Aisaya 7:3 - Uwumbɔr aagbaŋ

³ Le Uwumbɔr bui Aisaya ke, “Yoor aajapɔɔn Sear Jasub, ki ti tooh ubɔrkpaan Ahas nsan ni. Aa ga ti kan u nin chee bikpaluub tun baatuln na, nnyunsan mu joo ni nnyun ki nyan ni paacham aabukpiik ni na.

Aisaya 7:3 ပူးပေါင်းရင်းမြစ်များ

2 Bibɔrb 16:1

Remalia aajapɔɔn Peka aah nan ye Israel yaab aabɔr pu na aabin kipiik ni lilolole ni, le Jotam aajapɔɔn Ahas jin Juda aanaan.

2 Bibɔrb 18:17

Asiria aatiŋ aabɔrkpaan nan di butɔb aajab bi wiir sakpen na nyan Lakis aatiŋ ni ke bi ti tak Hesekia, Jerusalem aatiŋ ni; waajab ngbaan aaninkpekpaam bitaa le nan ye baayidam. Baah nan ti fuu Jerusalem na, le bi ti gaa nsan mu bikpaluub tun baatuln nima chee na, ni bi gbɔk nnyun aasan mu joo nnyun nyan ni paacham aabɔɔk ni na la,

2 Bibɔrb 20:20

Ubɔr Hesekia aah nan ki tun ŋitun ŋi mɔmɔk na, ni waajakaan, ni waah nan gbii limɔɔl li na, ki gbii nnyunsan mu ke nnyun li diir koo ni kitiŋ ponn ni na mɔmɔk bi Juda Aabɔrb Aatun Aagbaŋ ni la.

Nehemia 3:16

Asbuk aajapɔɔn Nehemia u ye Bef Sur Aapepel libaa aaninkpel na, le nan maa ligeln li paa na, ki ti saa David aakaakul chee, ni kibukpiik, ni butɔb aajab do chee.

Nnyam 7:15

Nima pu na, fen kan, aa fe fii mala kichakpiik ni, buyoonn ubɔr chaa Nail aamɔɔl ni na, ki ti kan u. Aa li joo kijaangbeek ki nan kpaln uwaa na, ki ti li kii u, limɔɔl aagbaan,

Aisaya 10:21

Israel yaab siib le ga gir ni Baawumbɔr Mpɔɔndaan chee.

Aisaya 22:11

ni gbii limɔɔl bil kitiŋ ngbaan ponn ni ke ni chuu nnyun mu nyan ni kibukpiik kpok na ni, kaa tee dak Uwumbɔr u kpokl tibɔbir timina mɔmɔk n‑yoonn mu jer na ki cha ti ŋa kina na ma bɔr.

Aisaya 36:2

Baah nyaŋ mu kina na, le u tun waatɔb aajab aaninkpel ke u nya Lakis, ki di bijab bi wiir na buen Jerusalem aatiŋ ni, ki ti bui ubɔrkpaan Hesekia ke u kii tii ke uma Senakerib nyaŋ u a. Bijab aaninkpel ngbaan nan gaa nsan mu bikpaluub tun baatuln na, nin chee nnyunsan mu joo nnyun nyan ni kibɔɔk ki bi paacham na ni na.

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

Aisaya 6:13

Hali unii ubaa baanja le yaa gur binib kipiik ponn ni kitiŋ ngbaan pu kan, u mu ga kpo; unibaan ngbaan ga gur li bi ke baah gaa gii likpaln ki cha lisikpiil pu na la.” Lisikpiil ngbaan mɔk Uwumbɔr aanib bi ga nan ki naahn linibol pɔln na la.

Jeremia 22:1

Uwumbɔr nan bui mi ke m buen Juda aabɔr, u ye Ubɔr David aayaabil na aabɔrdichal ni, ki ti tuk ubɔr ngbaan, ni waaninkpiib, ni Jerusalem aanib ke bi li pel Uwumbɔr aah len pu na ke,

Rom Yaab 9:27

Tɔ, Uwumbɔr aabɔnabr Aisaya nan len Israel yaab aabɔr; u nan len ke Israel yaab wiir ke nnyusakpem aatambol aah wiir pu na, le bi ponn ni, binib siib baanja ga ŋmar;