Aisaya 66:10 - Uwumbɔr aagbaŋ

¹⁰ Li mɔɔni man Jerusalem pu. Nimi bimɔk gee kitiŋ kee na, cha nisui li piin u pu, nimi bimɔk nan wii kaakpowiil na, li mɔɔni ter ki man.

Aisaya 66:10 ပူးပေါင်းရင်းမြစ်များ

Ilahn 122:6

Mee Uwumbɔr ke u cha nsuudoon li bi Jerusalem ni man; “Cha binib bi gee Jerusalem na kan liwangol.

Ilahn 137:6

M yaa kaa teer aabɔr, ki dak aa pu ke sin le ye maamɔɔn sakpiin kan, m taa ki ŋmaa gaa ilahn kpala.

Ilahn 26:8

Uwumbɔr, m gee saah koo lidichal li ponn ni na, nin chee saapak bi na,

Aisaya 25:9

Kina yaa ŋa kan, binib mɔmɔk ga bui ke, “Uma le ye Tidindaan. Ti kpa u pu limakl, le u gaa timi lii. Uma le ye Uwumbɔr. Ti kpa u pu limakl, le dandana ti kpa mpopiin ki mɔɔni; ba pu? u gaa timi lii.”

Aisaya 35:2

Nteersakpiin aatiŋ ngbaan ga li kpa mpopiin ki gaa ilahn ki li tar, ki ga li ŋan ke Lebanonn aajoo pu na la. Kitiŋ ngbaan ga li nyuun ke Kamel ni Saronn aakpaakon na. Binib mɔmɔk ga kan Uwumbɔr aah kpa kipak pu na, ki kan waah ye unikpaan ki kpa mpɔɔn pu na.

Aisaya 44:23

Nimi kitaapaak yaab, li tar ni mpopiin pu man. Nimi kitiŋ yaab, teen mpɔɔn pu man. Ŋijoo ni isui imɔk bi kichook ni na, di mpopiin teen mpɔɔn pu man. Uwumbɔr mɔk waapɔɔn ki gaa waanib Israel yaab lii.

Aisaya 51:3

M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.

Aisaya 65:18

Cha nisui li piin aan ni li mɔɔni maah ban m naan ni na pu. Maah ban m naan Jerusalem pɔɔn u na ponn ni ga li ye mmɔɔn ŋmeen la, le kaanib ga li kpa mpopiin.

Aisaya 9:3

Uwumbɔr, aa tii bi mpopiin sakpen a; aa cha bisui piir sakpen a. Bi mɔɔni saah ŋa pu tii bi na pu, ke binib aah chee njikaabim kan, bi mɔɔni pu na, bee bi yaa yakr tiwan ni bi jan kijaak ki gaa ni na kan, baah mɔɔni pu na,

Esekiel 9:4

“Koo Jerusalem aatiŋ ponn ni, ki daan unii umɔk aasui bii aan ni muk u baah tun ŋitun ŋi sukr ponn ni kitiŋ ngbaan ponn ni na aayigbeer pu kidaan.”

Ikaal 32:43

Ŋitimbol mɔmɔk, ni li pak Uwumbɔr aanib, u dar binib bi ku waanib na aatafal. U ga di cha pinn waanib baatunwanbir, le ki daa waadim aatafal ki teen bi.”