Aisaya 7:9 - Uwumbɔr aagbaŋ

⁹ Israel aa pɔɔ ki jer Samaria ki ye kaatiyil na, le Samaria mu aa pɔɔ jer ubɔrkpaan Peka. “Aa yaa kaa kpa gaakii u ga yunn na kan, aa mu aan li bi ki yunn.”

Aisaya 7:9 ပူးပေါင်းရင်းမြစ်များ

2 Bibɔrb 15:27

Juda yaab aabɔr Usia aanaan aabin piiŋmu ni lileler ni, le Remalia aajapɔɔn Peka jin Israel aanaan, le ki nan bi Samaria aatiŋ ni ki joo waanib ki ti saa ŋibin moninko.

2 Bibɔrb Aabɔr 20:20

Lichakpitaawoln, le binib ngbaan fii ke bi buen nteersakpiin mu bi gbɔk Tekoa aatiŋ na ni. Baah nan ban bi siir nima chee na, le Jehosafat di lilambil limina tii bi: “Juda ni Jerusalem aajab, di nimi aanaadii tii Nidindaan Uwumbɔr man, nima kan, ni ga sil chob. Kii tii waabɔnabtiib aah tuk nimi pu na, nima kan, ni ga kan linyaŋ.”

Aisaya 28:1

Tibɔbir bi Israel aanaan pu. Kipak ki nnaan ngbaan aaninkpiib nan kpa na bi gbaar lir ke nsupuun mu bi di tuun baabɔryikpupur pu na la; ba pu? bi ye bidagbiib la. Bi di tulalee di gbaa biyil ŋi bi tu ŋi paacham na pu, le ki mu aa ŋmaa buen nibaa chee, bi nyun gbii ki dɔ gbara nima chee.

Aisaya 5:24

Kina pu na, timokuun ni ikpakpaabi aah wu mmii ni pu na, kina le nimi aanyaan ga bur, le nimi aafar mu kuur aan libuln daa ti buen, ba pu? nimi Israel yaab, ni yii Nimi Aawumbɔr Mpɔɔnsakpiindaan u bi chain na aah mɔk timi pu na.

Aisaya 7:10

Le Uwumbɔr ki tun Aisaya, Ahas chee,

Aisaya 7:4

Bui u ke u chuu ubaa suuna, ki gor ki li kii, ki taa li san ijawaan aan ki taa cha ni li muk u. Ubɔrkpaan Resinn ni waanib Siria yaab ni ubɔrkpaan Peka aa bir ki pii ŋimiidatul ŋi kaa gaal na aamii.

Aisaya 8:4

Waahr aan u ti ŋa nlan ki ŋmaa len ke ‘Nna’ ni ‘Nte’ na, Asiria aabɔrkpaan ga gaa Damaskus aawangol ni Samaria yaab aah jenn gaa tiwan ni mɔmɔk na.”

Aisaya 9:9

Israel yaab bimɔk bi Samaria aatiŋ ni na ga bee ke u sil ga ŋa kina. Bi kpa kigaak ni inimpoo. Bi len ke,

Jeremia 43:2

Le Hosaya aajapɔɔn Asaria, ni Karea aajapɔɔn Johanann, ni bigaadam biken na mɔmɔk bui mi ke, “Tidindaan Uwumbɔr aa tun ni si ke aa nan tuk timi ke ti taa buen Ijipt aatiŋ ni ki ti li koo nima. Aa gii la.

Maika 1:5

Israel aanib aah tun titunwanbir ki yii Uwumbɔr aamɔb na le ga cha nimina mɔmɔk ŋa kina. Ŋma aan bi ga galn Israel yaab aah yii Uwumbɔr aamɔb pu na pu? Ni ye Israel aatiyil Samaria la. Ŋma bi Juda aatiŋ ni ki dii ŋiwaa? Ni ye Jerusalem aatiŋ la.

Lituln 27:11

Le butɔb aajab aaninkpel aa kii Pɔɔl aah len pu na. U kii uŋɔdaan ni biŋɔŋaab aaninkpel aah len pu na la.

Lituln 27:25

Njɔtiib, nima pu na, chuu nibaa man. M pak ke Uwumbɔr ga ŋa waah tuk mi pu na.

Rom Yaab 11:20

Ni ye mbamɔn, Juu yaab aah kaa gaa Yesu Kristo ki kii na, nima le cha Uwumbɔr di bi lii. Nimi le gaa u ki kii. Nima le ni leŋ baaleleŋ. Ni taa li kpa kalmbaani. Ni li san Uwumbɔr.

Hiibru Yaab 11:6

Unii yaa kaa gaa Uwumbɔr ki kii kan, waan ŋmaa piir Uwumbɔr aasui. Unii u dan Uwumbɔr chee na, see u pak ke u bi, ki pak ke u ŋani binib bi ban u na tinyoor.

1 Jɔnn 5:10

Unii umɔk gaa Uwumbɔr Aajapɔɔn ki kii na, u pak Uwumbɔr aah len pu na. Unii umɔk kaa pak Uwumbɔr aah len pu na, u yin Uwumbɔr unyamɔndaan la; kinye pu? waa pak Uwumbɔr aah len Ujapɔɔn aabɔr pu na.