Aisaya 66:4 - Uwumbɔr aagbaŋ

⁴ Kina pu na, m ga cha tibɔbir lir bi pu. Baah san tiwan ni ijawaan na le ga kan bi, ba pu? maah nan yin bi na, baa nan kii, kaa nan pel buyoonn m len bi chee na. Bi nan yii maamɔb ki tun titunwanbir.”

Aisaya 66:4 ပူးပေါင်းရင်းမြစ်များ

2 Bibɔrb 21:2

Uwumbɔr aanib aah nan tur koo ŋitimbol ŋi ponn ni, aan u jenn nyan ŋaanib bi na aabimbiyɔyɔl na le Manase nan gaa, le ki tun Uwumbɔr titunwanbir.

2 Bibɔrb 21:6

U nan di ujapɔɔn toor kitork ki di see mmii ni. U nan tun tibɔɔr ni beebee aanyɔk aatuln, ki chaa binib bi bui ke bi nyi fen aabɔr na chee, ki len bitekpiib chee tibɔr. U nan tun Uwumbɔr titunwanbir sakpen, le ki fiin waaŋuul.

Ilahn 81:12

Kina pu le m cha bi kpa tafalaaŋun le ki ŋani baah gee pu na.

Ŋiyataŋak 1:24

M yin nimi, ki mee nimi ke ni dan m chee, le naa ŋun. Naa gar mi kpala.

Ŋiyataŋak 10:24

Binib bi aabimbin ŋan na kani baah ban pu na la, le bibiindam kani baah san tiwan ni ijawaan sakpen na.

Aisaya 50:2

Ba nan ŋa maanib yii kaa kii tii mi buyoonn m nan buen m ti gaa bi lii na? Ba nan ŋa baa kii buyoonn m nan yin bi na? Maa ki kpa mpɔɔn m di gaa bi lii la aa? Maamɔliin baanja le ga cha nnyusakpem foor, ki cha ŋimɔɔ mɔmɔk kpaln kitikuun, le ŋaajan kpo nnyunyuu pu.

Aisaya 59:15

Mbamɔn par sakpen, le unii umɔk di cha titunwanbir aaŋam na ga kan ke uma le titunwanbirdam muk.” Uwumbɔr kan nimina, le naa mɔɔr u, ibamɔn aah kaa bi pu na.

Aisaya 59:7

N‑yoonn mɔmɔk ni dak ke ni ŋa ni kaa ŋan na la, le naa taani kpala kina aaŋam. Naa sii ki dakl lik waahr aan ki nin ku unii u kaa tun taani ubaa na. Nin chee mɔk ni jer na ye mbiin ŋmeen la,

Aisaya 65:12

Ni ga li ye nimi aadoon le ke ni kpo mpɔɔkun, ba pu? naa nan kii buyoonn m yin nimi na, kaa pel maah len pu na mu. Ni yii, kaa kii maamɔb, le ki tun titunwanbir,

Aisaya 65:2

N‑yoonn mɔmɔk m nan gor ki kii ke m gaa maanib, le bi yii ki tun titunwanbir ki dii bibaa aasan.

Aisaya 65:3

Bi ŋani mi liŋuul, kaa san inimɔɔn. Bi toor tisamoor ki seer nnyɔknii ŋiwaabimbin pu.

Aisaya 65:7

baatunwanbir ni biyaajatiib aatunwanbir pu. Bi seer nnyɔknii tiwaachur ni ŋigongon paab ki len tibɔbir m pu. Kina pu na, m ga daa bitafal ki ŋeer baah tun pu na la.”

Jeremia 35:17

Kina pu na, min Uwumbɔr Mpɔɔnsakpiindaan u ye Israel yaab Aawumbɔr na ga cha libiil li m puu ke li ga dan na, dan nimi Juda ni Jerusalem aanib pu. Maah len ni chee aan naa pel, ki yin nimi aan naa kii na, le ga cha m ŋa kina.”

Jeremia 7:13

Ni tun titunwanbir tee mɔmɔk, le m tuk nimi, ki ki gir bui nimi, le ni yii, kaan pel. Buyoonn m yin nimi na le ni yii, kaan kii.

Jeremia 7:30

“Juda aanib tun titunwanbir la. Bi di baawaa ŋi bir sakpen na bil Maadichal ni, ki bii li.

Esekiel 11:8

Ni san kijaak aajuk ijawaan la aa? M ga cha bijab bi joo kijaak aajum na dan ki nan tak nimi.

Esekiel 14:4

“Len bi chee tibɔr ki bui bi min Bidindaan Uwumbɔr aah tuk bi pu na: Israel aanii umɔk di usui tii ŋiwaa aan ki cha ŋi di u tun titunwanbir aan u ki dan maabɔnabr chee na, ga kan ngarm mu waawaa ŋi wiir ngbaan na ban na.

Esekiel 20:25

“M nan ki di ikaal i kaa ŋan, ni mmɔkm mu kaa tii limɔfal na le tii bi.

Matiu 24:24

Ba pu? biŋmaŋmannim ga li bi. Bibaa ga bui ke bi ye Kristo ngbaan la. Biken mu ga bui ke bi ye Uwumbɔr aabɔnabtiib la. Le bi ga tun lijinjiir aatun pam, ki ŋmann binib. Hali, bi ga pɔɔn bibaa ke bi ti ŋmann binib bi Uwumbɔr nyan bi na.

1 Samuel 8:19

Binib ngbaan aa nan pel Samuel aah len pu na, le ki bui ke, “Aayii. Ti ban ubɔr la,