Aisaya 9:19 - Uwumbɔr aagbaŋ

¹⁹ Uwumbɔr Mpɔɔnsakpiindaan aaŋuul aah fii na, waatafadaan ngbaan ga bii tiwan ni binib mɔmɔk ke mmii aah wu bii tiwan pu na la. N‑yoonn ngbaan kan, ubaa aan ki li nyi uŋeen aatɔ aabɔr.

Aisaya 9:19 ပူးပေါင်းရင်းမြစ်များ

Aisaya 1:31

Ikpakpaabi aah gaal mmii ni pu na, kina le bipɔɔndam mu aatunwanbir ga gaa ki ku bi doo, le ubaa aan ŋmaa gaa bi lii.

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Aisaya 13:13

Nwiin mundaal aan min Uwumbɔr Mpɔɔnsakpiindaan ga mɔk maaŋuul na, m ga cha kitaapaak deŋ, le kitiŋ mu ga dam ki nya kaah si nin chee na.”

Aisaya 13:18

Bi ga di itɔi ni ipiin le ki di ku binachipɔm. Baan san mbipɔm ni mbim kinimbaak.

Aisaya 13:9

Uwumbɔr aawiin choo, nwiin mu ga joo ni libiil, ni liŋuusakpeln, ni libiil li wu ke mmii na choo. Kitiŋ kee ga kpaln kitiŋ ki kaa kpa nibaa ki pu na la, le titunwanbirdam mɔmɔk ga doo.

Aisaya 24:6

Kina pu le Uwumbɔr puun lii kitiŋ pu. Kaanib bi pa baah tun pu na pu la. Bi ponn ni siib le ga gur.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Aisaya 3:5

le unii mɔmɔk ŋa uŋeen aatɔ waageehn. Binachipɔm ni bisapɔm aan li pak bininkpiib, le binib bi kaa bi tibaa ni na aan ki li pak binib bi jer bi na.

Aisaya 33:14

Sionn aatunwanbirdam na aapobil yuk, le biwon gbaa. Le bi len ke, “Uwumbɔr aabɔjil naahn mmii mu wu kaan junn na la. Ti ponn ni, ŋma ga ŋmar mmii mumina aaboln ni?”

Aisaya 4:4

Uwumbɔr aapɔɔn pu u ga ji linibol ngbaan tibɔr ki toor bi, ki finn nyan tibɔbir ni nsin mu nan kpir Jerusalem ponn ni na.

Aisaya 42:25

Kina pu le u cha ti kan waaŋuul aah pɔɔ pu na, ki cha ti jin butɔb aafalaa. Waaŋuul wu ke mmii na le Israel aatim ni, le taa nan bee tiwan ni bi ŋani na; taa nan bae nibaa ni ponn ni.

Aisaya 5:24

Kina pu na, timokuun ni ikpakpaabi aah wu mmii ni pu na, kina le nimi aanyaan ga bur, le nimi aafar mu kuur aan libuln daa ti buen, ba pu? nimi Israel yaab, ni yii Nimi Aawumbɔr Mpɔɔnsakpiindaan u bi chain na aah mɔk timi pu na.

Aisaya 5:30

Nwiin ngbaan daal yaa nan fuu ni kan, bi ga nan ŋuun labr Israel aatiŋ pu ke nnyusakpem aah fu pu na. Lik man litimbol limina. Ni ye mbɔmbɔɔn ni nsuubiin ŋmeen la. Mbɔmbɔɔn di nwiihn mɔmɔk mu nan bi nima na di nab a.

Aisaya 60:2

Ŋitimbol ŋiken pu ga li ye mbɔmbɔɔn la, le Uwumbɔr aawiihn ga woln aa ma pu; waah wiin chain pu na ga li bi aa chee.

Aisaya 8:22

bee bi si lik kitiŋ, kaan li waa nibaa see falaa ni mbɔmbɔɔn ŋmeen, mbɔmbɔɔn mu kpa ijawaan aan bi cha bi ti koo mu ni na.

Jeremia 13:16

Nyuŋ Nidindaan Uwumbɔr man waahr aan u nin joo ni mbɔmbɔɔn, mu ga cha ni li gbeer ŋijoo paab ki cha nwiihn mu ni mak mu pu na kpaln mbɔmbɔɔn na.

Esekiel 20:47

Tuk ŋŋangii wɔb aachook ke ki li pel min Dindaan Uwumbɔr aah len pu na ke: Lik, m piin mmii mubaa, le mu ga wu bususoom ni busukuum mɔmɔk aa ponn ni. Tiwan nibaa aan ŋmaa junn mu. Mu ga mar ki nya ŋŋangii wɔb ki ti saa ŋŋangan wɔb, le unii mɔmɔk ga ŋun mu aamiigaal aatoton pu.

Esekiel 9:5

M nan ki ŋun Uwumbɔr bui bijab biken na ke, “Dii u koo kitiŋ ngbaan mɔmɔk ponn ni, ki li ku binib man. Ni taa gur ubaa; ni taa san ubaa kinimbaak man.

Joel 2:2

Nwiin ngbaan daal ga li bɔɔn ki bi timm, mu ga li bɔɔn ki kpa ntaalangbam pam. Kitoonpaak ngbaan choo ki naahn mbɔmbɔɔn sakpiin mubaa le aah biini ŋijoo paab na. Tiwan nimina aaboln aa kee ŋa, kaan ki ŋa daalbaadaal.

Joel 2:3

I ŋmɔ tijikaar mɔmɔk ke mmii le aah gaal na. Aa yaa lik imɔi wɔb kan, ni naahn Edenn aasaak na la, le aa yaa lik ipuwɔb kan, ni naahn nteersakpiin pu la. Nibaa aan ŋmaa bɔr aan yaan kan ni.

Liifai Yaab 26:26

Le m ga cha nimi aajikaar taa ki ŋa mbamɔm, le kina pu, bipiib kipiik ga di baah kpa tijikaar ti na kpaan ŋaan likumbuul libaa ni. Le bi yaa yakr ti, ni jin kan, naan bab. Nkon ga li beenin joo nimi.

Amos 5:18

Naan nan li ŋan tii nimi bi kii Uwumbɔr aawiin ngbaan na. Nwiin ngbaan daal aan nan joo ni tiwan nibaa ni ŋan. Ba pu? mu ga nan li ye libɔmbɔln ŋmeen kaan li kpa nwiihn.

Obadia 1:18

Jakob ni Josef aanib ga li naahn mmii la; bi ga doo Esɔ aanib ke mmii aah wu kinaakook pu na la. Esɔ aanib ponn ni ubaa aan ŋmar. Min Uwumbɔr le len kina.

Maika 7:2

Unii ubaa aa gur kitiŋ ngbaan pu ki bi chob, ubaa mu aa bi ki kii tii Uwumbɔr. Binib mɔmɔk ka kii ke bi ku binib biken la. Unii mɔmɔk dɔ ban udo yoo le u ku.

Maika 7:6

N‑yoonn mumina ponn ni le mbijabim yin bitetiib bijɔrb, le mpiibim aa keei binatiib aamɔi; le bipiisapɔm ni bichapiitiib jaa; le unii aadim ye udo lichiln ni aanib.

Sekaria 11:6

Uwumbɔr ki bui ke, “Maan ki san unii ubaa kinimbaak kitiŋ kee pu. Min mbaa le ga di binib mɔmɔk ŋa baajojoob aaŋaal ni. Bijojoob ngbaan le ga bii kitiŋ, le maan gaa ki lii.”

Sekaria 11:9

Le m bui ipiih ngbaan ke, “Maan ki li ye unii u kpaa nimi na. Cha i ga kpo na kpo. Cha baah ga kuln i na, bi kuln i. I gur na le ga kuln tɔb.”

Malakai 4:1

Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

Matiu 27:45

Nwiin kaasisik ni le itingbaan mɔmɔk bɔln, ki ti saa nwiin aah kpar pu na.

Lituln 2:20

nwiin ga bɔln, le uŋmal mann ke nsin na, waahr aan Uwumbɔr aawiin daal nin fuu ni. Mu ga li ye nwiin sakpiin mu kpa liyimbil na.

2 Piita 2:4

Hali Uwumbɔr aatuuntiib bi nan tun titunwanbir na, Uwumbɔr aa nan di cha bi, u daa bitafal la. U buu bi idɔribi, ki di bi lii mmii mu kaan junn na ni, mbɔmbɔɔn ni, bi li bi nima ki ti saa bundaln u ga ji bi tibɔr na.