Aisaya 65:3 - Uwumbɔr aagbaŋ

³ Bi ŋani mi liŋuul, kaa san inimɔɔn. Bi toor tisamoor ki seer nnyɔknii ŋiwaabimbin pu.

Aisaya 65:3 ပူးပေါင်းရင်းမြစ်များ

2 Bibɔrb 22:17

Bi yii mi le ki dooni ŋiwaa, le ki di baah tun pu na mɔmɔk fiin maaŋuul. Maaŋuul fii Jerusalem aatiŋ pu, le kaan ki sɔŋ.

Job Aagbaŋ 1:11

Tɔ, aa yaa ba chuu gaa tiwan nimɔk u kpa na kan, u ba ga puun lii aa pu.”

Job Aagbaŋ 2:5

Aa yaa ba cha iween ibaa pii u kan, u ba ga puun lii aa pu.”

Ilahn 78:40

N‑yoonn mɔmɔk ni, bi nan yiil waamɔb nteersakpiin ni la; N‑yoonn mɔmɔk bi nan bii usui la.

Ilahn 78:58

Bi nan cha waaŋuul fii baah dooni ŋiwaa nin chee na pu, ki cha usui fii baawaa ngbaan pu.

Aisaya 1:29

N‑yoonn ngbaan le nisui ga gar ke ni nan chuun dii isui ke i gaa nimi lii, ki toor kisamook ke ki ter nimi ni kan tijikaar.

Aisaya 3:8

Mbamɔn, Jerusalem sil kuln a. Juda mu bi lir la. Baah ŋani tiwan nimɔk ki len pu na mɔmɔk seei Uwumbɔr binib aanimbil ni la; le bi fii sil uma Uwumbɔr u kpa mpɔɔn mɔmɔk na pu.

Aisaya 66:17

Uwumbɔr ki len ke, “Binib bi toor bibaa ki dooni ŋiwaa, ki chɔl ki chaa ti toor tisamoor, ki ŋmɔ ugbeer, ni ŋilapol, ni tijikaar ti kaa ŋan na aadoon peen ni a.

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Jeremia 3:6

Josia aah nan ye ubɔr buyoonn na, le Uwumbɔr nan bui mi ke, “Aa kan Israel yaab bi bi ke bipiidagoob na aah tun pu na aa? Bi fenn bipuwɔb tii mi, le ki tun lituln ke bidagoob na ligongoln limɔk paa na pu, ni bususoom mɔk taab.

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Liifai Yaab 17:5

Nkaal ngbaan aatataa le ye ke Israel yaab mɔmɔk li joo ni baawakor ti bi joo toor kitiŋ ponn ni yɔl yɔl na nan toor kitork tii Uwumbɔr. Bi li joo i ki nan di tii utotoor, Uwumbɔr Aabool aabisamɔb chee, aan u di toor kimɔbaan aapiin aatork.

Ikaal 32:21

Baah dii ŋiwaa ŋi na le cha liŋuul chuu mi. Baawaa ŋi kaa ye nibaa aan bi dii ŋi na le cha lipiipoln chuu mi. Nima pu na, m mu ga cha litimbol li kaa ye nibaa na le ŋa bi liŋuul. M ga cha bi li kpa lipiipoln litimbol li aanib ye bijɔrb na pu.