Aisaya 64:3 - Uwumbɔr aagbaŋ

³ N‑yoonn mubaa aa nan sunn ni ki nan ŋa lijinjiir aawan ni taa nan dak ni pu na; ŋijoo nan kan si le ki san ijawaan ki dam.

Aisaya 64:3 ပူးပေါင်းရင်းမြစ်များ

2 Samuel 7:23

Litimbol libaa aa ki bi kitiŋ kee pu ke Israel aatimbol li aa nyan li tinaagbiir ni, ki di li ŋa aabaa aanib na. Saah tun lijinjiir, ni litusakpeln li tii bi na cha saayimbil yaa koo dulnyaa wee mɔmɔk ni. Saanib bi aa nyan ni bi Ijipt ni ke bi nan li ye saanib na, yaa paan cha kan, le aa jenn ŋitimbol ŋiken, ni ŋaawaa.

Ilahn 106:22

Bi suln waajinjiir aatun ŋi u nan tun nima chee na bɔr, ni iwaan aatun ŋi u nan tun Limɔɔkal Aanyusakpem chee na aabɔr.

Ilahn 66:3

Bui Uwumbɔr ke, “Saah ŋa tiwan ni na nyaŋ a. Saapɔɔn nyaŋ, le saadim san ijawaan ki gbaani aanimbiin ni.

Ilahn 66:5

Dan ki nan lik man Uwumbɔr aah ŋa waatusakpeln li binib ponn ni na.

Ilahn 68:8

kitiŋ nan dam, le utaal nyan ni kitaapaak ki lir ni, ba pu? Uwumbɔr u nan len Sainai Aajool pu na le nan choo, Israel yaab Aawumbɔr le nan choo.

Ilahn 76:12

u sunn biyidam bi kpa kigaak na taab ki cha bibɔrkpaam san u ijawaan sakpen.

Nnyam 34:10

Uwumbɔr nan ki bui Moses ke, “M ki puu tipuur Israel yaab chee la. M ga ŋa lijinjiir aatuln li kaa kee ŋa dulnyaa wee ni na, binimbil ni. Le binib mɔmɔk ga kan litukpaan li min Uwumbɔr ga ŋmaa ŋa na; ba pu? m ga ŋa lijinjiir aawan tii nimi.

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Aisaya 64:1

Uwumbɔr, aa yaa ba daa kar ntaalangbam ki sunn ni kan, m ba ga li gee kina. Ŋijoo ba ga kan si, le ijawaan chuu ŋi le ŋi dam.

Habakuk 3:3

Uwumbɔr ki nyan ni Edom aatiŋ ni ki choo; Uwumbɔr u ye chain na nyan ni Parann aagongon pu ki choo. Waanyuun gbiin paacham, le waapak mu gbiin kitiŋ kee pu.

Habakuk 3:6

U yaa sil kan, kitiŋ deŋni la; le u yaa yaar lik kan, ŋitimbol jii. Ŋijoo ŋi bi n‑yoonn mɔmɔk na wur la; le n‑yoonn mɔmɔk aagongon na mu ber lir kitiŋ. Ŋima pu le u nan chuun n‑yaayoonn na.

Ikaal 10:21

Ni li pak u. Uma le ye nimi Aawumbɔr, le ninimbil kan waah ŋa lijinjiir aawan nimɔk ki tii nimi na.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.