Aisaya 8:13 - Uwumbɔr aagbaŋ

¹³ Teer ke min Uwumbɔr Mpɔɔnsakpiindaan ngbaan bi chain; min baanja le aa ga li san ijawaan.

Aisaya 8:13 ပူးပေါင်းရင်းမြစ်များ

Mpiin 31:53

Aayaaja Abraham Aawumbɔr ni n‑yaaja Nahor Aawumbɔr le ga li ye timi aabɔjir.” Le Jakob aate Aisak Aawumbɔr aayimbil pu, u mu nan puu ke u mu ga li joo tipuur ngbaan.

Ilahn 76:7

Uwumbɔr, binib mɔmɔk san si ijawaan la. Buyoonn saaŋuul ti fii na kan, ubaa aan ki ŋmaa sil aanimbiin ni.

Nnyam 20:20

Moses nan giin bui bi ke, “Taa san ijawaan man, Uwumbɔr dan ke u nan tɔŋ nimi, le ki ban ke ni kii waamɔb, nima kan, naan tun titunwanbir.”

Aisaya 29:23

Ni yaa nan kan mbim mu m ga tii nimi na kan, le ni ga tii naadii ke m sil ye nimi Israel yaab Aawumbɔr u bi chain na. Ni ga pak mi ki san mi ijawaan.

Aisaya 5:16

Uwumbɔr Mpɔɔnsakpiindaan ŋani ni ŋan na la, le waapɔɔn nyan mpaan pu. Le waah ga ji waanib tibɔr pu na le ga mɔk waah bi chain pu na.

Esekiel 38:16

Aa ga tak maanib Israel yaab ke kitaabuŋ ki bɔ kitiŋ ponn ni ki jer na. N‑yoonn ngbaan yaa nan fuu ni kan, m ga cha aa ti koo maatiŋ ni ki di mɔk ŋitimbol maah ye Uwumbɔr u na, ki di maah joo si tun lituln li na mɔk maah ye chain pu na.

Liifai Yaab 10:3

Moses nan bui Aaronn ke, “Kina pu le Uwumbɔr len ki bui ke, ‘Binib bimɔk tun maatuln na, ni ŋan ke bi li pak maah bi chain pu na; le m ga kpiir mɔk maanib maah nyuun sakpen pu na.’” Le ni gar Aaronn; waa ki ŋmaa len tibɔr tibaa.

Liifai Yaab 22:32

Ni taa joo ni inimɔɔn maayimbil li bi chain na pu; ni ŋan ke Israel aanib mɔmɔk bee ke m bi chain la. Min le ye Uwumbɔr le ki ŋa ni mu chain,

Malakai 2:5

“M nan puu tipuur tii bi ke bi ga li kpa limɔfafɔfɔŋ ni laafee, ki nan sil tii bi tiwan ngbaan, ke bi li pak mi. N‑yaayoonn ngbaan na bi nan pak mi ki san mi.

Nkahm 27:14

ba pu? nimi bilee ngbaan nan yii maamɔb, Sinn aateersakpiin ni. N‑yoonn mu Israel yaab mɔmɔk nan len mi tibɔbir Meriba aanyunbun chee na, ni nan yii, kaa cha binib ngbaan bee maapɔɔn mu bi chain na aah bi pu na.” Meriba nan ye nnyunbun mu nan bi Kades aatiŋ ni, ki bi Sinn aateersakpiin ni na la.

Matiu 10:28

Ni taa san binib ijawaan man. Bi ga ŋmaa ku nimi aawon baanja la. Baan ŋmaa ku nimi aawiin. Ni li san Uwumbɔr u ga ŋmaa bii tiwon ni nwiin mɔmɔk mmii mu kaan junn na ponn ni na.

Tibɔnyaan ti Luk ŋmee ti na 12:5

M sur nimi naah ga li san u ijawaan na. Ni li san Uwumbɔr. U yaa ku binib kan, u kpa mpɔɔn ke u di bi ŋa mmii mu kaan junn na ni. Mbamɔn, m tuk nimi la, ni li san uma.

Rom Yaab 4:20

Uwumbɔr aah puu tipuur ti tii u na, tima le gur ye waalandak. Le u pak tipuur ngbaan mbamɔm, kaa joo beeni ke ti ga gbiin bee taan gbiin? U nan moo gaa Uwumbɔr ki kii le ki nyuŋ u,

Ikaal 14:23

Ni yaa nyan ti ki di kpaan kan, ni di buen Nidindaan Uwumbɔr aah nyan nin chee ke ni li dooni u na, ki ti ji naah nyan njikaabim, ni ŋisubil aadaan, ni olif aakpan, ni nimi aawakor aajan aabim aajim, unimbiin ni. Ni ŋa kina aan ki li nyuŋni Nidindaan Uwumbɔr n‑yoonn mɔmɔk.

Tibɔkpiirkaan 15:4

Tidindaan, ŋma bi, kaan san si ki nyuŋ si? Si baanja le ye chain. Ŋinibol mɔmɔk ga dan ki nan gbaan aanimbiin ni ki doon si; ba pu? binib mɔmɔk kan saatunyaan.”

1 Samuel 11:7

le u chuu inaa ilee ki ku i, ki chɔi chɔi yaanann, le ki di tun Israel aatim mɔmɔk ponn ni ki len ke, “Unii umɔk yii kaa dii Sɔɔl ni Samuel ki buen butɔb ni na kan, bi ga ŋa baanaa mu kina la.” Israel aanib nan san ijawaan Uwumbɔr pu, le bi mɔmɔk kuun tɔb chee, kaa gann ubaa lii.