Aisaya 61:7 - Uwumbɔr aagbaŋ

⁷ Nimi aanimɔɔn doo a. Ni ga li bi nibaa aatiŋ ni la, le nimi aawangol moo kpee aan nimi aapopiin mu aan li kpa ndoon.

Aisaya 61:7 ပူးပေါင်းရင်းမြစ်များ

2 Bibɔrb 2:9

Nima chee le Elaija bui Elaisa ke, “Bui mi saah ban ke m ŋa tiwan ni tii si na waahr aan Uwumbɔr nin yoor mi buen.” Le Elaisa gar u ke, “Cha m kan aa chee saapɔɔn mu ga cha m nab saatuln pu na.”

Job Aagbaŋ 42:10

Tɔ, Job aah nan mee Uwumbɔr tii ujɔtiib bitaa ngbaan doo na, le Uwumbɔr ki tii u liwangol, ki tii u nfum mulee pu waah nan kpa pu na.

Ilahn 126:5

Cha binib bi nan bi bu baajikaabim ki wii na nan chee ti, ni mpopiin.

Ilahn 16:11

Aa ga mɔk mi limɔfal aasan; saah bi m chee pu na le gbiini mi mpopiin, ki joo ni mi mmɔɔn n‑yoonn mɔmɔk.

Aisaya 35:10

Bi ga dii mu ti fuu Jerusalem ni mpopiin, ki gaa ilahn ki tar mpɔɔn pu ni mpopiin. Bi ga li kpa mpopiin n‑yoonn mɔmɔk, bi ga nya kinimbaak ni mpombiin ni kookoo.

Aisaya 40:2

Pɔɔk Jerusalem aanib aataakpab. Tuk bi ke bi jin falaa ni yunn sakpen a, le dandana m di baatunwanbir cha pinn bi, m daa bitafal ki ŋaŋ baatunwanbir.”

Aisaya 51:11

Saah gaa binib bi lii na ga di mpopiin fuu Jerusalem, ki ga li gaa ilahn ki tar ni mpopiin. Bi ga li kpa mpopiin n‑yoonn mɔmɔk; bi ga nya kinimbaak, ni mpombiin ponn ni ki ti saa n‑yoonn mu kaa kpa ndoon na.

Aisaya 54:4

Taa san ijawaan man; naan ki ji inimɔɔn; ubaa aan ki lik seen nimi. Aa ga suln saah kaa nan si chob pu na aabɔr, ki suln buyoonn aa nan gur ka ke ukpopii na mu.

Aisaya 60:15

Ubaa aan ki lik si fam, kaan ki li nan si, kitiŋ ki baanib nan san cha ki aan ki ye tilangbenn na. M ga tii si mpɔɔn ni kinyaan nin chee mmɔɔn ga li bi n‑yoonn mɔmɔk na.

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Aisaya 65:13

le m ban m bui nimi ke binib bi dooni mi ki kii maamɔb na ga li kpa pam bi ji ki nyu, nimi ma kan, nkon ni nnyunyuu ga li joo nimi. Bi ga li kpa mpopiin, le nimi ga ji inimɔɔn.

Sefania 3:19

N‑yoonn choo, le m ga daa binib bi muk nimi na aatafal; m ga gaa binib bi mɔmɔk ye biwɔb na lii, ki giin ni binib bi bi tinaagbiir ni kitiyayaŋ ni na linampal. M ga cha baanimɔɔn kpaln nnyuŋ, le dulnyaa mɔmɔk ga li pak bi.

Sekaria 8:12

Bi ga bu baajikaar nsuudoon ni la. Baasubil aasui ga lu ŋisubil, le kitiŋ ga ŋa tijikaar, le utaal ga nu. Maatimbol aanib bi ga ŋmar na le m ga tii bi tinyoor timina mɔmɔk.

Sekaria 9:12

Nimi binaagbiib bi bi kitiyayaŋ ni na, ni kpa limakl dandana wee la; gir ni man, gir ni nin chee kpa lifuur na man. M tuk nimi la, m ga gir pa nimi tinyoor nfum mulee ki jer naah nan jin falaa pu na.

Matiu 25:46

Le bi ga kan ntafadaan n‑yoonn mu kaa kpa ndoon na. Le bininyaam ngbaan ga kan limɔfal li kaa kpa ndoon na.”

2 Korenti 4:17

Dandana aafalaa aan yunn, kaa wiir. Falaa ngbaan pu, le ti ga kan mpopiin ki ti nyaŋ, n‑yoonn mu kaa kpa ndoon na.

Ikaal 21:17

U yaa yakr waawan ngbaan kan, u di nfum mulee yaan tii njan aabijabo, hali waah kaa ye upuu u u gee sakpen na aabo na, u tii u kina. Uja mɔmɔk li nyi ki yakr waawan ki tii njan aabijabo, naah ŋeer ke u kan pu na.

2 Tesalonika 2:16

Tɔ, Tite Uwumbɔr gee timi sakpen. Waabulchinn pu, le u tii timi lipobisoon li kaan doo na, ni limakl nyaan.