Aisaya 7:20 - Uwumbɔr aagbaŋ

²⁰ “N‑yoonn ngbaan yaa nan fuu ni kan, Uwumbɔr ga ti ban uyikpukuur aan u nyan ni Yufrates aamɔɔdapuul; uma le ye Asiria aabɔrkpaan, le u ga nan kuu nimi aalangban, ni tiyikpir ti bi niyil pu na, ni tikor timɔk baa niwon pu na.

Aisaya 7:20 ပူးပေါင်းရင်းမြစ်များ

Aisaya 1:5

Ba ŋa ni kpak u kinikpakpak? Ni ban ke nimi aatafadaan li wiir la aa? Israel yaab, nimi aayil kpaln ibuun ŋmeen la, le nimi aapobil ni nisui mɔmɔk buŋ doo a.

Aisaya 10:15

Le Uwumbɔr ma bui ke, “Kichɔk ga ŋmaa bui ke ki jer unii u joo ki na aa? Ukpikpiir aah joo kichɔk ki kpii tiwan na aan ŋmaa bui ke ki jer u. Lichakukul aan ŋmaa yoor unii paacham; unii le ga yoor lichakukul paacham.”

Aisaya 11:15

Le Uwumbɔr ga cha nnyunsakpem mu bi yin mu ke Sues na aanyun foor, ki ga cha libuln li ton na daa ki foor limɔɔl li bi yin li ke Yufrates na aanyun, ki di cha ibun waatiir ilole baanja aan unii mɔmɔk ga ŋmaa puur jer.

Aisaya 36:1

Libiln kipiik ni linanar li ponn ni Hesekia nan ye Juda aabɔrkpaan na, le Asiria aabɔrkpaan Senakerib nan ti tak Juda aatim mu bi maa ŋigon kiir mu aan mu kpa tijawan na, ki nyaŋ mu.

Aisaya 8:7

min Uwumbɔr ga joo ni Asiria aabɔrkpaan ni waajab bi nan tak Juda yaab. Bi ga li san ni ke limɔɔl Yufrates aawam aah san mala pu ki gbiini par laamɔɔgban pu na la.

Aisaya 9:13

Uwumbɔr Mpɔɔnsakpiindaan daa Israel yaab aatafal; le bi yii kaa kpeln baabimbin ki gir ni u chee.

Jeremia 2:18

Ni dak ke ni yaa gir buen Ijipt aatiŋ ni ki ti nyun Nail aamɔɔl ponn ni aanyun kan, ni ga kan ba aanyoor? Ni dak ke ni yaa buen Asiria ki ti nyun Yufrates aamɔɔl aanyun kan, ni ga kan ba aanyoor?

Esekiel 29:18

“Unibɔn, Babiloŋ Aabɔr Nebukadnesar fii sil ki tak Taya aatiŋ. U cha waajab tun ŋitun ŋi nyuun sakpen na le biyikpir ti gui, le bibɔgbin mu puun puun, tɔ, ubɔr ngbaan ni waajab mɔmɔk aa kan nibaa nimina pu.

Esekiel 29:20

Waajab aah nan tun maatun na pu le m ga di Ijipt aatiŋ tii u. Min Dindaan Uwumbɔr le len kina.