Aisaya 9:10 - Uwumbɔr aagbaŋ

¹⁰ “Ti ga di ŋifakuu maa ŋitanbil aadichal ŋi lir na. Bi gaa ŋikakan lir a, le ti ga di santina giin ŋaabuul ni.”

Aisaya 9:10 ပူးပေါင်းရင်းမြစ်များ

1 Bibɔrb 10:27

Waayoonn, tikunabr nan wiir Jerusalem aatiŋ ni ke ŋitakpal na la, le santina mu aadɔ wiir ke sufam bu si Juda aataataab aagongon ni na.

2 Bibɔrb 16:9

Ahas aagaŋ ngbaan pu, le Tiglaf Pileser nan di waajab buen Damaskus aatiŋ pu, le ki ti nyaŋ ki, le ki ku Ubɔr Resinn, le ki chur kaanib tinaagbiir buen Kir aatiŋ ni.

Hosea 8:14

“Israel aanib maa ŋibɔrdichal, le ki tee suln Uwumbɔr u naan bi na bɔr. Juda aanib maa ntim mu kpa tijawan aan bi maa ŋigon gob mu na. Le m ga cha mmii wu baabɔrdichal ni ntim ngbaan.”

Malakai 1:4

Esɔ aayaabitiib, bi ye Edom aanib na, yaa bui ke, “Bi ber timi aatim a, tɔ, ti mu ga ki gir maa mu” kan, le Uwumbɔr ga gar ke, “Cha bi ki maa mu, m ga ki gir ber mu. Binib ga yin ki ke, ‘Titunwanbir aatiŋ,’ ni ‘Litimbol li Uwumbɔr aaŋuul fii li pu kaan sɔŋ na.’”

Tibɔnyaan ti Luk ŋmee ti na 19:4

Le u san ki loln kinipaak ngbaan pu nsan, le ki ti jon likakaln aasub pu ke u li waa Yesu aah ga jer nima chee pu na.