Aisaya 64:1 - Uwumbɔr aagbaŋ

¹ Uwumbɔr, aa yaa ba daa kar ntaalangbam ki sunn ni kan, m ba ga li gee kina. Ŋijoo ba ga kan si, le ijawaan chuu ŋi le ŋi dam.

Aisaya 64:1 ပူးပေါင်းရင်းမြစ်များ

Ilahn 46:6

Ijawaan chur ŋitimbol, le nnaan mɔmɔk jii; Uwumbɔr tar, le kitiŋ bunn doo.

Ilahn 68:8

kitiŋ nan dam, le utaal nyan ni kitaapaak ki lir ni, ba pu? Uwumbɔr u nan len Sainai Aajool pu na le nan choo, Israel yaab Aawumbɔr le nan choo.

Ilahn 79:10

Ni ŋa kinye aan ŋitimbol baa timi ke, “Nimi Aawumbɔr bi la chee?” Ŋitimbol aah cha saatutum aasin nyan pu na, cha ti kan saah ga daa bitafal pu na.

Nnyam 19:11

aan ki gor bibaa daalpu. Liyaadaal ngbaan, m ga nyan ni paacham, ki sunn ni Sainai Aajool pu, nin chee binib ngbaan mɔmɔk ga kan mi na.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Aisaya 41:15

M ga ŋa nimi ke lidipoidabil li laa soon ki nyuun na la. Ni ga poi ŋijoo ki doo ŋi; ŋigongon ga wii ki kpaln kitangbaak.

Aisaya 63:15

Uwumbɔr, saah bi paacham nin chee ni bi chain ki kpa kipak na, san timi kinimbaak. Saalandak mu aa nan kpa ti pu na bi la chee? Saapɔɔn bi la chee? Saageehm ni saanimbaasaln bi la chee? Taa suln tibɔr.

Aisaya 63:19

Aa ŋani timi ke sin le aah kaa nan joo timi n‑yoonn mubaa na, le ni naahn ke taah kaa nan ye saanib n‑yoonn mubaa le na.

Amos 9:13

Uwumbɔr le ki len ke, “N‑yoonn choo, buyoonn tijikaar ga ŋa mala mala ki jer baah ga ŋmaa chee pu na, le ndaan aasubil ga lu mala mala ki jer baah ga ŋmaa ŋaa ndaan pu na. Ŋijoo ni ŋigongon paab ga kpaln ikpaakon ŋmeen la.

Amos 9:5

Tidindaan Uwumbɔr Mpɔɔnsakpiindaan yaa meeh kitiŋ kan, ki deŋni la, le binib bimɔk bi nima na wii ikpowiil. Dulnyaa mɔmɔk fii ki lir ke Nail Aamɔɔsakpeln aah fii ki lir pu na la.

Sekaria 14:4

N‑yoonn ngbaan kan, u ga ti li si Olif Aasui Aajool li bi Jerusalem aawipuul wɔb na pu la. Le Olif Aasui Aajool ngbaan ga bool nfum mulee, le kifataŋ sakpeŋ doon kaasisik ni, ki nya liwipuul ki ti saa liwilir. Libool libaa ga di toŋ ŋŋangan wɔb, le liken na di toŋ ŋŋangii wɔb.

Tibɔnyaan ti Mak ŋmee ti na 1:10

Yesu aah nyan nnyun ni na, le u kan kitaapaak chuu piir, le ki kan Uwumbɔr Aafuur Nyaan sunn ni ki nan tɔŋ u pu, ki naahn linanjel.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.