Aisaya 7:17 - Uwumbɔr aagbaŋ

¹⁷ “Uwumbɔr ga di tibɔbir aayoonn lii ni aa ni saanib pu, ni nnaan aadichal mɔmɔk pu. Ti ga jer tibɔbir ti dan nnaan ngbaan ni, buyoonn Israel yaab ni Juda yaab nan yakr tɔb chee ki nan saa din na. U ban u yin ni Asiria yaab aabɔrkpaan la.

Aisaya 7:17 ပူးပေါင်းရင်းမြစ်များ

2 Bibɔrb Aabɔr 33:11

Kina pu na, Uwumbɔr nan cha Asiria aatɔb aajab aaninkpiib dan nan koo Juda aatiŋ ni. Bi nan chuu Manase, le ki di ijapiin saar lɔk lɔk u, ki di tikululn baa u, le ki di u buen Babiloŋ aatiŋ ni.

Nehemia 9:32

Uwumbɔr, timi Aawumbɔr, saapɔɔn wiir sakpen; Unii mɔk san si ijawaan, le saapɔɔn ti nyaŋ. Aa joo saah nan puu tipuur ti na mbamɔm. Ki nyan buyoonn Asiria aatiŋ aabɔrb nan muk timi na, hali ki nan saa din, taah jin falaa u na nyaŋ a. Timi aabɔrb, ni timi aayidam, ni timi aatotoorb, ni saabɔnabtiib, ni tiyaajatiib, ni timi aanib mɔmɔk jin falaa la. Teer taah jin falaa sakpen pu na.

Jeremia 33:24

“Saa kan binib aah bi len ke m yii ŋidichal ŋilee, ŋi ye Israel ni Juda aanib bi min mbaa nan lee bi na aa? Kina pu le bi lik maanib fam, kaa ki kahn bi sakni ŋitimbol ni.