Aisaya 66:18 - Uwumbɔr aagbaŋ

¹⁸ M nyi baalandak ni baatun. M choo m nan kuun litimbol mɔmɔk aanib la. Bi yaa kuun ni kan, bi ga kan maapɔɔn aah ga ŋmaa tun pu na,

Aisaya 66:18 ပူးပေါင်းရင်းမြစ်များ

Job Aagbaŋ 42:2

Uwumbɔr, m nyi ke aa ye mpɔɔnsakpiindaan la; ki nyi ke aa ga ŋmaa ŋa tiwan ni mɔmɔk aa ban na.

Ilahn 139:2

Aa nyi maah ŋani tiwan nimɔk na; aa bi dandar le ki nyi maah dak pu na.

Ilahn 67:2

aan dulnyaa wee mɔmɔk li nyi saah gee timi pu na, aan ŋitimbol mɔmɔk kan saaŋmarm.

Ilahn 72:11

Bibɔrb mɔmɔk ga gbaan unimbiin ni; ŋitimbol mɔmɔk ga li dii uma la.

Ilahn 72:17

Taa cha ubɔr aayimbil kuln; cha waayimbil yunn ke nwiin aah ga yunn pu na. Cha bi mee Uwumbɔr aan u ŋa tinyoor ŋa bi pu ke waah ŋa tinyoor ŋa ubɔr pu pu na.

Ilahn 82:8

Uwumbɔr, dan, ki nan joo dulnyaa; ŋitimbol mɔmɔk ye sin yaan la.

Ilahn 86:9

Saah naan ŋitimbol ŋi mɔmɔk na ga dan ki nan gbaan aanimbiin ni; bi ga pak saah tun ŋitukpaan ŋi na.

Ilahn 94:11

Uwumbɔr nyi baalandak; u nyi ke baalandak ye kijɔrk ŋmeen la.

Ilahn 97:6

Paacham aawan mooni waah kpa mbimbinyaan pu na, le ŋitimbol waa waah kpa kinyuŋ pu na.

Aisaya 11:9

Uwumbɔr aagongoln Sionn li bi chain na paab nibaa aan li bi nima ki bir. Nnyusakpem ponn ni aah kpa nnyun sakpen pu na, kina le dulnyaa wee ga li nyi Uwumbɔr bɔr.

Aisaya 2:2

N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga li fɔk chaar jer ŋigongon mɔmɔk, le ŋinibol pam ga dan li chee,

Aisaya 37:28

“M mu nyi saabɔr mɔmɔk, saah ŋani ni na, ni saah chaa nimɔk na. M nyi saah kpa liŋuusakpeln m pu pu na.

Aisaya 40:5

Uwumbɔr aah kpa kipak sakpen pu na ga nya mpaan pu aan unibɔn mɔmɔk kan waapak ngbaan. Uwumbɔr ubaa le puu kina.”

Aisaya 45:22

Nimi binib bi mɔmɔk bi dulnyaa wee ni na, fenn gir ni m chee dandana aan ki ŋmar man. Min baanja le ye Uwumbɔr u bi na.

Aisaya 52:10

Uwumbɔr ga di waapɔɔn mu bi chain na gaa waanib lii, le dulnyaa aanib mɔmɔk kan.

Aisaya 55:8

Uwumbɔr bui ke, “Maalandak aa ye nimi yoo, le maabimbin mu ni nimi yoo aa kpaan.

Aisaya 56:8

Tidindaan Uwumbɔr u nyan ni waanib Israel yaab tinaagbiir ni na, puu ke u ga nyan binib biken nan kpee bi pu.

Aisaya 57:12

Ni dak ke naah ŋani pu na le ŋan, le m ga nyan nimi aatuln mɔmɔk mpaan pu, le nimi aawaa ngbaan aan ŋma gaa nimi lii.

Aisaya 59:7

N‑yoonn mɔmɔk ni dak ke ni ŋa ni kaa ŋan na la, le naa taani kpala kina aaŋam. Naa sii ki dakl lik waahr aan ki nin ku unii u kaa tun taani ubaa na. Nin chee mɔk ni jer na ye mbiin ŋmeen la,

Aisaya 65:2

N‑yoonn mɔmɔk m nan gor ki kii ke m gaa maanib, le bi yii ki tun titunwanbir ki dii bibaa aasan.

Aisaya 66:10

Li mɔɔni man Jerusalem pu. Nimi bimɔk gee kitiŋ kee na, cha nisui li piin u pu, nimi bimɔk nan wii kaakpowiil na, li mɔɔni ter ki man.

Jeremia 16:17

M waa tiwan ni mɔmɔk bi ŋani na. Nibaa aa bɔ m chee; nnimbil kani baatunwanbir mɔmɔk.

Jeremia 3:17

N‑yoonn ngbaan yaa nan fuu ni kan, bi ga li gur yin Jerusalem ke ‘Uwumbɔr Aabɔrjal’ la, le ŋitimbol mɔmɔk ga kuun nima ki doon mi. Baan ki ŋa bisui i bir ki kpa maaŋuntafal na aah mɔk bi ke bi ŋa pu na.

Esekiel 38:10

Tidindaan Uwumbɔr aah tuk ubɔr Gog pu na sɔ: “N‑yoonn ngbaan yaa nan fuu ni kan, aa ga piin ki bi dakl nlandak mu kaa ŋan na.

Esekiel 39:21

Uwumbɔr nan ki bui ke, “M ga cha ŋitimbol kan maanyuŋ, ki mɔk ŋi maah joo maapɔɔn tun maalandak nyaan aatun pu na.

Joel 3:2

le ki kuun ŋitimbol mɔmɔk ki nan ji ŋi tibɔr Libɔjil Aafataŋ ni. Baah tun maanib pu na le m ga ji bi tibɔr. Bi jenn yaa Israel yaab koon ntiyayam ponn ni, le ki chuu yakr maatiŋ Israel ngbaan.

Amos 5:12

M nyi nimi aatunwanbir sakpenn ti ni ŋani na aakahm. Ni ŋani binibamɔm mbiin, le ki gaal igaŋgaŋlik, le ki cha bigiim aa ŋmaa kani ibamɔn libɔjil ni.

Sekaria 14:16

Le binib bi mɔmɔk ŋmar ŋitimbol ŋi nan tak Jerusalem na ga li chaa nima libiln mɔk ni ki ti dooni Uwumbɔr Mpɔɔnsakpiindaan ke ubɔrkpaan na. Bi ga li chaa ti ji Tikakar mu aajim nima.

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Matiu 12:25

Le Yesu bee baalandakbir ngbaan, le ki bui bi, “Nnaan mubaa ni aanib yaa jaa tɔb kijaak kan, nnaan ngbaan ga bee yɔli la. Kitiŋ kibaa ni aanib mu yaa jaa tɔb kijaak kan, kitiŋ ngbaan ga bee yɔli. Lidichal libaa ni aanib mu yaa jaa tɔb kijaak kan, lidichal ngbaan ga bee yɔli.

Matiu 9:4

Le Yesu bee baalandak, le ki baa bi, “Ba ŋa ni dak ilandak i kaa ŋan na nisui ni?

Tibɔnyaan ti Luk ŋmee ti na 5:22

Yesu nan bee baah dak pu na, le ki baa bi, “Ba pu ni dak kina nisui ni?

Jɔnn 17:24

“Nte Uwumbɔr, saah tii mi binib bi na, m ban bi mu li bi maah bi nin chee na, ki kan saah nyuŋ mi pu na; saah kaa nan kee naan dulnyaa buyoonn na, aa nan gee mi.

Jɔnn 5:42

M nyi nimi ke naa gee Uwumbɔr.

Rom Yaab 16:26

Dandana wee, ti nyan mpaan pu. Uwumbɔr aabɔnabtiib nan ŋmee ti waagbaŋ ni. Uwumbɔr, u bi n‑yoonn mu kaa kpa ndoon na le siin ke ŋinibol mɔmɔk ŋun tibɔnyaan ngbaan, aan ki bee, ki tii u naadii, ki kii waamɔb.

1 Korenti 3:20

ki ki ŋmee ke, “U nyi bilankpalb aalandak, ke i ye yɔli la.”

Ikaal 31:21

le tibɔbir pam ga dan bi pu. Bi ga li beenin gaa nlahn mue, aan mu li ye seeraa ki tii bi. Hali dandana wee, waahr aan m nin di bi buen kitiŋ ki ponn ni m nan puu ke m ga di tii bi na, m nyi baah dak pu na.”

Hiibru Yaab 4:12

Uwumbɔr aabɔr fu, ki kpa mpɔɔn, ki ka jer kijuk ki ka ŋipepel mɔmɔk ŋilee na, ki koo unii aasui ni, ni waawiin ni, ki lik usui ni aabɔbɔrkaan aah bi pu na, ki mɔk waalandak aah bi pu na, ki lik usui aah ban pu na, ke ni ŋan aan naa ŋan.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 2:13

M nyi naah bi nin chee na, ke ni bi kitiŋ ki ye kinimbɔŋ aatiŋ na ponn ni la. Ni mu beenin si nchaŋ ni la, kaa yii mi. Buyoonn bi nan ku maaseeraadaan bamɔnn Antipas nikaasisik ni, kinimbɔŋ aah bi nin chee na, naa nan yii mi.

Tibɔkpiirkaan 2:2

M nyi naah tun lituln linimaln pu na, ki nyi naah kpa limɔr pu na, ki nyi ke ni yii bibiindam, ke ni lik binib bi ŋmanni ke bi ye maakpambalb kaa ye na aabimbin aah bi pu na, ki bee ke bi ye biŋmaŋmannim la.

Tibɔkpiirkaan 2:9

M nyi naah ji falaa sakpen pu na, ki ye bigiim pu na; ni mu tee ye biwankpadam le Uwumbɔr chee. M nyi binib bibaa aah sii nimi pu na. Bi len ke bi ye Juu yaab, le kaa ye; bi ye kinimbɔŋ aanib la.