Aisaya 9:2 - Uwumbɔr aagbaŋ

² Nima aanib bi bi mbɔmbɔɔn ni na kan nwiihn sakpiin. Bi nan bi mbɔmbɔɔn ni, le dandana, nwiihn woln bi pu.

Aisaya 9:2 ပူးပေါင်းရင်းမြစ်များ

Job Aagbaŋ 10:21

Libuul lee ni le m cha, kaan ki gir ni daalbaadaal; m cha kitiŋ ki bɔɔn timm na ni la,

Ilahn 107:10

Binib bibaa nan bi mpombiin, ni mbɔmbɔɔn ni, ki ye biyom, ki bi tikululn aafalaa ni,

Ilahn 107:14

U nan nyan bi baapombiin ni mbɔmbɔɔn ni, ki geei baakululn na yuk yuk.

Ilahn 23:4

Uwumbɔr, m yaa chuun kifataŋ ki bɔɔn ke nkun na kan, maan san ijawaan, ba pu? aa bi m chee. Saapihkpaajaangbeek ni lichakukul le kii mi.

Ilahn 4:8

M yaa doon kan, le m geen suuna; Uwumbɔr, sin baanja le kii mi mbamɔm.

Aisaya 50:10

Nimi bi mɔmɔk pak Uwumbɔr ki kii waatutunn aabɔr na, nibaakan ni ga li chuun isan i bɔɔn na ni, ni mu tee tii Nidindaan Uwumbɔr naadii, ki li mak u pu.

Aisaya 60:19

Nwiin aan ki li ye nimi aawiihn nwiin pu, le uŋmal mu aan ki li ye nimi aawiihn kinyeek; min Uwumbɔr le ga li ye nimi aawiihn mu kaan junn na, maanyuŋ aawiihn le ga li wiin ni pu.

Aisaya 9:1

Baan ŋmaa kan nsan mubaa ki dii aan ki ŋmar falaa umina aayoonn. Sebulunn aanib ni Naftali aanib aatiŋ ki bi nnyusakpem wɔb ki ti saa Jɔɔdann aamɔɔdapuul ni Galilee aatiŋ, biwɔwɔm aah bi nin chee na, nan jin inimɔɔn, le n‑yoonn mu choo na kitiŋ ngbaan kookoo ga kan bunyuŋ.

Amos 5:8

Uwumbɔr le naan iŋmabi, ni paacham aawan mɔmɔk. U kpeln mbɔmbɔɔn ki di ŋa nwiihn, ki di nwiin pu mu kpeln ŋa kinyeek. Uma le yin nnyusakpem aanyun, ki joo kpir kitiŋ pu. Waayimbil le ye Uwumbɔr.

Matiu 4:16

nima aanib bi bi mbɔmbɔɔn ni na kan nwiihn sakpiin. Binib bi bi mbɔmbɔɔn ni, ki san nkun ijawaan na, nwiihn woln bi pu.”

Tibɔnyaan ti Luk ŋmee ti na 2:32

U ye nwiihn ki ga woln binib bi kaa ye Israel yaab na aanimbil. U pu, le binib ga nyuŋ saanib Israel yaab.”

Jɔnn 12:35

Le u bui bi, “Min u ye nwiihn na, maan ki li bi nikaasisik ni, ni yunn. Dii nwiihn mu aah laa bi pu na man, aan mbɔmbɔɔn taa pii nimi. Unii umɔk chuun mbɔmbɔɔn ni na kan, waa nyi waah cha niwɔb na.

Jɔnn 12:46

M ye nwiihn le ki dan dulnyaa ni ke m nan woln binib aanimbil, aan unii umɔk gaa mi ki kii na kan, waan ki li bi mbɔmbɔɔn ni.

Jɔnn 8:12

Yesu nan ki len kinipaak ngbaan chee ki bui bi, “Min le ye dulnyaa ni aawiihn ki wolni binib aanimbil. Unii umɔk dii mi na aan li bi mbɔmbɔɔn ni. U ga li kpa limɔfal, ki ga li bi nwiihn ni.”

Efesusi 5:8

N‑yoonn mbaa, ni mu nan bi mbɔmbɔɔn ni la. Dandana, naah kpaan Tidindaan ni na, ni bi nwiihn ni la. Naah bi nwiihn ni na, ni li bi mbamɔm, ke nwiihn ni aanib aah bi pu na.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

Bibɔjirb 5:30

“Bi ban tiwan le ke bi gaa aan ki yakr, ki ban usapɔɔn ubaa, bee bilee, bi tii butɔb aaja mɔmɔk, ki ban tiwanpeenkaan ni kpa kidaak na, bi tii Sisera, le ki ban nleen aanyɔla nyɔla, bi nan tii ubɔrpii.”