Aisaya 8:10 - Uwumbɔr aagbaŋ

¹⁰ Kpokl naah ga ŋa pu na man. Bi mu aan tee ŋman. Len naah gee pu na man. Ni mɔmɔk ye fam la; ba pu? Uwumbɔr bi ti chee.

Aisaya 8:10 ပူးပေါင်းရင်းမြစ်များ

Mpiin 21:22

N‑yoonn ngbaan le Abimelek ni waajab aaninkpel u bi nan yin u ke Fikol na, nan buen Abraham chee ki ti bui u ke, “M nyi ke Uwumbɔr bi aa chee ki ter si n‑yoonn mɔmɔk.

2 Samuel 15:31

David aah ŋun ke Ahitofel ti kpee Absalom pu na, le u mee limeel ke, “Uwumbɔr, m gaŋ si ke aa kpeln Ahitofel aasurm mɔmɔk ŋa kijɔrk aaliin.”

2 Samuel 17:23

Ahitofel aah kan ke bi yii waasurm na, le u diŋ waabon pu ki gir kun udo aatiŋ ni. Waah ti gor waatuln doo na, le u leen ubaa ŋŋmin ki ku ubaa. Bi nan sub u baadichal aacheek ni la.

2 Samuel 17:4

Nimina nan naahn nsurm mu ŋan na le ki tii Absalom ni Israel aayidam mɔmɔk.

2 Bibɔrb 6:12

Le bi ponn ni ubaa gar u ke, “Mpɔɔndaan, ubaa aa bi. Uwumbɔr aabɔnabr Elaisa le tuk u saah len pu na. Hali aa yaa bi saadiik ni le ki loon len ti kan, u ga ŋun.”

2 Bibɔrb Aabɔr 13:12

Uwumbɔr ubaa le ye timi aasaloln, le waatotoorb bi do, ki gor ke bi pii ikpiin aan ti to nimi butɔb. Israel aanib, taa tak niyaajatiib Aadindaan Uwumbɔr. Naan ŋmaa nyaŋ u.”

Job Aagbaŋ 5:12

U bii beebeedam aah kpokl pu na, le ki chur bibiindam, bibaa aatun ni, le baa kani tinyoor baatun mɔmɔk ni,

Ilahn 21:12

U ga too bi waapiin, ki cha bi fenn bipuwɔb ki san.

Ilahn 46:1

Uwumbɔr le ye timi aakikiir, ni timi aapɔɔn, tibɔr aayoonn mɔmɔk kan, u gor le ki ter timi.

Ilahn 46:11

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 46:7

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 46:8

Dan nan lik man Uwumbɔr aah ŋa tiwan ni na. Lik man waah ŋa lijinjiir aawan ni kitiŋ pu na.

Ŋiyataŋak 21:30

Unibɔn aalan ni ichiin aan ŋmaa nyaŋ Uwumbɔr.

Aisaya 14:27

Uwumbɔr Mpɔɔnsakpiindaan puu ke u ga ŋa nimina; u fii sil ke u daa binib aatafal, le ubaa aan ŋmaa kiir u ke u taa ŋa kina.

Aisaya 28:18

Nimi ni nkun aah kpaan kimɔbaan ki na ga doo, le nimi ni kitekpiitiŋ aakpaam na mu ga doo. Tibɔbir yaa fuu ni kan, ni ga kuln.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 43:5

Taa san ijawaan man, m bi ni chee. Ki nya liwipuul ki ti saa liwilir li bi dandar na, m ga giin nimi aanib kun ni linampal.

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Aisaya 8:8

Bi ga ŋar Juda ŋŋaan ki biin tiwan mɔmɔk pu ke nwam na.” Tɔ, Uwumbɔr bi ti chee. U ga taln uŋaal ki biin kitiŋ ngbaan pu.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Jeremia 42:11

Taa ki san Babiloŋ yaab aabɔr ijawaan. M bi ni chee, ki ga nyan nimi waapɔɔn ni.

Jeremia 46:28

M ga dan ki nan gaa nimi lii. M ga kuln ŋitimbol ŋi mɔmɔk m cha ni yaa ki bi ŋi ponn ni na, le kaa kuln nimi ma. M ga daa nitafal; tɔ, m yaa daa nitafal kan, m ga daa ki ŋeer la. Min Uwumbɔr le len kina.”

Inandalahn 3:37

Uwumbɔr aageehm baanja le tun lituln.

Joel 3:9

Moon tibɔr tee ŋitimbol mɔmɔk ponn ni ke: ‘Gor ki kiir butɔb man; yin nimi aajab bi ga ja kijaak na man; kuun nimi aatɔb aajab mɔmɔk ki li chuun man.

Hagai 1:13

Le Hagai u ye Uwumbɔr aatuun na bui binib ngbaan ke uma Uwumbɔr puu tipuur ke: “M bi ni chee la.”

Nkahm 14:9

Taa yii Uwumbɔr man, ki mu taa san binib bi koo nima chee na ijawaan. Ti ga ŋmaa nyaŋ bi, naan li pɔɔ. Uwumbɔr bi ti chee, le ki nyaŋ baawaa ŋi kii bi na; nima pu na, taa san ijawaan man.”

Matiu 1:23

“Usapɔɔn u kaa nyi uja na ga nan dek lipuul ki maa ubijabo, bi ga li yin u ke Imanuel.” (Imanuel aatataa le ye ke “Uwumbɔr bi ti chee”.)

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Rom Yaab 8:13

Ni yaa dii unibɔn aabimbin aah ban pu na kan, ni ga kpo la. Ni yaa kuln nimi aawon aatunwanbir, Uwumbɔr Aafuur Nyaan aapɔɔn pu kan, ni ga li kpa limɔfal li kaa kpa ndoon na.

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Ikaal 20:1

“Ni yaa buen ni ti faa nimi aadim butɔb aan ki kan ke bi kpa itaan ni yaatɔroku tiib, ni bijab ki wiir sakpen ki jer nimi kan, ni taa li san bi ijawaan. Nidindaan Uwumbɔr u nyan nimi Ijipt yaab aaŋaal ni na ga li bi ni chee.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

1 Jɔnn 4:4

Maabim, ni ye Uwumbɔr yaab la. Uwumbɔr Aafuur Nyaan mu bi nisui ni na jer kinimbɔŋ ki bi dulnyaa wee ni na. Nima pu le ni nyaŋ Yesu aadin aabɔnabtiib ngbaan.