Aisaya 9:20 - Uwumbɔr aagbaŋ

²⁰ Le kitiŋ ngbaan mɔmɔk pu aanib ga li tɔkl tijikaar siib ti bi kan na le ki ji. Nimina mɔmɔk mu aan cha nkon doo. Hali bi ga di baabim ŋa tijikaar.

Aisaya 9:20 ပူးပေါင်းရင်းမြစ်များ

Ulandaan 4:5

Bi len le ke unii yaa bɔɔb uŋaal ki ka ki ti kpo nkon kan, u ye ujɔr la.

Aisaya 10:4

Bi ga ku nimi butɔb ponn ni la, bee bi chuu nimi ki dar buen ke binaagbiib na. Nimina mɔmɔk aapuwɔb na, Uwumbɔr aaŋuul aan sɔŋ; u ga li beenin ban ke u moo daa nitafal.

Aisaya 14:30

Uwumbɔr le ga kpaa waanib bi ye bigiim na, ki tii bi ŋŋmarm. U ga cha nkon lir nimi Filistia yaab pu, le mu aan cha ni ponn ni ubaa ŋmar.

Aisaya 3:1

Dandana wee, Tidindaan Uwumbɔr u ye Mpɔɔnsakpiindaan na ban u chuu nyan Jerusalem ni Juda ponn ni tiwan, ni binib bimɔk nan joo ntim ngbaan aanib na. U ban u chuu yoor baajikaar, ni baanyun,

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Aisaya 51:19

Tibɔbir nfum mulee le lir ni pu: butɔb bii nimi aatiŋ kookoo, le nimi aanib kpoi nkon. Ubaa aa bi u san nimi kinimbaak.

Aisaya 8:21

Binib ngbaan ga li chuun kpak kitiŋ ngbaan pu, kaan kan nibaa bi ji ki nyu mu. Baakon ni baaŋuul ngbaan pu bi ga puun lii baabɔrkpaan ni Baawumbɔr pu. Nibaakan bi ga lik kitaapaak,

Aisaya 8:22

bee bi si lik kitiŋ, kaan li waa nibaa see falaa ni mbɔmbɔɔn ŋmeen, mbɔmbɔɔn mu kpa ijawaan aan bi cha bi ti koo mu ni na.

Jeremia 13:14

Le m ga di binib bi por na, ni bi kaa por na yur tɔb aan bi wiil ke ŋidabuu na. Kinimbaak, ni mpombiin, ni nsuugar mbaa aan kiir mi ke m taa ku bi.”

Jeremia 19:9

Bidim ga gob kitiŋ ngbaan ki ban ke bi ku kaanib. Baah ga gob ki pu na ga li bir sakpen, le binib bi bi ki ponn ni na ga ŋmɔ tɔb ki kpaan ŋmɔ bibaa aabim.”

Inandalahn 4:10

Tibɔbir nan dan maanib pu ki joo ni ijawaan; natiib bi nan gee baabim sakpen na nan di bi ŋa tijikaar ki ŋaan bi.

Maika 6:14

Ni ga ji, le ki mu aan bab; mbamɔn, nkon ga li joo nimi. Ni ga kuun liwangol di bil, le ki mu aan ŋmaa li joo li; naah ga li kpa tiwan nimɔk na, m ga bii kina aawan butɔb ponn ni.

Sekaria 11:9

Le m bui ipiih ngbaan ke, “Maan ki li ye unii u kpaa nimi na. Cha i ga kpo na kpo. Cha baah ga kuln i na, bi kuln i. I gur na le ga kuln tɔb.”

Tibɔnyaan ti Mak ŋmee ti na 3:24

Kitiŋ kibaa ni aanib yaa yakr ki yaa jaa kijaak kan, kitiŋ ngbaan ga bee yɔli.