Aisaya 64:8 - Uwumbɔr aagbaŋ

⁸ Uwumbɔr, sin le ye tite. Timi le ye tiyakr, le aa ye uyakmaal. Sin le naahn timi,

Aisaya 64:8 ပူးပေါင်းရင်းမြစ်များ

Job Aagbaŋ 10:3

Ni ŋan ke aa li kpa mbiin kina aa? Ni ŋan ke aa lik seen tiwan ni sin aabaa naan ni na aa? Ni ŋan ke aa tee laa limɔmumukl bibiindam aah kpokl pu na aa?

Ilahn 100:3

Taa suln man ke Uwumbɔr ye Tidindaan la. Uma le nan ŋa timi ŋitimbol, le ti ye uyaab; ti ye waanib la, ti ye waapiih la.

Ilahn 119:73

Sin le naan mi, ki cha m kpa limɔfal; tii mi nlan aan m di bae saakaal.

Ilahn 138:8

Aa ga ŋa saah puu tipuur ti na mɔmɔk. Uwumbɔr, saageehm aa kpa ndoon. Doo lituln li aa piin li na.

Ilahn 74:1

Uwumbɔr, ba ŋa aa san cha mi kina? Aa gee aabaa aanib pu liŋuul li kaa kpa ndoon na la aa?

Ilahn 95:6

Dan man, aan ti nan gbaan ki doon u; Cha ti gbaan man Uwumbɔr u naan timi na aanimbiin ni.

Nnyam 32:12

Aa ban ke Ijipt yaab len ke aa nyan ni saanib Ijipt aatiŋ ni, ke aa nan ku bi ŋijoo ŋee ni, ki bii bi kookoo la aa? Cha saaŋuul sɔŋ, ki kpeln saalandak, ki taa bii saanib ngbaan kina.

Nnyam 4:22

Aa ga bui u ke min Uwumbɔr len ke, ‘Israel yaab le ye maajan aabijabo.

Aisaya 19:25

Uwumbɔr Mpɔɔnsakpiindaan ga ŋa waanyoor ŋa ŋi pu, ki bui ke, “M ga ŋa tinyoor ŋa nimi Ijipt yaab bi ye maanib na; ni nimi Asiria yaab bi m naan bi na, ni nimi Israel yaab bi ye maanib na pu.”

Aisaya 29:16

Bi labr tiwan mɔmɔk chiŋni la. Nilani ye tiwankpaan, uyakmaal aan tiyakr? Tiwan ni unii naan ni na aan ŋmaa bui udaan ke, “Sin le aa naan mi,” ni mu aan ŋmaa bui u ke, “Saa nyi saah bi ŋani pu na.”

Aisaya 43:25

Nee aapuwɔb na, min le ye Uwumbɔr u joo cha pinni nimi, nimi aatunwanbir na; le m ŋani nimina maabimbinyaan pu. Maa daa nitafal nimi aatunwanbir pu.

Aisaya 43:7

Bi ye maanib la, le m naan bi ke bi tii mi kipak.”

Aisaya 44:21

Uwumbɔr bui ke, “Israel aanibol, teer nimina: teer ke aa ye maatutunn la. Min le naan si ke aa li ye maatutunn, le maan suln saabɔr daalbaadaal.

Aisaya 44:24

“Min le ye Uwumbɔr u gaal nimi lir na. Min le naan nimi. Min le ye Uwumbɔr u naan tiwan mɔmɔk na. Min baanja le daa taln kitaapaak; maah nan naan kitiŋ kee na, ubaa aa nan ter mi.

Aisaya 45:11

Uwumbɔr u ye Israel yaab Aadindaan u bi chain ki ŋani n‑yoonn mu laa choo na waah gee pu na bui ke: “Naa kpa nsan ke ni baa mi maabim aabɔr, bee ni tuk mi maah ga ŋa pu na.

Aisaya 45:9

Tiyakr aabuul li bi ke ŋibuu ŋiken na ga ŋmaa kpak uyakmaal kinikpakpak aa? Tiyakr aan ŋmaa baa uyakmaal ke u bi ŋani ba? Libuul aan ŋmaa bui unii u maa li na ke waa nyi nibaa.

Aisaya 57:16

M tii maanib limɔfal, kina pu na, maan ki galn bi ki gee liŋuul bi pu ki ti saa n‑yoonn mu kaa kpa ndoon na. M yaa ŋa kina kan, bi ga fik.

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Aisaya 63:16

Sin le ye tite. Tiyaajatiib Abraham ni Jakob aa ki nyi timi, le sin Uwumbɔr ma le ye tite u gaal timi lir n‑yoonn mɔmɔk na.

Aisaya 63:8

Uwumbɔr bui ke, “Bi ye maanib la; baan ŋmann mi.”

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Jeremia 31:9

Maanib ga li wii le ki mee limeel, le m cheeni bi choo. M ga mɔk bi ikpen i kpa nnyun na chee, ki di bi chuun isan i pu joon aan baan gbeer nibaa na. M bi ke te na le Israel yaab chee, le Efraim ye maaboja.”

Hosea 1:10

Israel aanib ga li wiir ke nnyusakpem aatambol na la. Bi ga li wiir jer baah ga kahn, bee bi ŋaŋ bi pu na. Le Uwumbɔr bui bi n‑yoonn mue ke, “Naa ye maanib,” tɔ, n‑yoonn choo le u ga nan bui bi ke, “Ni ye min Uwumbɔr u bi na aabim la.”

Malakai 2:10

Taa kpaan te la aa? Naa ye Uwumbɔr baan le naan ti mɔmɔk aa? Kina kan, ni ŋa kinye aan ti bii tipuur ti ti puu tii tɔb na, ki lik seen tipuur ti Uwumbɔr nan puu tii tiyaajatiib na?

Jɔnn 8:41

Ni ŋani ke nite aah ŋani pu na la.” Le bi bui u, “Taa ye mbɔnbim. Tite ye ubaa la. Uma le ye Uwumbɔr.”

Galantiya 3:26

Nimi bimɔk gaa Yesu Kristo ki kii na, u pu le ni ye Uwumbɔr aabim.

Galantiya 3:29

Ni ye Kristo aanib la. Nima le ni ye Abraham aayaabitiib. Le ni ni u ga kan tiwanyaan ni Uwumbɔr nan puu tipuur ke u ga tii nimi paacham na.

Efesusi 2:10

Ti ye Uwumbɔr aawanaankaan la. Taah kpaan Yesu Kristo ni na, le Uwumbɔr ŋa timi binipɔm, ke ti li tun lituln li ŋan na. U nan di lituln ngbaan siin kiir timi, ke ti nan tun li.

Ikaal 32:6

Nimi bijɔrb bi kaa kpa nlan na, Uwumbɔr aah ŋa nimi tibulchinn ti na, kina le ni ga giin pa u uu? Naa ye uma le ye nite u naan nimi, ki ŋa nimi litimbol na aa?

Ikaal 9:29

Ni ye mbamɔn ke binib bee le aa nyan bi ke bi li ye saanib, le ki di saapɔɔn sakpiin na nyan ni bi Ijipt aatiŋ ni.’