Aisaya 8:22 - Uwumbɔr aagbaŋ

²² bee bi si lik kitiŋ, kaan li waa nibaa see falaa ni mbɔmbɔɔn ŋmeen, mbɔmbɔɔn mu kpa ijawaan aan bi cha bi ti koo mu ni na.

Aisaya 8:22 ပူးပေါင်းရင်းမြစ်များ

Job Aagbaŋ 18:18

Bi ga jenn nyan u binib bi fu na aatiŋ ni, bi ga jenn nyan u nwiihn ni ki di koon mbɔmbɔɔn ni.

Nnyam 10:21

Uwumbɔr nan ki bui Moses ke, “Yoor aaŋaal paacham ki di mɔk kitaapaak, le mbɔmbɔɔn sakpiin ga lir ni, ki biin Ijipt aatiŋ pu.”

Nnyam 10:22

Moses nan yoor uŋaal ki di mɔk paacham, le mbɔmbɔɔn lir ki biin Ijipt aatiŋ ponn ni, iwiin itaa.

Ŋiyataŋak 14:32

Bibiindam le joo baatunwanbir kulni baamɔfal, le bininyaam ma kpa limakl nkun ni.

Aisaya 30:6

Uwumbɔr aah len tiwakor ti bi nteersakpiin ngbaan ni na aabɔr ti na sɔ: “Juda aaninkpiib ngbaan chuun isan i kpa tibɔbir na pu, ni nin chee ichinn koo na, ni nin chee iwaa i bir na bi na, ni nin chee tipeewanbir ti fii paacham na koo na. Bi di ipiin i kpa kidaak na buu baabon, ni laakumii mam pu, bi ti tii litimbol li kaan ŋmaa tii bi nterm mubaa na.

Aisaya 5:30

Nwiin ngbaan daal yaa nan fuu ni kan, bi ga nan ŋuun labr Israel aatiŋ pu ke nnyusakpem aah fu pu na. Lik man litimbol limina. Ni ye mbɔmbɔɔn ni nsuubiin ŋmeen la. Mbɔmbɔɔn di nwiihn mɔmɔk mu nan bi nima na di nab a.

Aisaya 50:11

Nimi bi mɔmɔk dak ke ni bii biken doo na, nimi nibaa aalandak ngbaan le ga doo nimi. Uwumbɔr ubaa le ga cha kina ŋa; ni ga ji falaa sakpen.

Aisaya 50:3

M ga ŋmaa cha kitaapaak bɔln, ke kaah bi wii binib bi kpo na aakpowiil le na.”

Aisaya 59:9

Binib ngbaan bui ke, “Dandana ti bee naah ŋa pu aan Uwumbɔr aan gaa timi binib bi muk timi na chee lii na. Ti mak nwiihn pu le ti li chuun dii, le ni ye mbɔmbɔɔn ŋmeen la,

Aisaya 60:2

Ŋitimbol ŋiken pu ga li ye mbɔmbɔɔn la, le Uwumbɔr aawiihn ga woln aa ma pu; waah wiin chain pu na ga li bi aa chee.

Aisaya 8:20

Le ni ga gar bi ke, “Li pel man Uwumbɔr aah mɔkni nimi pu na. Taa pel man bipɔnijoob aah len pu na. Baah tuk nimi pu na aa kpa tinyoor.”

Aisaya 9:1

Baan ŋmaa kan nsan mubaa ki dii aan ki ŋmar falaa umina aayoonn. Sebulunn aanib ni Naftali aanib aatiŋ ki bi nnyusakpem wɔb ki ti saa Jɔɔdann aamɔɔdapuul ni Galilee aatiŋ, biwɔwɔm aah bi nin chee na, nan jin inimɔɔn, le n‑yoonn mu choo na kitiŋ ngbaan kookoo ga kan bunyuŋ.

Aisaya 9:20

Le kitiŋ ngbaan mɔmɔk pu aanib ga li tɔkl tijikaar siib ti bi kan na le ki ji. Nimina mɔmɔk mu aan cha nkon doo. Hali bi ga di baabim ŋa tijikaar.

Jeremia 13:16

Nyuŋ Nidindaan Uwumbɔr man waahr aan u nin joo ni mbɔmbɔɔn, mu ga cha ni li gbeer ŋijoo paab ki cha nwiihn mu ni mak mu pu na kpaln mbɔmbɔɔn na.

Jeremia 23:12

Baah dii isan i na ga li ŋar le ki bɔɔn; m ga cha bi gbeer ki lir. M ga cha tibɔbir dan bi pu. Baatafadaan aayoonn choo. Min Uwumbɔr le len kina.

Matiu 22:13

Le ubɔrkpaan ngbaan bui waatutum ke bi chuu u, ki buu uŋaal ni utaa, ki nyan u, ki ti di mee lii lipaal mbɔmbɔɔn ni. U ga wii ki ŋmɔ ŋinyin nima chee.

Matiu 24:29

“N‑yoonn ngbaan aafalaa aapuwɔb, le paacham aawan aan ki li bi mbamɔm. Nwiin ga bɔln. Uŋmal mu aan ki li wiin. Iŋmabi mu ga lir.

Matiu 8:12

Le Juu yaab bi ba ga koo ni na, Uwumbɔr ga chuu nyan bi lipaal mbɔmbɔɔn aah bi nin chee na. Bi ga wii ki ŋmɔ ŋinyin nima chee.”

Juud 1:13

Bi tun inimɔɔn aatuln la, ki naahn nnyusakpem aanyunkpenn ti ŋani tipupukr ni tijɔŋ nnyun aagbaan na la, ki ki naahn ŋiŋmabil ŋi kaa chuun ŋaasan ni na. Uwumbɔr ga di bi ŋa mbɔmbɔɔn ni, n‑yoonn mu kaa kpa ndoon na.

Tibɔkpiirkaan 16:10

Le Uwumbɔr aatuun ŋmuŋmur mu di falaa u bi waasambil ni na kpir upeel ngbaan aabɔrjal pu. Le waanaan bɔln. Le binib junni bilambil iween pu.