Aisaya 66:3 - Uwumbɔr aagbaŋ

³ “Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Aisaya 66:3 ပူးပေါင်းရင်းမြစ်များ

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Ŋiyataŋak 21:27

Uwumbɔr aa gee titunwanbirdam aah toor kitork ki tii u na la. Waah nan ki sakpen na le ye kitork ki bi kpa tilandakwanbir bisui ni ki toor na.

Aisaya 44:19

Unii u naani ŋiwaa na aa kpa nlan, kaan ŋmaa len ke, “M di ndɔ ngbaan aageln ŋa mmii ni, ke m di mu aamii ŋa tijikaar ki pun tinann mu pu ki ŋman, le ki di ligeln li gur na ŋa liwaal lee, le ki gbaan lidɔgeln aanimbiin ni.”

Aisaya 53:6

Ti mɔmɔk naahn ipiih i yenn na la, timɔk cha taah gee niwɔb na, le Uwumbɔr di titunwanbir ngbaan aafalaa tun u, ntafadaan ngbaan ba ŋeer timi la.

Aisaya 57:17

Baatunwanbir ni baakumɔŋ pu le m nan gee bi pu liŋuul, le ki nan daa bitafal ki san cha bi. Le baa nan kpeln, ki beenin dii baasan.

Aisaya 65:12

Ni ga li ye nimi aadoon le ke ni kpo mpɔɔkun, ba pu? naa nan kii buyoonn m yin nimi na, kaa pel maah len pu na mu. Ni yii, kaa kii maamɔb, le ki tun titunwanbir,

Aisaya 65:2

N‑yoonn mɔmɔk m nan gor ki kii ke m gaa maanib, le bi yii ki tun titunwanbir ki dii bibaa aasan.

Aisaya 66:17

Uwumbɔr ki len ke, “Binib bi toor bibaa ki dooni ŋiwaa, ki chɔl ki chaa ti toor tisamoor, ki ŋmɔ ugbeer, ni ŋilapol, ni tijikaar ti kaa ŋan na aadoon peen ni a.

Jeremia 6:20

Ntafal aa bi tulalee aayon mu nyan ni Seba, aan bi joo nan tii mi na, kaa bi tulalee mam bi nyan ni dandar na ni. Maan gaa baapiin, ni kitork ki bi joo tii ni mi na.

Liifai Yaab 2:2

U yaa ŋa kina doo kan, u li joo ni mu Aaronn aabijabim bi ye bitotoorb na chee. Utotoor u ga gaa ipiin ngbaan na di uŋaal lee n‑yon ni nkpan, ki paar tulalee aayon na mɔmɔk, ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

Hagai 2:14

Le Hagai bui ke, “Uwumbɔr bui ke litimbol limina aanib bi kina le unimbil ni. Bi kpa tijɔŋ, le baah kon tijikaar ti mɔmɔk na mu kpa tijɔŋ; kina pu na, tiwan ni mɔmɔk bi nan di tii ipiin kitork aabimbiln pu na mu ye tijɔŋ aawan la.”

Ikaal 14:8

Ni taa li ji igbeer. I kɔ la; ba pu? itaabuseen yakr, le i mu aa biir timoor ki ŋmɔ. Ni taa li ji tiwakor ni ipeel imina, ki mu taa meeh yaawankpol.

Ikaal 23:18

Bi yaa ŋa kina aatuln ki kan ŋimombil kan, bi taa joo ni ŋi, ke bi nan pa tipuur aapiin Nidindaan Uwumbɔr Aadichal ni. Uwumbɔr aa gee ŋiwaa aamaakpayal kpala.

Bibɔjirb 10:14

Li cha ti li yin man ŋiwaa ŋi ni lee ke ni ban na. Ni yaa bi limukl ni kan, ni cha ŋima gaa nimi lii.”

Bibɔjirb 21:25

Israel aatiŋ aa nan kpa ubɔr n‑yoonn ngbaan. Unii mɔmɔk nan ŋani waageehn la.

Bibɔjirb 5:8

Israel yaab nan ban ŋiwaa la, nima pu le butɔb dan kitiŋ ngbaan pu. Israel aajab ŋichur imonko ilee ngbaan ni, ulau nan joo kijaak aapeln, bee kikpaatuŋ?