Aisaya 66:5 - Uwumbɔr aagbaŋ

⁵ Nimi bi san Uwumbɔr ki kii waamɔb na, li pel man waah len pu na: “Naah gaa mi ki kii pu na, nimi aanib bibaa nan nimi, kaa ban bi kpaan ni chee. Bi laa nimi ki len ke, ‘Cha Uwumbɔr mɔk waapɔɔn ki gaa nimi lii, aan ti kan naah ga li mɔɔni pu na.’ Le bima bibaa le ga ji inimɔɔn.

Aisaya 66:5 ပူးပေါင်းရင်းမြစ်များ

1 Bibɔrb 21:29

“Aa kan Ahab aah sunn ubaa taab nnimbiin ni pu na aa? Waah ŋa pu na, maan cha tibɔbir dan u pu buyoonn u laa fu na; ujapɔɔn aamɔfal ni, le m ga cha tibɔbir dan Ahab aadichal pu.”

2 Bibɔrb 22:10

le ki ki bui ke, “Hilkia le di kigbaŋ kimina tii mi,” le ki karn ki tii ubɔr.

2 Bibɔrb Aabɔr 34:27

le aa kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem aatiŋ, ni kaanib aatafal pu na. M ŋun saameel,

Esra 9:4

M nan ka nima, kinimbaak ni, le kijook aatork nan fuu, le binib kuun ni m chee, binib bi ijawaan nan chuu bi, bima Israel yaab Aawumbɔr aah nan len pu, binib bi nan nyan ni tinaagbiir ni ki gir ni na aatunwanbir pu na.

Ilahn 119:120

M san sin le ijawaan; saakaal pu le ijawaan joo mi.

Ilahn 38:20

Binib bi joo mbiin pa tiŋann na bii maayimbil buyoonn m pɔɔni mbaa ke m li ŋani ni ŋan na.

Ŋiyataŋak 13:13

Aa yaa yii nsurnyaan kan, aa bi ban tibɔr la; gaa mu aan ki li kpa limɔfal.

Solomonn Aalahn 1:6

Taa lik seeni mi maabɔmbɔn pu man, nwiin le seer mi, le m bɔnn kina. Nninjatiib le nan gee m pu liŋuul ki cha m tun lituln ŋisubil aasaak ni. Maa nan kpa n‑yoonn ke m di toor mbaa.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Aisaya 5:19

Le ni len ke, “Cha Israel yaab Aawumbɔr u bi chain na ŋa mala ki ŋa waah bui ke u ban pu na, aan ti kan ni, aan ki bee waalandak.”

Aisaya 60:15

Ubaa aan ki lik si fam, kaan ki li nan si, kitiŋ ki baanib nan san cha ki aan ki ye tilangbenn na. M ga tii si mpɔɔn ni kinyaan nin chee mmɔɔn ga li bi n‑yoonn mɔmɔk na.

Aisaya 65:13

le m ban m bui nimi ke binib bi dooni mi ki kii maamɔb na ga li kpa pam bi ji ki nyu, nimi ma kan, nkon ni nnyunyuu ga li joo nimi. Bi ga li kpa mpopiin, le nimi ga ji inimɔɔn.

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Jeremia 36:16

Waah karn ki ti doo na, le bi fenn lik tɔb, le ijawaan bi binimbil ni, le bi bui Baruk ke, “See ti tuk ubɔr tibɔr tee,”

Hosea 11:10

“M yaa nan ŋuun baadim pu ke uchinn na kan, maanib ga dii mi. Bi ga nya liwilir wɔb ki dan m chee mala.

Matiu 10:22

Le binib mɔmɔk ga li nan nimi m pu. Unii umɔk jin limɔr ki dii mi ki ti saa limɔfal aadoon na, uma le ga ŋmar.

Tibɔnyaan ti Luk ŋmee ti na 13:17

Yesu aah len kina na, le inimɔɔn chuu binib bimɔk kpak u kinikpakpak na. Waah tun lijinjiir aatun pam pu na, le kinipaak ngbaan mɔmɔk nan kpa mpopiin pam.

Jɔnn 16:2

Bi ga nyan nimi mmeen aadir ni; n‑yoonn mbaa mu choo, unii yaa ku nimi kan, u ga li dak ke u tun Uwumbɔr aatuln le na.

Jɔnn 9:34

Le bi bui u, “Bi ma si aa ye titunwanbirdaan la. Aa ye ŋma ki mɔk timi?” le ki jenn nyan u mmeen aadiik ni.

2 Tesalonika 1:12

Ni yaa ŋani kina kan, nima le ga nyuŋ Tidindaan Yesu Kristo, le u mu ga nyuŋ nimi, u ni Uwumbɔr aabulchinn pu.

Taitus 2:13

Ti kpa limakl li tii timi mpopiin na. Ti kii bundaln ti ga nan kan li na. Taah kpa limakl li na le ye ke timi Aawumbɔr sakpiin, Yesu Kristo u gaal timi lir na, ga gir ni ki nan nyan waah nyuun pu na mpaan pu.

Hiibru Yaab 9:28

Kristo mu di ubaa toor kitork nfum mubaa, binib pam aatunwanbir pu. U ga ki fuu ni lelee. Naa ye titunwanbir pu le u ga ki fuu ni. U ga fuu ni ke u nan gaa binib bi kii waagirndaal na lii.

1 Jɔnn 3:13

Nnaabitiib, dulnyaa aanib yaa nan nimi kan, taa cha ni gar nimi man.