Aisaya 7:21 - Uwumbɔr aagbaŋ

²¹ “N‑yoonn ngbaan yaa nan fuu ni kan, hali ukpaal ubaa yaa ŋmaa joo unaabo ubaa ni iŋoob ilee kan,

Aisaya 7:21 ပူးပေါင်းရင်းမြစ်များ

Aisaya 14:30

Uwumbɔr le ga kpaa waanib bi ye bigiim na, ki tii bi ŋŋmarm. U ga cha nkon lir nimi Filistia yaab pu, le mu aan cha ni ponn ni ubaa ŋmar.

Aisaya 17:2

Binib ga san cha Siria aatim mɔmɔk. Mu ga li gur ye inaa ni ipiih aah ŋmɔ timoor nin chee, aan ubaa aan san jenn i na la.

Aisaya 27:10

Kitisakpeŋ ki bi nan maa ŋigon kiir ki na ber doo a. Ki gur nkuun ke nteersakpiin na la. Ki kpaln inaa aamoŋmɔpaan, nin chee i ga fuur ki ki fii ŋmɔ na la.

Aisaya 35:1

Nteersakpiin pu ga li kpa mmɔɔn, le mmopuun ga ŋeen kipɔɔk ni.

Aisaya 37:30

Tɔ, le Aisaya bui ubɔrkpaan Hesekia ke, “Nimina le ga li ye limɔkl ki mɔk nimi tiwan ni ga ŋa na. Libiln limina, ni libiln li ga paan ni na, ni ga ji tijikaar ti naa kon ti, ti punn tibaa pu na la; libiln li ga paan na ma kan, ni ga ŋmaa bu nibaa aajikaar aan ki nan chee ti, ki ga bu ŋisubil aasui ki moo yaasubil mu.

Aisaya 5:17

Ntim mu kpaln tilangbenn na ni, le ipiih ga ŋmɔ timoor aan iŋoob mu kan yaamoŋmɔpaan.

Aisaya 7:25

Ŋijoo paab nin chee bikpaab nan ko na, ikokon aasui le ga gaa ni mɔmɔk, le ubaa aan ki kaa buen nima. Ni ga li gur ye inaa ni ipiih aamoŋmɔpaan la.”

Jeremia 39:10

U nan di cha bigiim bi bi Juda aatiŋ pu kaa kpa nibaa na, le ki tii bi ikpaakon ni ŋisubil aasui aasar.