Aisaya 9:4 - Uwumbɔr aagbaŋ

⁴ ba pu? aa gaa bi baatun ŋi nyuun ki nyaŋ bi na, ni likugeln li nyiibaa bibɔgbin pu na. Aa nyaŋ linibol li muk bi ki ŋa bi bijakaab na, ke saah nan nyaŋ Midiann aajab n‑yoonn mu jer na pu na.

Aisaya 9:4 ပူးပေါင်းရင်းမြစ်များ

Mpiin 27:40

Saajawan pu le aa ga li bi. Aa ga li ye aanaal aanaagbiija la. Le aa yaa yii kan, aa ga nyan uŋaal ni.”

Ilahn 125:3

Bibiindam aan ŋmaa li joo bininyaam n‑yoonn mɔmɔk; bi yaa joo bi kina kan, nibaakan, bininyaam ngbaan mu ga nan tun titunwanbir.

Ilahn 81:6

“M chuu gaa nimi aatun ŋi nyuun na; m cha ni tuur nimi aatun ŋi nyuun ki ye ŋitambil na bil.

Aisaya 10:16

Uwumbɔr Mpɔɔnsakpiindaan ga di iween di daa binib bi mɔmɔk ji n‑yaan ni nkpan dandana wee na aatafal. Mmii le ga li wu biponn ni, kaan junn.

Aisaya 10:5

Uwumbɔr len ke, “Asiria, maaŋuul yaa ti fii unii u pu na, m joo sin Asiria le gbaa u ke baah joo lichakukul jaa kijaak pu na.

Aisaya 14:25

M ga kuln Asiria yaab bi bi maatiŋ Israel ni na, ki taa taa bi pu maajoo pu, ki nyan maanib falaa u Asiria yaab ŋani bi na ni, ki gaa bi lii.

Aisaya 16:4

Cha ti kal nimi aatiŋ pu man. Gaa timi lii binib bi ban bi kuln timi na chee man.” Tɔ, limukl ni mbiin ga doo, le binib bi ban bi kuln kitiŋ ngbaan na mu ga doo.

Aisaya 47:6

M nan gee liŋuul maanib pu; ki ŋa bi ke baa kaa ye maanib le na: M nan di bi ŋa saapɔɔn ni, le saa san bi kinimbaak; hali aa nan muk binib bi por na.

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Aisaya 51:13

Ni suln Uwumbɔr u naan nimi na bɔr aa? Uma le nan daa taln kitaapaak, ki baan kitiŋ aatinyikl. Ba ŋa ni san ijawaan n‑yoonn mɔmɔk binib bi muk nimi na aaŋuul pu, ki san binib bi ban bi ku doo nimi na? Baaŋuul aan ki pii nimi daalbaadaal.

Aisaya 52:2

Sin Jerusalem, gbuk gaa aabaa lii. Fii nyan titan ni ki kal saabɔrjal pu. Nimi Sionn aanib bi ye binaagbiib na, chuu gbinn tikululn ti bi di baa nimi na.

Aisaya 54:14

Ibamɔn ni lituln li ŋan na le ga tii si mpɔɔn. Aa ga fuur limukl ni mbiin pu.

Aisaya 9:5

Mmii le ga wu bijab ngbaan aajaak aanaatak ni baabɔkul ŋi gur ye nsin ŋmeen na.

Jeremia 30:8

Uwumbɔr Mpɔɔnsakpiindaan ki bui ke: “Liyaadaal ngbaan yaa nan fuu ni kan, m ga kool inaaja i ko na aadɔ i bi di leen bisil na ki chuu nyan baakululn na mu, le baan ki li ye biwɔwɔm aanaagbiib.

Jeremia 48:17

Nimi bi bi gbɔk litimbol ngbaan, ki nyi laah kpa liyimbil pu na, li wii ki pu man. Bui man ke, ‘Laapɔɔn mu li joo lik laanib na bii doo a; le laayimbil ni mpɔɔn aa ki bi.’

Liifai Yaab 26:13

Min, Nidindaan Uwumbɔr le nyan ni nimi Ijipt aatiŋ ni, ke ni taa ki li ye binaagbiib. Min le nyan nimi mpɔɔn mu nan joo nimi na ni, le ki cha ni chuun aan niyil yaa paacham.”

Nahum 1:13

Dandana wee ma m ga kuln Asiria yaab aapɔɔn mu bi nan kpa ni pu na, ki kii tikululn ti nan buu nimi na.”