Aisaya 8:7 - Uwumbɔr aagbaŋ

⁷ min Uwumbɔr ga joo ni Asiria aabɔrkpaan ni waajab bi nan tak Juda yaab. Bi ga li san ni ke limɔɔl Yufrates aawam aah san mala pu ki gbiini par laamɔɔgban pu na la.

Aisaya 8:7 ပူးပေါင်းရင်းမြစ်များ

Mpiin 6:17

M ga tun ni nwam dulnyaa wee ni, mu nan bii tiwanfuurkaan mɔmɔk. Tiwan nimɔk bi dulnyaa wee ni na ga kpo.

2 Bibɔrb 19:32

“Uwumbɔr aah len Asiria aatiŋ aabɔrkpaan aabɔr ti na sɔ: ‘Waan koo ni kitiŋ kee ponn ni, kaan too mpiin mubaa ki ponn ni. Butɔb aajab bi joo ŋipen kii bibaa na ubaa aan duun ni kitiŋ ngbaan, le baan maa ŋibimbin tam tam kaagon.

Esra 4:10

ki di kpee binib bi mpɔɔndaan Asurbanipal nan nyan bi baatim ni, ki di bi ti kaan Samaria aatiŋ ni, ni Yufrates aamɔɔl aawilir wɔb aapepel ni kookoo na, aajab chee la.”

Ilahn 46:4

Limɔɔl libaa le bi, ki joo ni mpopiin nan tii Uwumbɔr u kaa kpa ŋeen aatɔ na aatiŋ ki ponn ni waadichal bi na.

Ilahn 72:8

Waanaan ga taln ti saa ni mɔmɔk, ki nya Yufrates aamɔɔl ni ki ti saa kitiŋ aanaanmɔk.

Aisaya 10:16

Uwumbɔr Mpɔɔnsakpiindaan ga di iween di daa binib bi mɔmɔk ji n‑yaan ni nkpan dandana wee na aatafal. Mmii le ga li wu biponn ni, kaan junn.

Aisaya 10:5

Uwumbɔr len ke, “Asiria, maaŋuul yaa ti fii unii u pu na, m joo sin Asiria le gbaa u ke baah joo lichakukul jaa kijaak pu na.

Aisaya 11:15

Le Uwumbɔr ga cha nnyunsakpem mu bi yin mu ke Sues na aanyun foor, ki ga cha libuln li ton na daa ki foor limɔɔl li bi yin li ke Yufrates na aanyun, ki di cha ibun waatiir ilole baanja aan unii mɔmɔk ga ŋmaa puur jer.

Aisaya 28:15

Ni bui ke nimi ni nkun ŋa tɔb kijɔtiik aan ni ni kitekpiitiŋ kpaan a. Ni dii inyamɔn ki dak ke ŋŋmann pu le ni ga ŋmar, ki tii naadii ke tibɔbir yaa fuu ni kan, ni ga nya ti ni.

Aisaya 28:17

Ibamɔn le ga li ye ŋŋmin mu bi ga li joo ŋaŋni nsisii ngbaan na, le mbimbinyaan ga li ye tiwan ni bi joo ŋaŋni mu aanyonyoo na.” Kitaabuŋ ki joo ni ŋitaatakpal na le ga ŋar inyamɔn i ni bui ke ni bi ima le pu na ŋŋaan, le nwam kuln tiwan ni mɔmɔk kii nimi na mɔmɔk.

Aisaya 28:2

Uwumbɔr kpa unii ubaa u kpa mpɔɔn sakpen ki gor ke u ti tak bi na. Udaan ga fuu ni ke kibuŋ ki joo ni ŋitaatakpal na, ni utaasakpiin, ki naahn nwam mu san mala mala ki kpa mpɔɔn na, le ki ga biin kitiŋ ngbaan pu.

Aisaya 43:2

Ni yaa chuun nnyun mu nyoo na ni kan, m ga li bi ni chee; nimi aafalaa aan nyaŋ nimi. Ni yaa koo mmii ni kan, mu aan see nimi; ntɔŋ mumɔk choo ni chee ki pɔɔ na aan nyaŋ nimi,

Aisaya 59:19

Ki nya liwipuul ki ti saa liwilir wɔb, bi ga li san u ni waapɔɔn. U ga dan ke limɔɔl li puu mala mala na la, ki naahn libuln li pɔɔ na.

Aisaya 7:17

“Uwumbɔr ga di tibɔbir aayoonn lii ni aa ni saanib pu, ni nnaan aadichal mɔmɔk pu. Ti ga jer tibɔbir ti dan nnaan ngbaan ni, buyoonn Israel yaab ni Juda yaab nan yakr tɔb chee ki nan saa din na. U ban u yin ni Asiria yaab aabɔrkpaan la.

Aisaya 7:20

“N‑yoonn ngbaan yaa nan fuu ni kan, Uwumbɔr ga ti ban uyikpukuur aan u nyan ni Yufrates aamɔɔdapuul; uma le ye Asiria aabɔrkpaan, le u ga nan kuu nimi aalangban, ni tiyikpir ti bi niyil pu na, ni tikor timɔk baa niwon pu na.

Jeremia 47:2

U nan bui ke. “Lik man. Nnyun le fii ŋŋangan wɔb ki san ke limɔɔl le aa nyan nwam na. Mu ga biin kitiŋ ni tiwan ni mɔmɔk bi ki pu na, mu ga biin ntim ni binib bi koo mu ponn ni na pu. Binib ga wii ki ban nterm; kitiŋ kee pu aanii mɔmɔk ga wii pam.

Jeremia 51:42

Nnyunsakpem di mu aanyunkpenn ti pɔɔ na biin Babiloŋ pu.

Esekiel 26:19

Tidindaan Uwumbɔr ki len ke, “M ga cha aa kpaln nkuun ke ntim mu ŋa tilangbenn, aan ubaa aa ki koo ti ponn ni na la. M ga di nnyusakpem aanyonyoon le biin aa pu.

Daniel 11:10

“Siria aabɔr aajapɔtiib ga ban bijab pam ki gor kiir butɔb. Bi ponn ni ubaa ga san mala ke nwam na ki ti tak bidim bibaa aatim mu kpa ŋigon ŋi fɔk ki pɔɔ na.

Daniel 11:22

U ga ku unii umɔk nyan sil u pu na, ki kpee Uwumbɔr Aatotoorninkpel mu.

Daniel 9:26

N‑yoonn ngbaan aah ga ti doo pu na, le bi ga ku Uwumbɔr aah lee usaloln u kaa tun taani ubaa na. Le ubɔr pɔɔl ubaa aajab ga nan ber kitiŋ ngbaan ni Uwumbɔr Aadichal na. Ndoon ngbaan ga nan fuu ni ke nwam na la. Mu ga li joo ni butɔb ni libiil li Uwumbɔr nan gor siin na la.

Amos 8:8

Kina pu na, kitiŋ ga deŋ, le unii umɔk bi kitiŋ kee pu na aasui ga bii. Kitiŋ mɔmɔk ga nyɔŋ, ki ga fii ki gir lir ke Nail Aamɔɔsakpeln na.

Amos 9:5

Tidindaan Uwumbɔr Mpɔɔnsakpiindaan yaa meeh kitiŋ kan, ki deŋni la, le binib bimɔk bi nima na wii ikpowiil. Dulnyaa mɔmɔk fii ki lir ke Nail Aamɔɔsakpeln aah fii ki lir pu na la.

Maika 1:9

Samaria yaab aabuun aan yann, le Juda yaab mu ga kan kina aaween dandana; libiil fuu ni Jerusalem aatiŋ ni nin chee maanib koo na aabisamɔi ibaa ni.”

Maika 5:4

Ujojoor ngbaan yaa nan fuu ni kan, u ga di mpɔɔn sakpiin mu nyan ni Tidindaan Uwumbɔr ubaa chee na le di joo waanib. Waanib ga li bi lifuur ni la; ba pu? kitiŋ kee mɔmɔk aanib ga li nyi waapɔɔn bɔr,

Maika 5:5

le u ga joo ni nsuudoon. Asiria yaab yaa nan koo ni timi aatiŋ ni ki nyaŋ binib bi kii timi na kan, le ti ga di timi aayidam bi pɔɔ sakpen na tun aan bi ni bima ti jan.

Nahum 1:8

U kuln waadim ke nwam mu san mala mala na la; u ku binib bi kpak u na la.

Tibɔnyaan ti Luk ŋmee ti na 6:48

U naahn uja u ban u maa kidiik, ki gbii ni nyoo, ki maa lidinyikl ŋitakpal pu na la. Le nwam nyan, ki puu ki yur kidiik ngbaan, le kaa deŋni; ba pu? u maa ki mbamɔm.

Tibɔkpiirkaan 17:15

Le Uwumbɔr aatuun ngbaan ki bui mi ke, “Aa kan nnyunkpaan mu upiidagoor ngbaan ka mu chee na. Nnyunkpaan ngbaan ŋaŋ binib la. Bi ye ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na.