saabɔnabtiib, ni tiyaajatiib, ni timi aanib mɔmɔk jin falaa la. Teer taah jin falaa sakpen pu na.

Ilahn 45:3

Ubɔr sakpiin, di saajaak aajuk peen; aa kpa mpɔɔn ni kipak.

Ilahn 45:6

Nnaan mu Uwumbɔr di tii si na ga li bi ki ti saa n‑yoonn mu kaa kpa ndoon na. Aa joo saanib mbamɔm la;

Ilahn 45:7

aa gee lituln li ŋan na, le ki nan titunwanbir. Kina pu le Uwumbɔr u ye Saawumbɔr na lee si ki tii si mpopiin ki jer bibɔrb biken.

Ilahn 50:1

Tidindaan Uwumbɔr Mpɔɔnsakpiindaan le len na; u yin kitiŋ kee pu yaab mɔmɔk ki nyan liwipuul ki ti saa liwilir wɔb.

Ilahn 72:17

Taa cha ubɔr aayimbil kuln; cha waayimbil yunn ke nwiin aah ga yunn pu na. Cha bi mee Uwumbɔr aan u ŋa tinyoor ŋa bi pu ke waah ŋa tinyoor ŋa ubɔr pu pu na.

Ilahn 72:3

Cha nwankam ni tiŋann li bi kitiŋ ngbaan pu;

Ilahn 72:7

Cha tiŋann li bi waayoonn, ki cha nwankam li bi ki yunn ke uŋmal aah ga yunn pu na.

Ilahn 85:10

Ngeehm ni ibamɔn ga chuu tɔb; le mbimbinyaan ni nsuudoon ga bob tɔb.

Ilahn 89:5

Paacham aawan gaa ilahn saatukpaan na pu la; Uwumbɔr, bi gaa ilahn saah ŋani saah len pu na pu.

Ŋiyataŋak 8:23

Min le u nan pue naan njan, le dulnyaa nin piin.

Aisaya 10:21

Israel yaab siib le ga gir ni Baawumbɔr Mpɔɔndaan chee.

Aisaya 11:5

U ga joo waanib mbamɔm ni kinyaan.

Aisaya 16:5

Le Ubɔrkpaan David aayaabil ubaa ji nnaan, le ki ga li joo binib ngbaan mbamɔm, ni ngeehm ni. Tiwan ni ye ibamɔn na, u ga ŋa ni mala kaan li taani, ki kan ke ibamɔn le ga li tun lituln.

Aisaya 26:12

Uwumbɔr, aa ga tii timi nwankam; tiwan nimɔk ti kani na ye saaŋann la.

Aisaya 26:3

Uwumbɔr, sin le joo nsuudoon mu sil ye nsuudoon na tii binib bi joo baabimbin mbamɔm ki tii si naadii na.

Aisaya 28:29

Nlan mumina mɔmɔk nyan ni Uwumbɔr Mpɔɔnsakpiindaan chee la. Uwumbɔr aah kpokl ke u tun pu na ye nlan la, le ni tun n‑yoonn mɔmɔk kaa bii.

Aisaya 32:1

N‑yoonn mubaa le ubɔr u joo waanib ni ibamɔn na, ni waaninkpiib bi joo ibamɔn tun baatuln na ga fuu ni.

Aisaya 37:32

Binib ga li bi Jerusalem aatiŋ ni, ni Sionn Aajool pu ki ŋmar, ba pu? Uwumbɔr Mpɔɔnsakpiindaan le puu ke ni ga ŋa kina.

Aisaya 53:10

Uwumbɔr bui ke, “Ni nan ye maageehn le ke u ji falaa; waakun nan ye kitork ki ga joo ni chapinn na la. Le ni tii u nsan u kan uyaabitiib; u ga li kpa limɔfal li fɔk na, aan maah ban pu na ŋa uma pu.

Aisaya 53:2

Ni nan ye Uwumbɔr aageehn ke waatutunn nyal sil ke busub bu si nteer pu ki kpa inyaan na. Waa kpa kinyaan ni bunyuŋ ni ga cha binib li neen u na. Nibaa aa nan bi u chee ki ŋan, nibaa aa bi, ki ga daa timi dan u chee.

Aisaya 53:5

Timi aatunwanbir pu le bi gbaa u, le uwon ŋa ibuun. Waah gaa timi aatafadaan pu na, le Uwumbɔr cha ti pɔɔk, Ti kan laafee waah gaa tigbar ti na pu la.

Aisaya 63:16

Sin le ye tite. Tiyaajatiib Abraham ni Jakob aa ki nyi timi, le sin Uwumbɔr ma le ye tite u gaal timi lir n‑yoonn mɔmɔk na.

Aisaya 66:12

Uwumbɔr ki len ke, “M ga joo ni nimi liwangol li kaan doo na; litimbol mɔmɔk aawangol ga li choo ni chee ke limɔɔl li kaa foor na la. Ni ga li naahn upii aah ŋaani waabo, ki joo u uŋaal ni, ni ngeehm pu na la.

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Aisaya 8:18

M ni mbim bi Uwumbɔr tii mi na sɔ. Uwumbɔr Mpɔɔnsakpiindaan u aabɔrjal bi Sionn aajool paab na le di timi tun ni ke ti nan li ye limɔkl ki tii Israel yaab.

Jeremia 31:22

Nimi maa‑kpa‑gaakii‑dam, ni ga li joo beeni ki ti saa bayoonn? M ŋa tiwachann yayan nibaa, ni bi niyayan ke upii aah kiir uja pu na la.”

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Daniel 7:14

Le u tii u mpɔɔn, ni kipak, ni nnaan aapɔɔn, ke binib bi bi ŋitimbol mɔmɔk, ni ŋinibol mɔmɔk, ni iliin mɔmɔk aanib na li dooni u. Waapɔɔn ga li bi n‑yoonn mɔmɔk, le waanaan mu aan li kpa ndoon.

Hagai 2:9

Maadichapɔln limina ga li ŋan jer likpokl na pel pel, nima chee le m ga tii maanib nwankam ni nsuudoon.” Uwumbɔr Mpɔɔnsakpiindaan le len kina.

Matiu 1:1

Yesu Kristo aamaal ponn ni aayimbil le bi kigbaŋ kee ponn ni. U nan ye Ubɔr David aayaabil la. David mu nan ye Abraham aayaabil.

Matiu 1:23

“Usapɔɔn u kaa nyi uja na ga nan dek lipuul ki maa ubijabo, bi ga li yin u ke Imanuel.” (Imanuel aatataa le ye ke “Uwumbɔr bi ti chee”.)

Matiu 11:27

“Tɔ, Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn, see Nte Uwumbɔr. Ubaa mu aa nyi Nte Uwumbɔr, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.

Matiu 28:18

Le Yesu bui bi, “Uwumbɔr tii mi mpɔɔn mɔmɔk, paacham ni taab.

Tibɔnyaan ti Luk ŋmee ti na 1:35

Le u bui u, “Uwumbɔr Aafuur Nyaan ga sunn ni aa pu. Uwumbɔr u kaa kpa ŋeen aatɔ na aapɔɔn ga cha aa dek lipuul. Nima pu na, saah ga maa ubo u na ga li ye chain. Bi ga yin u ke Uwumbɔr Aajapɔɔn la.

Tibɔnyaan ti Luk ŋmee ti na 2:11

Kinyeek kee bi ma unii u ga gaa nimi lii na, Ubɔr David aatiŋ ni. Uma le ye Tidindaan Kristo.

Tibɔnyaan ti Luk ŋmee ti na 2:14

“Cha ti nyuŋ Uwumbɔr u bi paacham na. Lifuur ga li bi dulnyaa wee ni. Uwumbɔr san binib kinimbaak la.”

Tibɔnyaan ti Luk ŋmee ti na 21:15

M ga tuk nimi naah ga len pu na, aan nimi aadim ubaa taa ki ŋmaa kpak nimi, kaan ki ŋmaa len tibaa.

Jɔnn 1:14

Baah yin u ke Limɔboln na nan kpaln unibɔn, ki nan bi tikaasisik ni. U gee binib chob, ki len ibamɔn baanja la. Le ti kan waah kpa mpɔɔn pu na. Waah ye Uwumbɔr Aajapɔnbaal na, u kpa mpɔɔn ke Ute Uwumbɔr aah kpa pu na.

Jɔnn 1:16

Uwumbɔr aah bi pu na, u mu bi kina le chob. Le ti mɔmɔk gaa waabimbin. U ŋa Uwumbɔr aanyoor ŋa ti pu, ki beenin ŋani timi tinyoor n‑yoonn mɔmɔk.

Jɔnn 14:27

“M tii nimi nsuudoon la. Maah kpa nsuudoon pu na, kina le m tii nimi. Dulnyaa aawan aa ŋmaa tii nimi nsuudoon ke maah tii nimi pu na. Ni taa cha ilandak li muk nimi, ki taa san ijawaan man.

Lituln 10:36

Ni nyi ke Uwumbɔr tuk Israel yaab tibɔnyaan. Tibɔnyaan tee le ye ke Uwumbɔr ga tii bi nsuudoon Yesu Kristo pu. Uma le ye ti mɔmɔk Aadindaan.

Lituln 20:28

Ni li nyi man, ki taa cha unii ubaa ŋmann nimi. Ni li ter Yesu aanib, ki taa cha unii ubaa ŋmann bi mu. Uwumbɔr Aafuur Nyaan nan ŋa nimi waanib aaninkpiib. Ni li joo waanib ngbaan mbamɔm. Waabo nan dan nan kpo bi pu, ke bi kpaln waanib la.

Rom Yaab 8:32

Uwumbɔr aa yii ke waan tii timi Ujapɔɔn. U nan di Ujapɔɔn ŋa binib aaŋaal ni ke u ti kpo ti mɔmɔk aatunwanbir pu la. Waah tii timi Ujapɔɔn na, u ga ki tii timi tiwan mɔmɔk ki kpee.

Rom Yaab 9:5

Biyaajatiib ye tiyaajaninkpiib la. Kristo aah nan ŋa unibɔn na, u nan ye bi ponn ni ubaa la. Uma le yeh mpɔɔn mɔmɔk. Cha ti pak Uwumbɔr n‑yoonn mu kaa kpa ndoon na. Amii.

1 Korenti 1:30

Uwumbɔr cha ni ni Yesu Kristo kpaan la, ki cha u ye timi aalan. Yesu pu, le u len ke timi aabɔr ŋan, ki ŋa timi waaninyaam, ki gaa timi lii.

1 Korenti 15:25

ki ga li joo tiwan mɔmɔk ki nan saa buyoonn Uwumbɔr di waadim mɔmɔk ŋa utaapɔtan ni na.

2 Korenti 5:19

Maah len pu na le ye ke Kristo aah nan kpo na, nima le tii Uwumbɔr nsan ke u di dulnyaa ni aanib kpaan ubaa chee, ki di cha baatunwanbir pinn bi. U di tichandaan aaliin imina ŋa tiŋaal ni, ke ti tuk binib.

Ikaal 10:17

Nidindaan Uwumbɔr le jer dindatiib mɔmɔk, le ki kpa mpɔɔn mu ki jer ipɔɔn mɔmɔk. Waah ye usakpiin ki kpa mpɔɔn na, le ni ŋeer ke ti li san u ijawaan. Waa kpa imaagann, le kaa gaal igaŋgaŋlik.

Kolosiya 2:3

Uma baanja le ga ŋmaa tii timi nlan mu ye nlan bamɔnn na. Uma baanja le ga ŋmaa mɔk timi nnyim mɔmɔk.

1 Timoti 3:16

Uwumbɔr aah kpiir waasan aabɔr ti tuk timi na, ti ye tibɔkpaan la: U nan yoor unibɔn aawon, ki nyan ubaa mpaan pu. Uwumbɔr Aafuur Nyaan le mɔk ke u ŋan. Uwumbɔr aatuuntiib waa u. Binib moon waabɔr ki tuk ŋitimbol aanib, le binib gaa u ki kii dulnyaa wee mɔmɔk ni. Uwumbɔr nan yoor u ki di buen paacham, ki nyuŋ u.

Taitus 2:13

Ti kpa limakl li tii timi mpopiin na. Ti kii bundaln ti ga nan kan li na. Taah kpa limakl li na le ye ke timi Aawumbɔr sakpiin, Yesu Kristo u gaal timi lir na, ga gir ni ki nan nyan waah nyuun pu na mpaan pu.

Hiibru Yaab 1:8

Le u len Ujapɔɔn aabɔr ke, “Uwumbɔr, saanaan ga li bi ki ti saa n‑yoonn mu kaa kpa ndoon na. Aa joo saanaan ni aanib mbamɔm la.

Hiibru Yaab 13:20

Uwumbɔr nan fikr Tidindaan Yesu u ye waanib mɔmɔk aayidaan na nkun ni. Waasin pu, le Uwumbɔr puu tipuupɔln tii timi. Tipuur ngbaan ga li bi n‑yoonn mu kaa kpa ndoon na.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”

Bibɔjirb 13:18

Ntuun ngbaan nan baa ke, “Ba ŋa ni ban ni bee maayimbil? Li ye lijinjiir aayimbil la.”