Aisaya 9:14 - Uwumbɔr aagbaŋ

¹⁴ Nwiin mubaa le Uwumbɔr di daa Israel yaab aaninkpiib ni baanib aatafal; u ga doo bi, liyil ni ŋitaa.

Aisaya 9:14 ပူးပေါင်းရင်းမြစ်များ

Aisaya 10:17

Uwumbɔr u ye Israel yaab aawiihn na ga kpaln mmii. Israel yaab Aawumbɔr u bi chain na ga kpaln mmiigaal mu ga di nwiin mubaa baanja ki di wu tiwan mɔmɔk doo na, hali ikokon ni ŋinaabukar mɔmɔk ga wu.

Aisaya 19:15

Ubaa aa bi Ijipt ni, biwankpadam ni bigiim, bininyuum ni baah kaa nyi binib bi bɔr na, aan ŋmaa ter bi.

Aisaya 30:13

Ni jin libɔkpol a. Ni naahn ligoln li fɔk ki taa nween ki ti saa kitiŋ na la, libuul lee ni le ni ga lir.

Jeremia 6:21

M ga cha binib bee gbeer ki lir. Tetiib ni baabim ga kpo, le jɔtiib ni maantɔtiib mu ga kpo.”

Jeremia 8:12

Maanib aa nan san inimɔɔn baajɔŋ aatun ŋee pu. Mbamɔn, baa nan san inimɔɔn kpala; naa kpaan nyi naah ga mɔk pu ke inimɔɔn joo nimi na. Kina pu le ni ga lir ke biken aah lir pu na; m yaa nan daa nitafal kan, naadoon le na. Min Uwumbɔr le len kina.

Inandalahn 4:16

Uwumbɔr aatafal aa nan ki bi bi ni; uma ubaa le nan yaa bi. Utafal aa nan bi timi aatotoorb ni biyidam ni.

Hosea 1:4

le Uwumbɔr bui Hosea ke, “Yin u ke ‘Jesreel,’ ba pu? naan yunn le m ga daa Israel aabɔr aatafal, uyaaja Jehu aah nan ku binib bi bi Jesreel ni na pu. M ban m kuln Jehu aanaan aadichal la.

Hosea 1:6

Gomer nan ki ma ubo uken, n‑yoonn mumina ma kan, u nan ye upiibo la. Le Uwumbɔr bui Hosea ke, “Yin u ke ‘Maaneen,’ ba pu? maan ki li neen Israel aanib, kaan ki di cha pinn bi.

Hosea 1:9

Uwumbɔr nan bui Hosea ke, “Yin u ke ‘Baa‑ye‑maanib,’ ba pu? Israel aanib aan ki li ye maanib, le m mu aan ki li ye Baawumbɔr.”

Hosea 10:15

Betel aatiŋ aanib, kina ga ŋa nimi, naah tun titunwanbir sakpen ti na pu. Butɔb aah ga piin buyoonn na, le Israel yaab aabɔr ga kpo.”

Hosea 13:3

Kina pu le binib ngbaan ga wɔŋ ke kichakpiik ni aakpakpal na, ki wɔŋ ke limaln li wɔŋni kichakpiik ni na. Bi ga fii buen ke libuln aah daar kimook lipaal pu cha na la, ki naahn iŋmanyuu aah nya kidadiik aadipimoor ni pu na.

Hosea 4:5

Kinyeek ni nwiin pu mɔk ni moo bii cha, le bibɔnabr mu bi kina la. M ban m kuln nina Israel la.

Hosea 8:8

Israel gur bi ke ŋitimbol ŋiken aah bi pu na la, kaa bi tibaa ni ke libuul li wii na,

Amos 3:12

Uwumbɔr ki len ke, “Samaria aanib bi ka ŋibɔrjal pu na ga nan gur siib ke Uchinn yaa chuu upiih ki ŋman kan, unaakpaal ga ti kan waah ŋman gur itaayakr bee litafal libaa pu na la. Kina le Samaria aanib siib ga ŋmar, le lijal ni tiwandookaan aageln baanja ga li gur baawangol ponn ni.”

Amos 6:11

Uwumbɔr yaa tii waamɔboln kan, ŋidichasakpiin ni ŋiwaatiir mɔmɔk ga wii yuk yuk.

Amos 7:17

Kina pu na, Uwumbɔr le len sin Amasia chee na, ‘Aapuu ga kpaln upiidagoor le kitiŋ kimina ponn ni, le bi ga ku saabim mu butɔb ni. Bi ga yakr saatiŋ tii biniyayam, le sin aabaa ga ti kpo kitiyayaŋ ni la. Le bidim ga sil chuu Israel yaab ki di bi buen kitiyayaŋ ni.’”

Tibɔkpiirkaan 18:10

Kitiŋ ngbaan aafalaa pu bi ga li san ijawaan, ki ga li si dandar, ki len ke, “Kitisakpeŋ Babiloŋ ki nan kpa mpɔɔn na, tibɔbir bi ki pu. Ntafadaan pii ki liwinbaal.”

Tibɔkpiirkaan 18:17

Liwinbaal le liwankpasakpeln ngbaan mɔmɔk bee yɔli.” Le biŋɔdam mɔmɔk, ni binib bimɔk koo iŋɔi ni ki chuun na, ni biŋɔŋaab mɔmɔk, ni binib bimɔk ji nnyusakpem aatuln ponn ni na, bi mɔmɔk si dandar

Tibɔkpiirkaan 18:8

Nima pu le falaa ga pii kitiŋ ngbaan liwinbaal. Iweenbir, ni mpombiin, ni nkon ga lir ki pu. Le mmii ga gaa kitiŋ ngbaan mɔmɔk; ba pu? Tidindaan Uwumbɔr u dar kitafal na kpa mpɔɔn sakpen.”