Aisaya 65:9 - Uwumbɔr aagbaŋ

⁹ M ga ŋa tinyoor ŋa Israel yaab ponn ni bi ye Juda aamaal aanib na, le biyaabitiib ga nan li yeh maajoo pu aatiŋ. Bi ye maanib bi m nyan bi na, ki mu ye maatutum. Bima le ga li koo nima.

Aisaya 65:9 ပူးပေါင်းရင်းမြစ်များ

Aisaya 27:6

Iwiin i choo na ni, Jakob aamaal, Israel yaab, ga nyal sil ke busub na, ki ŋeen ki lu. Kitiŋ kee ga gbiin baah tun ki kani pu na.

Aisaya 30:19

Nimi binib bi koo Jerusalem ponn ni na aan ki wii iwiil. Uwumbɔr san nimi kinimbaak, le ni yaa wii ki yin u ki ban nterm kan, u ga kii nimi aayim.

Aisaya 32:18

Uwumbɔr aanib ga nya ilandak mɔmɔk ni, le baadichal ni ga li kpa nsuudoon ni lifuur.

Aisaya 45:19

Maa bɔrni ki len maabɔr, kaa joo maah ban m ŋa pu na mu bɔrni. Maa nan ban ke Israel yaab lik ban mi, kitiŋ ki kaa kpa nibaa na ni. Min le ye Uwumbɔr, le ki len ibamɔn; m cha ibamɔn nya mpaan pu.”

Aisaya 45:25

Min Uwumbɔr ga gaa Israel aayaabitiib mɔmɔk lii, le bi ga tii mi kipak.

Aisaya 49:8

Uwumbɔr bui waanib ke, “Ni yaa ŋeer ke m gaa nimi lii kan, le m ga san nimi kinimbaak, aan ki pel nimi aameel. M ga li kii nimi ki joo nimi le ki puu tipuur tii binib mɔmɔk, nimi pu. M ga cha ni ki gir kal nimi aatiŋ ki dɔ fam dandana na pu.

Aisaya 57:13

Ni yaa wii ki ban nterm kan, ni cha nimi aawaa ngbaan ter nimi. Litakpiln libaa aabuln le ga daa ŋi di buen. Le binib bi gaa mi ki kii na ma ga li bi kitiŋ ngbaan pu ki ga li dooni mi Maadichal ni.”

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Aisaya 65:15

Maanib bi m nyan bi na ga li joo nimi aayimbil le puuni lir binib pu, ke bi li bee fam ke nimi na. Min, Bidindaan Uwumbɔr le ga ku nimi, le ki tii binib bi kii maamɔb na liyimbipɔln.

Esekiel 36:24

M ga nyan ni nimi litimbol, ni kitiŋ mɔmɔk ni, ki giin nimi nibaa aatiŋ pu.

Sefania 3:20

N‑yoonn ngbaan choo, le m ga giin ni nimi aanib bi yaa na linampal; m ga cha ni li kpa liyimbil dulnyaa wee mɔmɔk ni, ki cha ni ki gir kan liwangol.” Uwumbɔr le len kina.

Matiu 24:22

Uwumbɔr yaa kaa bar falaa ngbaan aayoonn aawiin kan, ubaa aan ŋmar. Le waanib aanimbaasaln pu u ga bar falaa ngbaan aayoonn aawiin.

Rom Yaab 11:28

Tɔ, baah yii Yesu aabɔnyaan tee na, bi ye Uwumbɔr aadim la. Nima le ni kan tinyoor ki ŋmar. Uwumbɔr mu nan lee bi; waah lee bi na, biyaajatiib pu le u gee bi.