Aisaya 8:19 - Uwumbɔr aagbaŋ

¹⁹ Le binib ga bui nimi ke ni buen bibɔɔb, ni binyɔkdam, ni bipɔnijoob chee ki ti baa bi ke, “Ti ga ŋa kinye?” Bi ga len ke, “Ni ŋan ke binib li buu ibɔɔ ki baa lik bibaa pu.”

Aisaya 8:19 ပူးပေါင်းရင်းမြစ်များ

Mpiin 41:24

le ŋi kaa gbei na di ŋi gbei na di nab. M tuk binib bi ŋmaa ŋani lijinjiir aawan na mɔmɔk tidaŋ tilee ngbaan, le bi ponn ni ubaa aa ŋmaa nabr taatataa ki tuk mi.”

2 Bibɔrb 1:3

Le Uwumbɔr aatuun nan bui Elaija, u nan ye waabɔnabr ki nyan ni Tisbe aatiŋ ni na, ke u buen ti keln Ubɔr Ahasia aah tun binib bi na, ki baa bi ke, “Ba ŋa ni cha ni ti buu tibɔɔr Ekronn aatiŋ aawaal Baal‑Sebub chee? Ni ye le ke ni dak ke Uwumbɔr aa bi Israel aatiŋ ni ii?

2 Bibɔrb 21:6

U nan di ujapɔɔn toor kitork ki di see mmii ni. U nan tun tibɔɔr ni beebee aanyɔk aatuln, ki chaa binib bi bui ke bi nyi fen aabɔr na chee, ki len bitekpiib chee tibɔr. U nan tun Uwumbɔr titunwanbir sakpen, le ki fiin waaŋuul.

2 Bibɔrb 23:24

Ubɔr Josia nan nyan Jerusalem aatiŋ ni, ni Juda aatim mɔmɔk ni, binib bi mɔmɔk bui ke bi ŋun bitekpiib aaliin na, ni bibɔɔb mɔmɔk, ni ŋidichal aawaa, ni ŋiwaa mɔmɔk, ni ŋiwaa aadoon mɔmɔk, ke u kan nsan aan ikaal i ŋmee kigbaŋ ki Utotoorninkpel Hilkia nan kan Uwumbɔr Aadichal ni na tun lituln.

1 Bibɔrb Aabɔr 10:13

Sɔɔl aah kaa nan dii Uwumbɔr mbamɔm na, le u nan kpo. U nan yii Uwumbɔr aakaal, le ki tee ban bitekpiib chee nsurm,

2 Bibɔrb Aabɔr 33:6

U nan di ujapɔtiib toor kitork ki di see mmii ni, Hinom Aafataŋ ni. U nan tun tibɔɔr ni beebee aanyɔk aatuln, ki chaa binib bi bui ke bi nyi fen aabɔr na, ni binib bi len bitekpiib chee tibɔr na chee. U nan tun Uwumbɔr titunwanbir sakpen le ki fiin waaŋuul.

Ilahn 106:28

Peor aatiŋ ni, le Uwumbɔr aanib ti kpee binib bi dooni liwaal Baal na pu, le ki jin baah di tiwan ni toor tii ŋiwaa ŋi po ye unibɔn aawanaankaan na.

Aisaya 19:3

M ban m bii Ijipt yaab aah kpokl pu na ki yɔl bitaakpab la. Bi ga buen ti bui baawaa ke ŋi ter bi, ki ga buen bipɔnijoob ni bitekpiib chee ke bi mɔk bi baah ga ŋa pu na.

Aisaya 26:14

Dandana wee, bi kpo a, kaan ki gir ni; baawiin aan ki fii; ba pu? aa daa bitafal ki kuln bi a; ubaa aan ki teer bi pu daalbaadaal.

Aisaya 29:4

Jerusalem ga li naahn utekpiir aawiin mu bi kitiŋ taab, ki pɔɔni mubaa ke muneel nyan ni titan ni na la.

Aisaya 30:2

Bi chaa Ijipt aatiŋ ni ti ban nterm kaa puen baa mi waahr. Bi ban ke Ijipt yaab li kii bi, kina pu na, bi di naadii tii Ijipt aabɔrkpaan.

Aisaya 45:11

Uwumbɔr u ye Israel yaab Aadindaan u bi chain ki ŋani n‑yoonn mu laa choo na waah gee pu na bui ke: “Naa kpa nsan ke ni baa mi maabim aabɔr, bee ni tuk mi maah ga ŋa pu na.

Aisaya 47:12

Li joo saanyɔk mɔmɔk, ki chaa bibɔɔb chee; saah fii ubo pu na le aa nan ŋani kina. Nibaakan, ni ga ŋmaa ter si siib; nibaakan, aa ga ŋmaa faan saadim.

Aisaya 47:13

Hali saah kani nsurm mumɔk na, saa kpa mpɔɔn mubaa. Cha saanib bi lik iŋmabi ki buu tibɔɔr na dan ki nan gaa si lii, bima le bui ke bi ye binib bi bae iŋmabi, ki nyi kitaapaak aapepel mɔmɔk, ki tuk si uŋmal ki ti saa uŋmal tiwan ni ga ŋa si na.

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Jeremia 27:9

Taa ŋun tii bibɔnabr man, bee unii umɔk bui ke u ga ŋmaa len tiwan ni ga fe ŋa fen na tidaŋ ni, bee bitekpiib aawiin, bee binib bi joo inyɔk tun na. Bi mɔmɔk tuk nimi le ke ni taa kii tii Babiloŋ aabɔr.

Liifai Yaab 19:31

“Ni taa ban binib bi baa bitekpiib chee tibɔr na aasurm. Ni yaa ŋa kina kan, ni ga bii nibaa, kaan ki li bi chain. Min le ye Nidindaan Uwumbɔr.

Liifai Yaab 20:6

“Ubaa yaa buen bibɔɔb chee u ti ban nsurm bitekpiib chee kan, m ga daa utafal, waan ki li ye maanib ponn ni ubaa.

Maika 5:12

M ga bii nimi aanyɔk i ni joo tun nimi aatun na, ki cha ni taa ki li kpa bibɔɔb.

Lituln 16:16

Ti nan ki buen baah mee Uwumbɔr nin chee na. Taah cha na, le usapɔɔn ubaa ton timi nsan ni. U nan ye unaagbiibo la. Bininkpiib nan dii u, ki cha u tuk binib tiwan ni choo ki ga nan ŋa na aabɔr. Waah ŋani kina na, le u kan ŋimombil pam ki tii udindatiib.

Ikaal 18:10

Ni taa di nimi aabim see mmii ni, nimi aatork aabimbiln pu. Ni taa cha ubaa le ye ubɔɔ, ubaa mu taa ji nnyɔk. Ubaa taa ban ke u bee tiwan ni ga fe ŋa fen na.

Ikaal 18:11

Ni taa cha ubaa li joo waanyɔk ŋmanni biken. Ni taa cha ubaa ban nterm bitekpiib chee.

1 Tesalonika 1:9

Ba pu? binib ngbaan len ke taah nan dan ni chee na, ni nan gaa timi, ki di ŋiwaa lii, ki fenn ki dii Uwumbɔr, u ye limɔfadaan ki ye Uwumbɔr bamɔnn na,

2 Piita 2:1

Biŋmaŋmannim mu nan bi Israel yaab ponn ni n‑yoonn ngbaan, ki ŋmanni ke bi ye Uwumbɔr aabɔnabr la. Le biŋmaŋmannim ga li bi ni mu ponn ni, ki ga li looni ki mɔk nimi nnyamɔn aamɔkm mu ga bii nimi na. Hali bi ga yii Tidindaan u nan gaa bi lii na. Nima pu le Uwumbɔr ga daa bitafal mbamɔm mala.

1 Samuel 28:11

Le upii ngbaan baa u ke, “Ŋma aan aa ban ke m yin u tii si?” Le u bui u ke, “Samuel.”

1 Samuel 28:16

Le Samuel nan bui u ke, “Uwumbɔr yaa yii si ki kpaln saadin kan, ba ŋa aa baa mi saah ga ŋa pu na?

1 Samuel 28:7

Le Sɔɔl bui waaninkpiib ke, “Ban kan man upii u joo inyɔk buu tibɔɔr na, aan m buen u chee ti baa lik.” Bi nan bui u ke, “Ubaa bi Endor ni.”

1 Samuel 28:8

Le Sɔɔl kpeln waawanpeenkaan, ki di ni kaa ye ubɔr aawanpeenkaan na peen, le ki di waajab bilee buen bi ti kan upii ngbaan kinyeek. U nan ti bui upii ngbaan ke, “Baa bitekpiib tii mi aan ki bui mi tiwan ni ban ni ŋa na. Yin utekpiir u aayimbil m ga yin na.”