Aisaya 65:7 - Uwumbɔr aagbaŋ

⁷ baatunwanbir ni biyaajatiib aatunwanbir pu. Bi seer nnyɔknii tiwaachur ni ŋigongon paab ki len tibɔbir m pu. Kina pu na, m ga daa bitafal ki ŋeer baah tun pu na la.”

Aisaya 65:7 ပူးပေါင်းရင်းမြစ်များ

1 Bibɔrb 22:43

U nan bi ke ute Asa, u nan puen u jin nnaan na aah nan bi pu na la. U nan tun Uwumbɔr aageehn; waa nan tee ŋmaa kuln ŋiwaa aadoon. Binib nan beenin toor ŋi ki seer nnyɔknii ŋaawaadir ni.

1 Bibɔrb 22:44

Jehosafat nan ŋa nsuudoon aamɔbaan Israel yaab aabɔr chee.

2 Bibɔrb 12:3

Tɔ, baa nan kuln ŋiwaa aadoon chee, le binib nan beenin toor ki seer nnyɔknii nima.

2 Bibɔrb 14:4

Waa nan ber baah dooni ŋiwaa nin chee na, le binib nan beenin toor kitork ki seer nnyɔknii nima chee.

2 Bibɔrb 15:35

Tɔ, waa nan ber baah dooni ŋiwaa nin chee na, le binib nan beenin toor kitork ki seer nnyɔknii nima chee. Jotam le nan ŋa Uwumbɔr Aadichal Aaŋangan wɔb Aabisamɔb na.

2 Bibɔrb 16:4

Ahas nan toor kitork ki seer nnyɔknii tiwaadir ni, ni ŋigongon paab, ni busub bumɔk nan kpa mboon na taab tii ŋiwaa.

2 Bibɔrb Aabɔr 21:11

U nan kpaan maa baah dooni ŋiwaa nin chee na Juda aagongon aatim ni, ki cha Juda ni Jerusalem aanib tun Uwumbɔr titunwanbir.

Nnyam 20:5

Ni taa gbaan kitiŋ ke ni doon liwaal libaa; ba pu? min le ye Nidindaan Uwumbɔr, le maa ban m ni ubaa li kpaan yeh nimi. M ga daa binib bi nan mi na, ni biyaabitiib, ni bi mu aayaabitiib aatafal,

Aisaya 10:12

Uwumbɔr nan ki bui ke, “M yaa doo maah bi tun lituln li Sionn Aajool pu ni Jerusalem ni na kan, m ga daa Asiria aabɔrkpaan ngbaan aatafal, waah puk tipupuur timɔk na, ni waamakl ngbaan pu.”

Aisaya 13:11

Uwumbɔr len ke, “M ga joo ni falaa kitiŋ kee pu aan ki daa titunwanbirdam mɔmɔk aatafal baatunwanbir pu. Umɔk kpa kigaak ni mbiin na, m ga daa utafal ki sunn bigaadam mɔmɔk taab.

Aisaya 22:14

Nidindaan Uwumbɔr Mpɔɔnsakpiindaan, uma ubaa le len m chee ki bui ke, “Maan di cha tibɔbir timina pinn bi n‑yoonn mumɔk bi bi na. Min, Nidindaan Uwumbɔr Mpɔɔnsakpiindaan, le len kina.”

Aisaya 26:21

Uwumbɔr ga nyan ni waakookoo yaan mu bi paacham na, ki nan daa kitiŋ kee pu aanib aatafal baatunwanbir pu. Binib bi, bi nan ku ki di bɔr kitiŋ kee pu na aabɔr ga nyan mpaan pu, kitiŋ kee aan ki bɔr binib bi bi ku bi na pu.

Aisaya 28:21

Uwumbɔr ga jan ke waah nan jan Perasim aajool pu, ni Gibeonn aafataŋ ni pu na, ke u ŋa waah ban ke u ŋa pu na; waah ga ŋa pu na aatataa ga li pɔɔ ti bee. U ga doo waatuln. U ga doo waatuln li aatataa bɔr na.

Aisaya 29:14

Le m yaa cha tibɔbir tibaa jer kan, tiken ki fuu ni, le ni gar bi. Binib bi kpa nlan na ga kpaln bijɔrb, le baalan ngbaan ga bee fam.”

Aisaya 3:11

Le titunwanbirdam ga kuln; le baah ŋa biken pu na, Uwumbɔr ga di giin ŋa bi.

Aisaya 30:13

Ni jin libɔkpol a. Ni naahn ligoln li fɔk ki taa nween ki ti saa kitiŋ na la, libuul lee ni le ni ga lir.

Aisaya 30:14

Ni wii yak yak ke tiyakr aabuul na la, ni wii yak yak sakpen le kisanjaŋ aan ki li bi, bi di moo mmii, bee bi di kab nnyun nkin ponn ni.”

Aisaya 57:12

Ni dak ke naah ŋani pu na le ŋan, le m ga nyan nimi aatuln mɔmɔk mpaan pu, le nimi aawaa ngbaan aan ŋma gaa nimi lii.

Aisaya 57:7

Ni chaa ŋijoo paab ti toor kitork le ki doo bipiib chee nima.

Aisaya 59:18

U ga daa waadim aatafal baah tun taani ki ŋeer pu na, ni binib bi bi dandar aatim ni na mu.

Aisaya 65:6

“M puun siin baatafadaan, ki ŋmee maah ga ŋa bi pu na bil. Maan suln baah ŋa pu na aabɔr, m ga teen bi

Aisaya 66:4

Kina pu na, m ga cha tibɔbir lir bi pu. Baah san tiwan ni ijawaan na le ga kan bi, ba pu? maah nan yin bi na, baa nan kii, kaa nan pel buyoonn m len bi chee na. Bi nan yii maamɔb ki tun titunwanbir.”

Jeremia 13:25

U bui ke nimi aadoon le ga li bi na. Waah siin ke u ga ŋa nimi pu na le na, ba pu? ni suln ubɔr le ki di naadii tii ŋiwaa.

Jeremia 13:27

U kan nimi, ni tun tijɔŋ aatuln. U kan naah chuun ban ŋiwaa ŋigongon paab, ni ikpaakon ni, ke uja aah neen uŋeen aatɔ aapuu pu, bee utanja aah neen utaninkpel pu na. Jerusalem aanib, nimi aamɔfal junn a. Bayoonn aan ni mu ga ŋaŋ?

Jeremia 16:18

M ga cha bi pa paan baatunwanbir ni baabiin pu nfum mulee, ba pu? bi di ŋiwaa ŋi kaa fu ke linikpol na bii maatiŋ, le ki di ŋiwaa ŋi ye tiwan ni maa gee ŋaabɔr na gbiin ki ponn ni.”

Jeremia 5:29

“Le min Uwumbɔr ga daa bitafal tiwan nee mɔmɔk pu; m ga teen litimbol ngbaan.

Jeremia 5:9

M taa daa bitafal nimina pu ki teen kina aatimbol aa?

Esekiel 18:6

waa ba ga li dooni Israel yaab aawaa, kaan ŋmɔ tiwaachur ni aatork aanann. Waan di kimɔmɔɔn gaa uken aapuu, kaan doon upii u bi waapiir ni na chee.

Daniel 9:8

Ndindaan, timi aabɔrb, ni binib bi joo ntim na, ni tiyaajatiib nan tun titunwanbir ki jin inimɔɔn.

Hosea 11:2

Tɔ, buyoonn m moo yin u na, le u moo san m chee. Maanib toor kitork tii liwaal Baal la, le ki seer nnyɔknii tii ŋiwaa ŋiken.

Hosea 2:13

N‑yoonn mu mɔmɔk u nan sulni mbɔr ki seer tulalee aayon tii liwaal Baal ki peeni nleenyaan ki san dii ubɔtiib na pu le m ga daa utafal. Uwumbɔr le len kina.

Liifai Yaab 26:39

Nimi bi gur siib nimi aadim aatiŋ ni ki ŋmar na aatunwanbir, ni niyaajatiib aatunwanbir pu, naan ki li bi tibaa ni.

Nkahm 32:14

Le nimi titunwanbirdam bimina fii sil nitetiib aataa pu, ki ban ke ni bii Uwumbɔr aasui aan waaŋuul fii Israel yaab pu.

Tibɔnyaan ti Luk ŋmee ti na 6:38

Tiin binib man, le Uwumbɔr mu ga tii nimi. U ga tii nimi sakpen. Mbamɔn, u ga lee gbiin nimi lisambil, le ki yek yek, ki ki lee kpee, le ki nyii nyii ki moo lee kpee aan li ti bar kpir, aan ki di tii nimi. Naah tii binib pu na, Uwumbɔr mu ga giin kina le ki tii nimi.”

1 Tesalonika 2:16

ki kiir timi, kaa ban ke ti tuk binib bi kaa ye Juu yaab na tibɔnyaan tee, aan bi ŋmar. Juu yaab ngbaan aah ŋani kina na, bi too kpae baatunwanbir pu n‑yoonn mɔmɔk la. Uwumbɔr aaŋuul pii bi kookoo.