Aisaya 66:15 - Uwumbɔr aagbaŋ

¹⁵ Uwumbɔr ga di mmii le dan. U ga dan mala ke kibuŋ na le ki nan daa waah gee binib bi pu liŋuul na aatafal.

Aisaya 66:15 ပူးပေါင်းရင်းမြစ်များ

Ilahn 11:6

U cha mmiisakɔn ni chirbil u gaal mmii na lir ni bibiindam pu; u joo libuln li ton na le dar bitafal.

Ilahn 18:9

U nan daa kar kitaalangbaŋ ki sunn ni, le ntaalangbam bɔmbɔm bi utaapɔtan taab.

Ilahn 21:9

U yaa nyan ni kan, u ga bii bi mɔmɔk doo ke mmii mu wu na la. Uwumbɔr aaŋuul ni le u ga di bi mɔmɔk nab ke mmii mu wu na.

Ilahn 50:3

Timi Aawumbɔr choo, le kifuuk dii u; mmii mu gaal mpɔɔn pu na le loln u pu nsan, le libuln li pɔɔ sakpen na mann goln u.

Ilahn 68:17

Uwumbɔr ga di waataan aatɔroku mam ŋichur ŋichur bi kpa mpɔɔn na nyan ni Sainai aajool ki nan koo ni nin chee bi chain na.

Ilahn 97:3

Mmii le lolni u pu nsan le ki wu waadim bi mann goln u na.

Aisaya 10:17

Uwumbɔr u ye Israel yaab aawiihn na ga kpaln mmii. Israel yaab Aawumbɔr u bi chain na ga kpaln mmiigaal mu ga di nwiin mubaa baanja ki di wu tiwan mɔmɔk doo na, hali ikokon ni ŋinaabukar mɔmɔk ga wu.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Aisaya 30:30

Uwumbɔr ga cha unii mɔmɔk ŋun waaneel mu kpa mpɔɔn na pu, ki ŋun waaŋuul mu pu; le imiigaal, ni ŋitaayiyir, ni ŋitaatakpal, ni utaasakpiin ga li bi.

Aisaya 30:33

N‑yoonn mu jer na, bi nan puen toor libuul li ponn ni bi ga nan di Asiria aabɔrkpaan ngbaan see mmiisakpiin ni na. Li nyoo le ki waa, le bi pii idɔ ti gbiin li; le Uwumbɔr ga fuur mmiigaal mu ti gaa u ni idɔ ngbaan li ponn ni.

Aisaya 31:9

ijawaan pu, le baabɔrkpaan ga san, baaninkpiib aawon ga li gbaa sakpen aan bi di baatuutaa mam di mee.” Uwumbɔr u bi dooni u Jerusalem aatiŋ ni, nin chee waatork aamii gaal na, le len kina.

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Aisaya 5:28

Baapiin ka, le bi gor baatɔi ke bi too. Baataan aataabuseen pɔɔ ke lichachatakpal na, le baataan aatɔroku tiib aataa manni mala mala ke kinaakpaajabuŋ na.

Aisaya 51:20

Nimi aanib aa ki kpa mpɔɔn, le ki lir kitiŋ ponn ni, ŋilɔlɔk mɔmɔk ni; bi naahn ukpan aataŋ aah chuu ikulun i na la. Bi kan Uwumbɔr aaŋuul aah pɔɔ pu na.

Jeremia 4:13

Lik man, udin le choo ke ntaalangbam na. Waajaak aataan, ni yaatɔroku mam bi ke kinaakpaajabuŋ na la, le waataan ŋmaa san mala mala jer ŋikaagii. Ti kuln a. Timi aamɔfal junn a.

Jeremia 4:3

Uwumbɔr bui Juda ni Jerusalem aanib ke, “Kpar nimi aasikpil ŋi kaa kpar na; taa di nimi aajikaabim bu ŋmal ikokon ponn ni man.

Jeremia 46:15

Ni ŋa kinye aan nimi aawaasakpeln Apis lir? Uwumbɔr le faa li lii.’

Esekiel 38:17

Saabɔr le m nan len n‑yaayoonn na, ki cha maatutum, bi ye maabɔnabr ki nan bi Israel aatiŋ ni na moon, ke n‑yoonn choo le m ga nan cha unii ubaa tak Israel aatiŋ.” Dindaan Uwumbɔr le len kina.

Esekiel 5:15

“Maaŋuul yaa fii ni pu sakpen aan m daa nitafal liŋuul pu kan, ijawaan ga chuu ŋitimbol ŋi mann goln nimi na. Biponn ni ga li sukr ni pu, le bi ga li joo nimi ŋani yaansara.

Daniel 11:40

“Buyoonn Siria aabɔr aayoonn nan ban mu fuu ni na, le Ijipt aabɔr ga ti tak u, le Siria aabɔr ga di waapɔɔn mɔmɔk sil kiir u, u ga di itaan aatɔroku tiib, ni itaan, ni iŋɔi pam jan kijaak ngbaan. U ga loon ntim pam, ke nwam na.

Daniel 7:10

ki naahn ke nnyun le aah puu cha na. Binib ŋichur ŋichur le nan bi nima, bi nan ye binib churbakaa, ki si gbɔk u, bi ti tun waatuln tii u. Le tibɔr aajim aayoonn fuu ni a, le bi kpar tigbann.

Hosea 8:7

Bi yaa bun libuln kan, kitaabuŋ le bi ga nan chee. Njikaabim mu bi nkpaakon ni kaa biir na aan ŋmaa ŋa tijikaar. Hali mu yaa biir kan, biwɔwɔm le ga di mu ŋmɔ.

Amos 7:4

Tidindaan Uwumbɔr le nan ki kpiir tiwan nimina mu mɔk mi tidaŋ ponn ni. Tidaŋ timina ponn ni m nan kan ke u gor ubaa ke u di mmii daa waanib aatafal. Mmii ngbaan nan cha nnyusakpem mu dɔ kitiŋ kee aataab na foor, ki piin ki bi wu kitiŋ mu.

Nahum 1:6

Uwumbɔr aaŋuul yaa fii kan, ŋma ga ŋmar? Ŋma ga ŋmar waaŋuusakpeln ni? U cha waaŋuul puu nyan ni ke mmiigaal na la; ŋitakpal wur unimbiin ni ki kpaln titan la.

Habakuk 3:8

Uwumbɔr, ŋimɔɔ pu le saaŋuul nan fii ii? nnyusakpem pu le saaŋuul nan fii ii? Aa nan jak saataan ni yaatɔroku tiib bi ye linyaŋ yaab na.

Sekaria 6:1

M nan ki daŋ tidaŋ tiken. Tidaŋ timina ponn ni m nan kan itaan aatɔroku tiib binaa nyan ni tikumann aajoo ŋilee aakaasisik ni.

Matiu 22:7

Le ubɔrkpaan ngbaan gee liŋuul sakpen, le ki tun waajab le bi ti ku binikurb ngbaan, le ki see baatiŋ mmii.

Ikaal 28:20

“Ni yaa tun titunwanbir, ki yii Uwumbɔr kan, u ga cha falaa dan ni pu, le nimi aalandak ŋmal. Tibɔbir ga dan tiwan nimɔk ni ŋani na mɔmɔk ni, le naan yoor n‑yoonn, le ni kuln kookoo.

2 Piita 3:7

Bi suln ke Uwumbɔr aaliin ichachaan ngbaan le joo paacham ni kitiŋ ki bi dandana wee na, ki nan saa buyoonn u ga see paacham ni taab mmii, ki kuln titunwanbirdam na; liyaadaal ngbaan le u ga ji bi tibɔr ki bii bi.