Aisaya 9:3 - Uwumbɔr aagbaŋ

³ Uwumbɔr, aa tii bi mpopiin sakpen a; aa cha bisui piir sakpen a. Bi mɔɔni saah ŋa pu tii bi na pu, ke binib aah chee njikaabim kan, bi mɔɔni pu na, bee bi yaa yakr tiwan ni bi jan kijaak ki gaa ni na kan, baah mɔɔni pu na,

Aisaya 9:3 ပူးပေါင်းရင်းမြစ်များ

Nehemia 9:23

Saah nan tii bi mbim mu na nan wiir ke iŋmabi i bi kitaapaak na la, le bi jan, ki gaa ki koo kitiŋ ki aa nan puu ke aa ga di tii biyaajatiib ni bima na ni.

Job Aagbaŋ 12:23

U tii ŋitimbol mpɔɔn sakpiin, le ki nan tee nyaŋ ki kuln ŋi.

Ilahn 107:38

U nan ŋa waanyoor ŋa waanib pu, le bi ma mbim pam, ki cha baawakor moo pɔr.

Ilahn 119:162

Saah puu tipuur ti na pu le m kpa mpopiin ke unii u pii liwangol na la.

Ilahn 4:7

Le saah tii mi mpopiin mu na jer baah ga di tijikaar ni ndaan sakpen kan mpopiin mu na.

Aisaya 10:26

Min Uwumbɔr Mpɔɔnsakpiindaan di maabanbaan loe bi ke maah nan loe Midiann yaab, Oreb aatakpal chee pu na. M ga daa bima Asiria yaab aatafal ke maah nan daa Ijipt yaab aatafal pu na.

Aisaya 12:1

Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Aisaya 14:5

Uwumbɔr kuln bitinjoob titunwanbirdam na aapɔɔn.

Aisaya 25:9

Kina yaa ŋa kan, binib mɔmɔk ga bui ke, “Uma le ye Tidindaan. Ti kpa u pu limakl, le u gaa timi lii. Uma le ye Uwumbɔr. Ti kpa u pu limakl, le dandana ti kpa mpopiin ki mɔɔni; ba pu? u gaa timi lii.”

Aisaya 26:15

Uwumbɔr, aa cha timi aatimbol moo kpae la, ki kpae ŋipepel mɔmɔk pu, le nimina joo ni si bunyuŋ.

Aisaya 35:10

Bi ga dii mu ti fuu Jerusalem ni mpopiin, ki gaa ilahn ki tar mpɔɔn pu ni mpopiin. Bi ga li kpa mpopiin n‑yoonn mɔmɔk, bi ga nya kinimbaak ni mpombiin ni kookoo.

Aisaya 35:2

Nteersakpiin aatiŋ ngbaan ga li kpa mpopiin ki gaa ilahn ki li tar, ki ga li ŋan ke Lebanonn aajoo pu na la. Kitiŋ ngbaan ga li nyuun ke Kamel ni Saronn aakpaakon na. Binib mɔmɔk ga kan Uwumbɔr aah kpa kipak pu na, ki kan waah ye unikpaan ki kpa mpɔɔn pu na.

Aisaya 54:1

Jerusalem, aa nan bi ke upii u kaa kpa mbim na la, le dandana ma aa ga ŋmaa teen ki gaa ilahn ni mpopiin. Dandana aa ga kan mbim ki jer upii u aachal aa kee buen nibaa chee ki cha u na.

Aisaya 55:12

Ni ga di mpopiin le ki di nya Babiloŋ aatiŋ ni; bi ga cheen nimi nya kitiŋ ngbaan ni, ni mpopiin la. Le ŋijoo ni ŋigongon ga teen ilahn lii; isui mu ga di mpopiin teen mpɔɔn pu.

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Aisaya 61:7

Nimi aanimɔɔn doo a. Ni ga li bi nibaa aatiŋ ni la, le nimi aawangol moo kpee aan nimi aapopiin mu aan li kpa ndoon.

Aisaya 65:14

Bi ga di mpopiin gaa ilahn, le nimi ga wii, nisui aah ga li bii pu na.

Aisaya 65:18

Cha nisui li piin aan ni li mɔɔni maah ban m naan ni na pu. Maah ban m naan Jerusalem pɔɔn u na ponn ni ga li ye mmɔɔn ŋmeen la, le kaanib ga li kpa mpopiin.

Aisaya 66:10

Li mɔɔni man Jerusalem pu. Nimi bimɔk gee kitiŋ kee na, cha nisui li piin u pu, nimi bimɔk nan wii kaakpowiil na, li mɔɔni ter ki man.

Jeremia 31:7

Uwumbɔr ki bui ke, “Li gaa mpopiin aalahn Israel aatimbol li ye litimbol sakpeln ki jer ŋitimbol mɔmɔk na pu man. Gaa nimi aapak aalahn man, ‘Uwumbɔr gaa waanib lii a; u gaa binib bi mɔmɔk gur na lii a.’

Hosea 4:7

“Nimi bitotoorb aah wiir pu na, kina le naah tun mi titunwanbir ti na mu wiir, le ki ga cha m kpeln nimi aanyuŋ ŋa inimɔɔn.

Liifai Yaab 26:13

Min, Nidindaan Uwumbɔr le nyan ni nimi Ijipt aatiŋ ni, ke ni taa ki li ye binaagbiib. Min le nyan nimi mpɔɔn mu nan joo nimi na ni, le ki cha ni chuun aan niyil yaa paacham.”

Sekaria 10:8

M ga yin maanib, ki kuun bi nan kpaan. M ga gaa bi lii, ki cha bi ki wiir ke baah nan bi pu na.

Sekaria 2:11

N‑yoonn ngbaan kan, ŋitimbol pam ga dan Uwumbɔr chee, ki nan kpaln waanib. U ga nan li koo ni chee, le ni ga bee ke uma le tun ni mi.

Sekaria 8:23

N‑yoonn ngbaan kan, biwɔwɔm kipiik ga dan nan bui Juu aanii ubaa ke, ‘Ti ban ke ti nan kpaan saanaan ni la, ba pu? ti ŋun ke Uwumbɔr bi ni chee.’”

Tibɔnyaan ti Luk ŋmee ti na 11:22

Le unii u kpa mpɔɔn jer u na yaa lir u pu ki nyaŋ u kan, u ga gaa waajawan ti ter u na mɔmɔk, ki ji waawan.

Lituln 8:8

Nima pu le Samaria aatiŋ aanib nan kpa mpopiin sakpen.

Filipi 4:4

Ni li kpa mpopiin Tidindaan pu, n‑yoonn mɔmɔk. M ki tuk nimi la, ni li kpa mpopiin man.

1 Piita 1:8

Naa kee kan u, le ni gee u. Ninimbil aa waa u dandana wee, le ni gaa u ki kii. Nima le ni kpa mpopiin sakpen, ki pak Uwumbɔr, kaa ŋmaa len naah kpa mpopiin ki ti saa pu na.

Bibɔjirb 5:3

Nimi bibɔrb, li pel man. Nimi biyidam, lukr nitafal ki ŋun man. M ga gaa ilahn, m ga gbaa maawaal aawan ki tii Uwumbɔr u ye timi Israel yaab Aadindaan na.

Bibɔjirb 7:22

Gideonn ni waajab aah pii baakpiin na, le Uwumbɔr cha baadim ngbaan aajab di baajaak aajuk fenn lir tɔb pu. Bi nan di san toŋ Saretann aatiŋ wɔb, ki ti nyan Bef Sita aatiŋ ni, ki yoor kina ti nyan Abel Mehola aatiŋ ki bi duun Tabaf aatiŋ na ni.

Bibɔjirb 8:12

Midiann aabɔrkpaam Seba ni Salmuna nan san, le u beenin dii bi ki ti chuu bi, le baatɔb aajab aapobil yuk.

1 Samuel 30:16

le ki di David buen bi chee. Binib bi nan binn Siklag na nan yaa ki ka ka ni kookoo, ki ji, ki nyu ndaan, baah nan yoor liwangol sakpeln li Filistia ni Juda aatim ni na pu.