Aisaya 66:24 - Uwumbɔr aagbaŋ

²⁴ “Bi yaa gir chaa kun kan, bi ga kan binib bi yii maamɔb na aanikpol. Ŋikpaambil ŋi ŋmɔ biwon na aan kpo daalbaadaal, le mmii mu wu bi na mu aan junn. Unibɔn umɔk kan bi na ga sur upuwɔb.”

Aisaya 66:24 ပူးပေါင်းရင်းမြစ်များ

Ilahn 110:6

U ga ji ŋitimbol tibɔr, ki cha baah to butɔb nin chee na kpaln ŋinikpol ŋmeen; u ga nyaŋ bibɔrb, kitiŋ kee mɔmɔk pu.

Aisaya 1:28

le ki kuln umɔk tun titunwanbir ki kpak u na; u ga kuln unii umɔk yii u na.

Aisaya 1:31

Ikpakpaabi aah gaal mmii ni pu na, kina le bipɔɔndam mu aatunwanbir ga gaa ki ku bi doo, le ubaa aan ŋmaa gaa bi lii.

Aisaya 14:11

Bi nan joo tibar gaa ilahn ki nyuŋni si, le dandana ma aa gur bi ti chee kitekpiitiŋ ni do la. Aa gur dɔ ŋikpaambil aawandookaan pu la, le ŋi bii aawon mɔmɔk pu.’”

Aisaya 24:20

Kitiŋ ga li deŋni ke udagbiir aah chuun gbeer pu na, ki yeŋni ke libool aah yeŋni kitaabuŋ ni pu na. Dulnyaa aatunwanbir nyɔɔn u lii kitiŋ; ki ga lir, kaan ki fii kpala.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Aisaya 34:10

Ki ga li gaal mmii nwiin pu ni kinyeek mɔk, le laaŋmanyuu ga fii n‑yoonn mu kaa kpa ndoon na. Kitiŋ ngbaan mɔmɔk pu aan ki li kpa nibaa ki joo cha n‑yoonn mɔmɔk, le unii ubaa aan ki jer nima chee.

Aisaya 34:3

Baan sub baanikpol, ŋi ga li dɔ le ki ti bur ki nuŋ; le ŋijoo pu ga li ye nsin ŋmeen.

Aisaya 48:22

Uwumbɔr bui ke, “Titunwanbirdam aa kpa nsuudoon.”

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Aisaya 51:8

bi ga dur ke ŋikpandakur aah ŋman likekeln li na aah ga dur pu na la. Le maah ga joo ni ŋŋmarm mu na aan li kpa ndoon; maanyaŋ ga li bi n‑yoonn mu kaa kpa ndoon na.”

Aisaya 65:15

Maanib bi m nyan bi na ga li joo nimi aayimbil le puuni lir binib pu, ke bi li bee fam ke nimi na. Min, Bidindaan Uwumbɔr le ga ku nimi, le ki tii binib bi kii maamɔb na liyimbipɔln.

Aisaya 66:16

U ga di mmii ni kijaak aajuk le di daa dulnyaa aanib bi aabɔr bii u chee na aatafal, le pam ga kpo.

Daniel 12:2

Bi puen kpo na pam le ga fikr nkun ni: bibaa ga kan limɔfal li kaa kpa ndoon na, le bibaa mu ji inimɔɔn i kaa kpa ndoon na.

Sekaria 14:12

Uwumbɔr ga cha iween i bir na nan lir ŋitimbol ŋi mɔmɔk tak Jerusalem na pu. Ŋaanib aawon ga bur le bi laa fu. Binimbil ni bilambil ga bur lir.

Matiu 3:12

U joo waayikpimbik uŋaal ni, u ti chaar waajikaar, ki ga di njikaabim ŋa lipil ni, ki di tigbengbir see mmii mu kaan junn na ni.”

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”