Aisaya 9:12 - Uwumbɔr aagbaŋ

¹² Siria yaab ga nyan ni liwipuul wɔb, le Filistia yaab mu nyan ni liwilir wɔb, ki waa bimɔi ki ban bi. Nimina aapuwɔb na, Uwumbɔr aaŋuul aan kee sɔŋ; u beenin ban ke u daa bitafal.

Aisaya 9:12 ပူးပေါင်းရင်းမြစ်များ

2 Bibɔrb 16:6

N‑yoonn baan ngbaan le Edom aatiŋ aabɔr nan ki gaa Elaf aatiŋ, le ki jenn nyan Juda aanib bi nan koo nima chee na. Edom aanib nan maa kal Elaf aatiŋ ni, le ki beenin bi nima.

2 Bibɔrb Aabɔr 28:18

N‑yoonn baan ngbaan le Filistia yaab mu nan bi looni ntim mu bi liwilir wɔb aagongon ŋi bi taab na, ni Juda aaŋangii wɔb. Bi nan gaa Bef Semes, ni Aijalonn, ni Gederof aatim, ni Soko, ni Timna, ni Gimso aatim ni itingbaan i bi mu chee na, ki kal mu ni kookoo.

Ilahn 79:7

ba pu? bima le ku saanib; bi kuln saatingbaln a.

Aisaya 10:4

Bi ga ku nimi butɔb ponn ni la, bee bi chuu nimi ki dar buen ke binaagbiib na. Nimina mɔmɔk aapuwɔb na, Uwumbɔr aaŋuul aan sɔŋ; u ga li beenin ban ke u moo daa nitafal.

Aisaya 11:14

Bi ga kpaan le ki ti tak Filistia yaab bi bi liwilir wɔb na, aan ki kpaan ti jenn gaa binib bi bi liwipuul wɔb na mu aawan. Bi ga nyaŋ Edom ni Moab aanib; le Amonn yaab mu ga kii baamɔi.

Aisaya 31:1

Binib bi chaa Ijipt ti ban nterm na aamɔfal junn a. Bi lik Ijipt aajab bi chaa butɔb na, ni baataan ni baataan aatɔroku tiib aawiwiir la. Baa tee fenn lik Uwumbɔr, u ye bima Israel yaab Aadindaan ki bi chain na, ke u ter bi.

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Aisaya 9:17

Kina pu na, Uwumbɔr aan cha unachipɔɔn ubaa ŋmar. Waan san nkpobim ni bikpopiib kinimbaak; ba pu? binib ngbaan mɔmɔk aa dii Uwumbɔr aasan; bi kpa mbiin, le baaliin mɔmɔk ye tibɔbir. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Aisaya 9:21

Manase aanib ni Efraim aanib ga to tɔb butɔb, le ki ki gir kpaan ki to Juda yaab butɔb. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Jeremia 10:25

Di saaŋuul toŋ ŋitimbol ŋi kaa dooni si na, ni binib bi yii si na wɔb. Bi ku saanib, bi kuln timi pel pel, le ki cha timi aatiŋ kpaln ŋilangben.

Jeremia 15:7

M joo nimi mae tii libuln ke tigbengbir na le kitiŋ mɔmɔk ni, kitiŋ kee pu. M ku bii nimi maanib, naah kaa di cha nimi aatunwanbir na le m ku nimi aabim.

Jeremia 35:11

Le Ubɔr Nebukadnesar aah nan di waajab koo kitiŋ ngbaan ni na, ti nan bui ke ti ga dan Jerusalem ni do ki nya Babiloŋ ni Siria aajab ni. Nima pu le ti koo Jerusalem ponn ni do.”

Jeremia 4:8

Kina pu na, di tiwanpeenkaan ni saak kuub na peen, ki li wii ki kaani, Uwumbɔr aaŋuusakpeln aah kaan fenn cha Juda pu na pu.

Esekiel 16:27

“Le m yoor ŋŋaal ke m daa aatafal, ki gaa aa chee maanyoor. M di si tii Filistia yaab bi kaa gee si aan biponn ni sukr saaninsuŋ aatun pu na.

Esekiel 6:14

Mbamɔn, m taln ŋŋaal le ki kuln baatiŋ. M ga cha ki kpaln nkuun, ki nya ŋŋangii wɔb nteersakpiin ni, ki ti saa Ribla aatiŋ ki bi ŋŋangan wɔb na, kaan di cha nin chee mɔk Israel yaab koo na. Le unii mɔk ga bee ke min le ye Uwumbɔr.”

Hosea 7:10

Israel aanib aagaak wii ban bi la. Hali tiwan ni mɔmɔk ŋa na pu, baa fenn ki gir ni min Bidindaan Uwumbɔr chee.

Amos 4:10

“Le m tun ni iween nan lii ni pu ke maah nan di lii Ijipt aatiŋ ni pu na. M nan ku nimi aanachipɔm butɔb ni, ki di nimi aataan mu buen. Le ŋinikpol aanunun gbiin nimɔfataabun ni, ni nimi aakookoo yaan chee. Nee aapuwɔb na, naa di cha nimi aatunwanbir ki gir ni m chee ke m di cha pinn nimi.

Amos 4:11

“M nan doo nimi bibaa ke maah nan doo Sodom ni Gomora yaab pu na. Nimi bi nan ŋmar na nan naahn limiidɔtɔgeln la. Nee mu aa cha ni gir ni m chee.” Min Uwumbɔr le len kina.

Amos 4:6

“Min le nan lii nimi nkon, nimi aatikpaan ponn ni, le naa kee gir ni m chee.

Amos 4:8

Binib nan di nnyunyuu ki nyan kitiŋ kibaa ponn ni, ki buen kitiŋ kiken ponn ni, ki dak ke nnyun bi nima, le bi mɔmɔk aa ti ŋmaa kan bi nyu. Nimina mɔmɔk mu aa cha ni gir ni m chee.

Amos 4:9

“M nan tun ni libuln li ton sakpen na ke li nan kuur nimi aajikaar. Le itoon dan nan di nimi aasar mɔmɔk ŋman, ki ŋman nimi aawanyukaan aasui, ni ŋisubil, ni nkpan aasui mu. Nee mu aapuwɔb na, naa ki gir ni m chee.

Sefania 1:6

M ga kuln binib bi mɔmɔk fenn bipuwɔb tii mi, kaa ki dii mi na, bima le aa ki choo m chee ke m nan li mɔk bi nsan na.”

Sefania 3:2

Ki yii, kaa ŋun tii Uwumbɔr, kaa kii waasurm, kaa kii tii u, kaa ban u chee nterm.

Ikaal 31:17

Bi yaa ŋa kina kan, m ga gee liŋuul bi pu, ki yii bi, le ki ga kuln bi. Tibɔbir pam ga dan bi pu, le ni ga cha bi bee ke min Baawumbɔr aa ki bi bi chee.